“Kia Ha i Ai Foki ke he Hau a Loto e Tau Kupu Nai”

Ko e tau matua kua tuga e tau leveki mamoe. Lata ia laua ke leveki fakamitaki e tau fanau ha laua, nukua mukamuka lahi ke tataki kehe mo e putoia he matahele. (Fakatai 27:23) Maeke fēfē e tau matua ke fakamooli e matagahua nei? Lata ia laua ke fakaaoga e magaaho he tau aho takitaha ke matutaki mo e tau fanau ha laua ke iloa ko e heigoa he tau manamanatuaga mo e tau loto ha lautolu. (Fakatai 20:5) Kua lata foki he tau matua ke atihake e tau koloa nakai maeke ke vela ke fakamalolō e tua he tau fanau ha laua. (1 Kori. 3:10-15) Ko e vitiō “These Words . . . Must Be on Your Heart” kua fakakite e aoga he tapuakiaga tumau he magafaoa. Kitekite ai mo e magafaoa, ti fakatutala e tau hūhū ne mui mai.

(1) Ko e heigoa ne takitaki ke he nakai hagaaki fakaagaaga he magafaoa ha Roman? (2) Ko e ha ne nakai kautū e laliaga fakamua he Matakainaga Taane ko Roman ke he tapuakiaga he magafaoa? (3) Ko e heigoa e puhala he Tohi Tapu kua takitaki ke he kautūaga kua mitaki lahi he feaki e tau fanau? (Teu. 6:6, 7) (4) Ko e heigoa ka lafi ke he matutakiaga mitaki he magafaoa? (5) Ko e heigoa e tau mena kua manako e tau fanau ke taute he tau matua ha lautolu? (6) Eke fēfē e Matakainaga Taane mo e Matakainaga Fifine ko Barrow mo fakaohoohoaga mitaki ke he magafaoa ha Roman? (Fakatai 27:17) (7) Ko e heigoa he ulu he magafaoa kua lata ke taute tuai ke maeke ke kautū e tapuakiaga he magafaoa? (8) Kamata fēfē e Matakainaga ko Roman ke taute e tau hikihikiaga kua lata mo e magafaoa haana? (9) Ko e ha e fakatumau kua lata mo e tapuakiaga he magafaoa? (Efeso 6:4) (10) Ko e heigoa falu manatu aoga ma e tapuakiaga he magafaoa? (11) Ko e ha kua totoka ka e mauokafua e Matakainaga ko Roman he lagomatai a Marcus ke loto fakaaue ke he aoga he taute e mena hako? (Iere. 17:9) (12) Fēfē e fakamaamaaga he Matakainaga Taane mo e Matakainaga Fifine ko Roman ne lagomatai ki a Rebecca ke taute e fifiliaga hako hagaao ke he fakafetuiaga haana mo Justin? (Mare. 12:30; 2 Timo. 2:22) (13) Fakakite fēfē he Matakainaga Taane mo e Matakainaga Fifine ko Roman e tua he mogo ne taute e tau hikihikiaga he tau momoui ha laua? (Mata. 6:33) (14) Fakamaama fēfē he vitiō nei e lata ma e tau ulu magafaoa ke foaki fakaagaaga ma e tau magafaoa ha lautolu? (1 Timo. 5:8) (15) Ko e heigoa e fifiliaga haau ko e ulu he magafaoa?

KO E MANATU MA E TAU ULU MAGAFAOA: Ko e taute tala he vahā foou nei ne fakakite he tau fonoaga he faahimotu he 2011. He magaaho ia, mailoga nakai e koe e lata ke holo ki mua e tapuakiaga he magafaoa haau? Ka e kua mogonei? Kaeke kua lata e tau hikihikiaga foki, fakamolemole liogi he taute e tau hikiaga ma e aoga tumau he magafaoa haau.​—Efeso 5:15-17.