Puha Hūhū

◼ Lata tokoua nakai e tau matua ke hokotaki e tulā ma e fakaakoaga he magafaoa ne taute tumau?

Pete ko e tau matua taane ne lago ki ai e matagahua pauaki ke feaki e tau fanau he “leveki ai ke he tau kupu akonaki mo e tau kupu fakamafana he Iki [Iehova],” kua fai vala tokoua e tau matua he fakaako e tau fanau ha laua. (Efeso 6:4) Kua fakamafana he Tohi Tapu e tau fanau: “Haku tama tane na e, kia fanogonogo mai a ke he tau kupu ne fakaako atu ai he matua tane hāu; aua neke tiaki foki e koe e poaki he hāu a matua fifine.” (Fakatai 1:8) Taha vala aoga he fakaakoaga fakamatua ko e fakaako Tohi Tapu he magafaoa.

He vahā fakamua, ko e matua ni ne taute e fakaakoaga he magafaoa mo e tau tama ne nakaila papatiso ka hokotaki e tulā, pete ne putoia tokoua e tau matua ke he fakatutalaaga. Ka kua hiki tuai e mena nei. Kaeke kua fai vala tokoua e tau matua he fakaako e tau tama, ti maeke tokoua ia laua ke totou takitaha e tulā he faahi tapu ko e gahua he fonua. Ka e mooli, fa mahani e tau matua ke molea atu mai he taha e tulā he faahi tapu ke fakaako e tau tama ha laua. Ko e fakaako he tau tama kua putoia e laliaga tumau ke he tau matua tokoua. (Teu. 6:6-9) Pete ia, kua lata e hokotaki he gahua he fonua he mahina ke fakaata pauaki e gahua ke he fonua. Ko e mena ia, nakai molea e taha e tulā he faahi tapu ka totou, pete ni he molea atu e taha e tulā ne fakaako, molea e lagataha e taute he faahi tapu, po ke taute e tau fakaakoaga kehekehe mo e tau fanau. Taha ni e matua ka hokotaki e fakaako Tohi Tapu he magafaoa ti taha foki e liu aahi atu he tau faahi tapu takitaha ne taute e fakaakoaga.