Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Fepuari

“He tau vahā uka nei, kua fehagai a tautolu oti mo e tau paleko ne fakatupetupe e tau magafaoa. Moua e tautolu i fe e takitakiaga mauokafua he manatu e koe ke lagomatai ai ke moua e tautolu e magafaoa moui fiafia?” Fakaatā ma e tali. Ti age ke he tagata he kaina e lagaki he Ko e Kolo Toko he fufuta ia Ianuari-Mati, ti fakatutala ke he vala tala i lalo hifo he taha he tau vala mataulu he lau 10 mo e 11 ti totou kavi ke he taha e kupu Tohi Tapu. Foaki e tau mekasini, ti fakatoka ke liu atu ke fakatutala ke he taha he tau hūhū foki.

Ko e Kolo Toko Ianuari-Mati

“Manatu nakai a koe kua aoga ma e tau matua taane ke fakatata ke he tau fanau taane ha lautolu? [Fakaatā ma e tali.] Fakakite he Tohi Tapu e puhala kua lahi e foaki he tau tama taane e olioli ke he ha lautolu a tau matua taane. [Totou Fakatai 23:24 ti fuluhi ke he lau 18-20.] Lagomatai he vala tala nei e tau matua taane ke kitia e puhala kua maeke ia lautolu ke kautū ke he falu mena vihi fa mahani mo e fakatata tumau ke he tau tama taane ha lautolu.”

Awake! February

“Kua fiafia e tokologa he vahā nei ke matutaki ke he tau komopiuta. Manatu nakai a koe kua fai lekua e vahega matutakiaga nei? [Fakaatā ma e tali.] Ha ha he Tohi Tapu e tau matapatu fakaakoaga ka taute e puhala matutaki ha tautolu he komopiuta ke hagahaga mitaki. [Fuluhi ke he lau 6-9, ti fakatutala ke he taha he tau hūhū mo e taha e kupu Tohi Tapu.] Fakamalolō e au a koe ke kumikumi ke he vala tala nei ke maeke ia koe ke kitia mo e kalo mai he tau mena hagahagakelea he matutaki mo e falu he komopiuta.”