Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Ianuari

“Tokologa e tagata ne tutala a maua ki ai ne manako ke ō ke he lagi. Ko hai he manatu e koe ka ō ke he lagi, mo e ko e heigoa e gahua ha lautolu he lagi?” Fakaatā ma e tali. Fakakite age e lau i tua he Kolo Toko ia Ianuari-Fepuari, mo e fakatutala ke he vala tala i lalo he hūhū fakamua mo e taha he tau kupu tohi ne tu ai. Foaki e tau mekasini, ti fakatoka ke liu atu ke tali e hūhū ne toe.

Ko e Kolo Toko Ianuari-Fepuari

“He manatu haau, ko e heigoa e pikopiko lahi mahaki ne talahau hagaao ke he Atua? [Fakaatā ma e tali.] Fakakite mai he Tohi Tapu, manako e Atua ke he tau tagata ke fiafia mo e falanaki ki a ia. [Totou Isaia 41:13.] Kua fakamaama mai he mekasini nei tolu e pikopiko fa mahani hagaao ke he Atua ati uka e falu ke fakatata atu ki a ia.”

Awake! Ianuari

“Talitonu nakai a koe kua loga e tau mena ne fakapehia aki e tau magafaoa he vahā nei? [Fakaatā ma e tali.] Tala mai he fakatai nei he Tohi Tapu e mena kua lata ke moua he tau magafaoa ke atihake mo e fakamalolō e tau magafaoa ha lautolu. [Totou Tau Fakatai 24:3.] Tokologa ne kua iloa ko e Tohi Tapu ko e punaaga mauokafua he pulotu. Fakatutala e mekasini nei ke he taha mena mitaki lahi, ko e faahi Kupega Hila ne fakavē ke he Tohi Tapu ne ha i ai e falu puhala kua moua noa ke lagomatai e tau magafaoa.”