Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Oketopa

“Ko e tau tagata kua ha ha he tau lotu kehekehe mo e tapuaki e Atua ke he tau puhala kehekehe. Fēfē e logonaaga he Atua ke he mena ia he manatu haau? [Fakaatā ma e tali.] Mailoga e mena ne fakaako e Iesu ke he matakupu nei.” Age ke he tagata he kaina e lagaki he Kolo Toko ia Oketopa-Tesemo ti fakatutala tokoua ke he vala tala i lalo he vala mataulu fakamua he lau 16 ti totou taha e kupu tohi. Foaki e tau mekasini, ti fakatoka ke liu atu ke fakatutala ke he taha hūhū foki.

Ko e Kolo Toko Oketopa-Tesemo

Fakakite e kili i mua he mekasini, ti pehē: “To tali fēfē e koe e hūhū nei? [Fakaatā ma e tali.] Mailoga e talahauaga he Tohi Tapu. [Totou 1 Ioane 5:19.] Talahau mai he kupu nei, ‘ko ia kua mahani kelea,’ po ke Tiapolo ne pule ke he lalolagi. Ka e fai hūhū foki ne lagā mai he mena ia. Hau i fe e Tiapolo? Ko e mena moui mooli kia a ia? Fiha e leva ka fakaatā he Atua a ia ke pule? Fakakite he mekasini nei e talahauaga he Tohi Tapu.”

Awake! October

“Ko e ahiahi mai ha mautolu he aho nei ha ko e matagahua ke lata mo e tau magafaoa. Ko e heigoa he talahau e koe e paleko lahi mahaki kua fehagai mo e tau matua he vahā nei ka feaki e tau fanau? [Fakaatā ma e tali.] Tokologa e tau matua kua falanaki ke he Tohi Tapu ma e fakatonuaga. Ma e fakatai, kua lagomatai e tau kupu pulotu nei ka akonaki e tau fanau. [Totou Efeso 4:31.] Fakakite he mekasini nei e puhala kua maeke e fakatonuaga he Tohi Tapu ke lagomatai e tau matua he tau tupuaga takitaha he tama ha laua, mai he vahā mukemuke ke hoko ke he fuata mui.”