Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Ianuari

“Manatu nakai a koe ko e tau tagata ne lali ke omaoma ke he Atua kua mua e fiafia? [Fakaatā ma e tali.] Talahau he vala tala nei e falu manatu fakalagalaga.” Age ke he tagata he kaina e lagaki he fufuta he Ko e Kolo Toko ia Ianuari-Mati, ti totou mo e fakatutala tokoua e vala tala he taha he tau vala mataulu he lau 16-17. Maeke ke totou taha e kupu Tohi Tapu. Foaki e tau mekasini, ti fakatoka ke liu atu mo e fakatutala ke he tali he taha hūhū foki.

Ko e Kolo Toko Ianuari-Mati

“Kua manamanatu nakai a koe ko e ha ne loga lahi e tau mena tutupu pauaki he foou nei? [Fakaatā ma e tali.] Mailoga ai na talahau tuai he Tohi Tapu e magaaho ka fakamailoga aki e tau matematekelea. [Totou Mataio 24:7, 8.] Tali he mekasini nei e tau hūhū nai: Ko e ha ne loga e tau mena tutupu pauaki kua kitia e tautolu he vahā nei? Ko e fakahala mai he Atua kia? Ko e heigoa e tau kakano ke talitonu to nakai leva ti utakehe he Atua e tau mena tutupu pauaki oti kana?”

Awake! January

“Ko e tau fakavaivai, tau fakakeukeu, mo e falu puhala nakai fakamooli ko e aga mau he lalolagi fakapisinisi. Manatu e falu ko e nakai fakamooli katoatoa he pisinisi kua latatonu ke maeke ke kautū. Ko e heigoa e manatu haau? [Fakaatā ma e tali.] Mailoga e fakatai fakalagalaga manatu nei. [Totou Tau Fakatai 20:17.] Fakamaama he mekasini nei e kakano he aoga e mahani fakamooli.”