The Bible​—A Book of Fact and Prophecy

Ko e vitiō fakamua e Mankind’s Oldest Modern Book he tau fakataitaiaga kehekehe ne tolu ne moua ke he DVD The Bible​—A Book of Fact and Prophecy. He mole e kitekite ke he vitiō nei, tali e tau hūhū ne mui mai:

(1) Tau puhala fe ne fetataiaki e Tohi Tapu mo e tau puhala fakasaiene he vahā nei? (2) Iloa tonu fēfē e tautolu ko e tau Tohi Tapu he vahā nei kua fakakite hakotika e tau tohiaga fakamua? (3) Ko e heigoa e vala ne mua atu e kehe he tau menusikuripi i tuai he Tohi Tapu? (4) Tau puhala fe ne lagomatai e John Wycliffe, Johannes Gutenberg, William Tyndale, John Hus, Martin Luther, Casiodoro de Reina, mo Charles Taze Russell ke fakapuloa e Kupu he Atua ke he lalolagi katoa, mo e puhala fe ne totoko favale he tau lotu e Tohi Tapu? (5) Maeke fēfē e tau tomatomaaga aoga he Tohi Tapu ke lagomatai e tau tagata ke fehagai mo e tau lekua he malolō tino (Sala. 34:8), molea e pelē tupe (1 Timo. 6:9, 10), nonofo kehekehe mo e nakai fakamooli ke he fakamauaga (1 Kori. 13:4, 5; Efeso 5:28-33), mo e tupetupe ke he tau mena he tino (Mata. 16:26)? (6) Ko e heigoa e fakamooliaga he fakagahua e tau matapatu fakaakoaga he Tohi Tapu kua maeke ke kautū he tau mahani vihiatia fakamotu, tagata motu kehe, mo e fili tagata (Luka 10:27)? (7) Ko e tau puhala fe he muitua ke he tau matapatu fakaakoaga he Tohi Tapu kua tamai ki a koe e fiafia lahi? (8) Fakaaoga fēfē e koe e vitiō nei ke lagomatai e falu?​—Kikite Ha Tautolu a Fekafekauaga he Kautu ia Fepuari 2006, lau 8.