Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Aperila

“Ko e papatiso ko e mena fa mahani ke he tokologa he tau Kerisiano. Ko e heigoa e manatu haau? Aoga nakai e papatisoaga? [Fakaatā ma e tali.] Kua talahau he vala tala nei e falu manatu aoga.” Age ke he tagata he kaina e Kolo Toko ia Aperila-Iuni, ti fakatutala tokoua ke he vala tala i lalo hifo he vala mataulu fakamua he lau 16 ti totou taha e kupu Tohi Tapu. Foaki e tau mekasini ti fakatokatoka ke liu atu ke fakatutala ke he taha hūhū foki.

Ko e Kolo Toko Aperila-Iuni

“Kua loga e tau manatu hagaao ki a Iesu. Ne manatu e falu ko ia ko e Mesia ne mavehe mai. Ne logona hifo he falu ko e tagata mitaki noa ni a ia. Ka e talitonu e falu ne nakai moui a ia. Ko e heigoa e tali haau? [Fakaatā ma e tali.] Hagaao ke he Tohi Tapu, kua aoga ke iloa e tala mooli hagaao ki a ia. [Totou Ioane 17:3.] Kua fakakite he mekasini nei e tau tali he Tohi Tapu ke he falu hūhū aga mau hagaao ki a Iesu.”

Awake! April

“Aahi mai a mautolu ha ko e gahua ke lata mo e tau magafaoa oti. Talia nakai e koe kua loga lahi mahaki e tau lekua kua fehagai e tau magafaoa ki ai he vahā nei? [Fakaatā ma e tali.] Mailoga e mena kua moua mai he tau magafaoa tokologa e fakatonuaga aoga. [Totou Salamo 119:105.] Kua fakatutala e mekasini nei ke he puhala kua kautū e tau magafaoa tutaki mai he fehagai mo e tau paleko pauaki ha lautolu he muitua ke he tau matapatu fakaakoaga he Tohi Tapu.”