Tau Fakafeleveiaaga Fakataitai

Ma e Matagahua ke Uiina ke he Fakamanatuaga

“Kua o mai a mautolu ke tamai he uiina ma e magafaoa haau ke he fakamanatuaga ne taute lagataha he tau ke he lalolagi katoa ka fakahoko ia Mati 26. Ko e aho ia ko e fakamanatuaga a ia he mate ha Iesu. To taute e lauga Tohi Tapu nakai fai totogi ke fakamaama e puhala ne lagomatai he mate haana a tautolu. Haia he uiina e kaina mo e tulā he feleveiaaga nei ka fakahoko he matakavi ha tautolu.”

Ko e Kolo Toko Mati-Aperila

“Fia loto a maua ke iloa e manatu haau ke he tagata ne fakalilifu lahi he tau Kerisiano, tau Iutaia, mo e tau Musilimi. Ko e tagata ia ko Mose. Ko e heigoa e mena fakamua ne manatu e koe ka logona e higoa ia? [Fakaatā ma e tali.] Pete he fai mena hepe a ia ne taute, kua fuluola e puhala ne fakamaama he Tohi Tapu hagaao ki a Mose. [Totou Teutaronome 34:10-12.] Fakamaama he mekasini nei tolu e mahani mitaki haana mo e puhala kua maeke ia tautolu ke fifitaki a ia.”

Awake! Mati

“Talia nakai e koe kua nakai ko e magahala mukamuka anei ke feaki e magafaoa? [Fakaatā ma e tali.] Tokologa e tau matua ne moua e tau tomatomaaga mitaki i loto he Tohi Tapu. Ma e fakatai, lagomatai he kupu nei e tau matua taane ke mataala ke he tau magaaho ke navanava e tau fanau ha lautolu mo e feaki e mauokafua ha lautolu. [Totou Kolose 3:21.] Lima e matapatu fakaakoaga i loto he vala tala nei ke lagomatai e tau matua taane.”