Fakatoka Atu e Malolō he Kupu he Atua ke he Haau a Gahua he Fonua
Ka fakaatā he tagata e magaaho ki a tautolu ke talahau e tala mitaki ki a ia, fakaaoga fakamitaki e tautolu e magaaho ke fakatoka atu e malolō he Kupu he Atua he totou hako e tau kupu tohi mai he Tohi Tapu. Peehi mai e mena nei he aho toloaga pauaki he tau kua mole. Lauga e leveki takaiaga ne mataulu, “Fakatoka Atu e Malolō he Kupu he Atua ke he Haau a Gahua he Fonua.” Manatu nakai e koe e tau matapatu vala?
Ko e ha e kupu ha Iehova kua mua atu e malolō ke he ha tautolu?—2 Timo. 3:16, 17.
Maeke fēfē e Tohi Tapu ke fakaohooho e tau logonaaga, hikihiki e manamanatuaga, fakahakohako e tau fatuakiloto, mo e omoomoi e tau mahani?—Kikite Ko e Kolo Toko, ia Iuni 15, 2012, lau 27, para. 7.
Ka totou e tautolu e kupu tohi ke he taha tagata he fonua, maeke fēfē a tautolu ke hagaaki atu ke he Kupu he Atua he puhala ke fakakite e fakalilifu ki ai?—Kikite tohi Ministry School, lau 148, para. 3-4 mo e Ha Tautolu a Fekafekauaga he Kautu ia Mati 2013, lau 8, para. 8.
Ko e ha kua aoga ke fakamaama mo e fakakakano e tautolu e tau kupu tohi ne totou e tautolu, ti taute fēfē e tautolu e mena ia?—Gahua 17:2, 3; kikite tohi Ministry School, lau 154, para. 4 ke he lau 156, para. 5.