Tau Fakafeleveiaaga Fakataitai

Ke kamata e tau fakaako Tohi Tapu he aho Faiumu fakamua ia Aperila

“Manako a maua ke iloa e manatu haau. Manatu nakai a koe na maeke e Agelu he Atua ke hiki ke kelea muitui?” [Fakaatā ma e tali.] Fakakite e vala tala i tua he Kolo Toko ia Mati-Aperila, mo e fakatutala tokoua ke he vala tala i lalo he hūhū ke uaaki mo e taha he tau kupu tohi ne tu ai. Foaki e mekasini, ti fakatoka ke liu atu ke tali e hūhū fakamua.

Ko e Kolo Toko Mati-Aperila

“Pete ni ko hai mo hai a tautolu, ha ha i ai e fī ne fehagai mo tautolu oti. Iloa nakai e koe ko hai e fī ia? [Fakaatā ma e tali.] Pete ni ko e fī malolō e mate, mailoga e tau kupu nei ha Iesu. [Totou Mataio 22:31, 32.] Ko e vala tala he lau 7 ne fakakite kua mua ue atu e malolō he Atua ke he mate mo e to fakamooli e maveheaga haana ke fakaliu tutū mai a lautolu ne mamate.”

Awake! Aperila

“Ko e favale he kaina ko e lekua he lalolagi katoa. Pehē e falu ko e tau mena ne putoia ai ko e aga fakamotu he tagata, aga he magafaoa haana, mo e tau fakafiafiaaga favale. Fēfē e manatu haau, ko e heigoa e matapatu kakano he favale he kaina? [Fakaatā ma e tali.] Ne fakakite he Tohi Tapu e fakafetuiaga kua lata ke he vahaloto he taane mo e hoana. [Totou Efeso 5:33.] Fakatutala e mekasini nei ke he tau puhala ne kua maeke ke fakahao ai falu fakamauaga ha kua fakagahua e tau matapatu fakaakoaga he Tohi Tapu.”