Fakafeleveia e Tau Tagata ne Uiina

Ia Mati 23, kavi ke he 12 e miliona po ke molea e tagata ahiahi ne amanaki ke o mai ke he Fakamanatuaga ko e tau tagata ne uiina e tautolu. Ko e fakamatala ka moua e lautolu he tutala e tagata lauga ke he mena fakaalofa ha Iehova he lukutoto mo e falu monuina anoiha ka moua he tau tagata! (Isa 11:6-9; 35:5, 6; 65:21-23; Ioa 3:16) Ka e nakai ko e tagata lauga ni ka fakamatala he magaaho pauaki nei. Igatia a tautolu mo e fakafeleveia mafanatia e tau tagata ne uiina. (Rom 15:7) Hanei falu a manatu.

• He nakai nofo he nofoa haau mo e fakatali ke kamata e fakaholoaga, fakafeleveia e tau tagata ahiahi mo lautolu ne lolelole fakaagaaga he mamali mafanatia mo e fakafeleveia fiafia

• He matakite pauaki ki a lautolu ne uiina e koe, mataala ke he falu ne liga fakalataha mai ha ko e matagahua uiina. Uiina a lautolu ne foou ke nonofo mo koe. Fakaaoga e Tohi Tapu mo e tohi lologo haau mo lautolu

• Ka oti e lauga, fakaatā a koe ke tali e tau hūhū. Ka kaupā e tau magaaho ha kua lata e fakapotopotoaga ke o kehe ka e fakaatā ma e taha fakapotopotoaga foki, taute e fakatokaaga ke aahi atu ke he tagata he tau aho gahoa. Ka nakai moua e koe e vala tala matutaki haana, liga pehē a koe: “Fia iloa au ko e fēfē e manatu haau ke he fakaholoaga. Fai puhala nakai ke maeke au ke matutaki mo koe?”