Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Novema

“Kua ahiahi fakakū a mautolu ke he tau katofia ha mautolu ke tutala hagaao ke he fakatufono mitaki. Manatu nakai a koe to maeke he ha fakatufono ke utakehe e tau lekua uka, tuga e favale mo e nakai fakafili tonu?” [Fakaatā ma e tali.] Fakamanatu ke he tagata he kaina, i loto he Liogi he Iki ne fakaako e Iesu e tau tutaki haana ke liogi ke hoko mai e fakatufono ia, ko e Kautu he Atua. Fakakite e vala tala i tua he Kolo Toko ia Novema-Tesemo, ti fakatutala tokoua ke he vala tala i lalo he hūhū fakamua mo e taha e kupu tohi i ai. Foaki e mekasini ti fakatoka ke liu ke fakatutala ke he taha hūhū foki.

Ko e Kolo Toko Novema-Tesemo

“Kua tutala fakakū a mautolu mo e tau katofia hagaao ke he tau kupu nei he liogi fa mahani ne fakaako e Iesu ke he tau tutaki haana. [Totou Mataio 6:9, 10.] Kua logona nakai e koe e fakamaamaaga mitaki hagaao ke he Kautu he Atua mo e kakano ne peehi fakalahi e Iesu he fakaakoaga haana? [Fakaatā ma e tali.] Fakakite he mekasini nei e mena ne talahau he Tohi Tapu hagaao ke he Kautu he Atua pihia mo e falu aoga mua ue atu ka tamai ai ke he lalolagi.”