Talahauaga Hagaao ke he Tau Mekasini

Ko e Kolo Toko Aperila-Iuni

“Tokologa ne liogi ke hoko mai e Kautu he Atua. Ko e heigoa e Kautu ia? Ko e heigoa ne fakaako e Iesu hagaao ke he Kautu? [Totou Luka 8:1.] Ko e vala tala ne kamata he lau 8 he fufuta pauaki nei, kua fakamaama e magaaho ka hoko mai e Kautu he Atua, mo e mena ka taute he Kautu ma e tau tagata mo e fua lalolagi.”

Awake! June

“Fa kotofa he tau lotu e tupe ke totogi ka taute e tau papatisoaga, tau fakamauaga, mo e tau mauku? Kua tonu nakai e mena nei he manatu haau? [Fakaatā ma e tali.] Onoono ke he tau fakatonuaga nei ne age e Iesu ke he tau tutaki haana. [Totou Mataio 10:7, 8e.] Fakakite mai he vala tala nei e talahauaga he Tohi Tapu hagaao ke he totogi e tau matafekau fakalotu.” Fakakite e vala tala ne kamata he lau 22.

Ko e Kolo Toko Iulai-Sepetema

“Tokologa e tagata ne amaamanaki ke o hake ke he lagi ka mamate. Fiafia nakai a koe ke he amaamanakiaga ia? [Fakaatā ma e tali.] Mailoga e talahauaga he Tohi Tapu ke he palepale ma e laulahi he tau tagata mahani mitaki. [Totou Salamo 37:29.] Kumikumi he mekasini nei e talahauaga he Tohi Tapu hagaao ki a lautolu ka o hake ke he lagi mo e gahua ha lautolu i ai.”

Awake! July

“Fakatupu he tuaga fakatupe mogonei e fakaatukehe lahi. Ko lautolu kua oti mo e tau gahua kua fakaagitau, mo lautolu hane gahua kua tupetupe neke ai fai gahua. Manatu nakai a koe ko e fakatonuaga mitaki anei ke lagomatai a tautolu ke fahia? [Totou Mataio 6:34. Ti fakaatā ma e tali.] Foaki he mekasini nei e tau manatu aoga ke he puhala ke fatifati aki e tuaga fakatupe mo e tau logonaaga ha tautolu.”