Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Novema

“Kua ha ha i ai e tau tagata he tau lotu kehekehe ti tapuaki ke he Atua he tau puhala kehekehe. Fēfē e manatu haau ke he logonaaga he Atua hagaao ke he mena ia? [Fakaatā ma e tali.] Mailoga e mena ne fakaako e Iesu ke he matakupu nei.” Age ke he tagata he kaina e lagaki he Kolo Toko ia Oketopa-Tesemo mo e tutala tokoua ke he vala tala i lalo he vala mataulu fakamua he lau 16 ti maeke ke totou taha e kupu Tohi Tapu. Foaki e tau mekasini ti fakatoka ke fakatutala ke he taha hūhū foki.

Ko e Kolo Toko Oketopa-Tesemo

Fakakite e kili i mua he mekasini, ti pehē: “To tali fēfē e koe e hūhū nei? [Fakaatā ma e tali.] Mailoga e mena ne talahau he Tohi Tapu. [Totou 1 Ioane 5:19.] Hagaao ke he mena nei, ‘ko ia ne mahani kelea’ po ke Tiapolo kua pule ke he lalolagi. Ka e fai hūhū ne lagā mai he mena ia. Hau i fe e Tiapolo? Na mooli nakai a ia? To fiha e leva ka fakaatā he Atua a ia ke pule? Kua fakakite mai he mekasini nei e mena ne talahau he Tohi Tapu.”

Awake! November

“Ka onoono fakatata mo e fakamakutukutu a tautolu ke he lagi mo e lalolagi katoatoa kua viko takai ia tautolu, ko e heigoa e fakahikuaga ne takitaki ki ai he manatu e koe​—na fai Tufuga po ke na tupumainoa e tau mena oti ia? [Fakaatā ma e tali.] Hanei e talahauaga he taha tagata ne tohia e Tohi Tapu he mogo ne onoono a ia ke he lagi mo e lalolagi katoatoa. [Totou Roma 1:20.] Fakamaama he mekasini nei e tau mena kua moua he tau saienetisi hagaao ke he tau tegatega moui he tagata kua fakatutala ke he matakupu nei.”