FAKAAOGA E KOE KE HE GAHUA HE FONUA
Fakatolomaki ki Mua e Lotomatala ha Tautolu he Fekafekauaga—Tohi Haau a Fakataitaiaga he Mekasini
KAKANO KUA AOGA AI: Pete kua foaki he tau fakafeleveiaaga fakataitai he tohi fakaaoga he feleveiaaga e tau manatu lagomatai, ko e tau fakatokaaga noa ni anei. Lata ia koe ke fakaaoga e tau kupu ni haau. Liga manako a koe ke he taha puhala foki po ke logona hifo kua lauia mitaki e taha matakupu foki ke lata mo e matakavi. Ka pihia, he oti e totou e koe e mekasini, manamanatu ke he tau fakafeleveiaaga fakataitai, ti kitekite ke he tau fakatātāaga vitiō, maeke a koe ke fakaaoga e tau lagomatai nā ke tohi hifo haau a fakataitaiaga.
PUHALA KE TAUTE AI:
Hūhū hifo, ‘Manako nakai au ke fakaaoga taha fakafeleveiaaga fakataitai?’
Ē
Tauteute e tau kupu hafagi haau. Ka oti e fakafeleveiaaga fa mahani, talahau fakatonu e kakano he ahiahi atu haau. (Fakataiaga: “Hoko mai au ha ko e . . . “)
Manamanatu ke he puhala haau ka hiki ke he hūhū, ke he kupu tohi, mo e foaki. (Fakataiaga: Ke hafagi e kupu tohi, maeke a koe ke pehē: “Ko e tali mooli ke he hūhū ia ka moua i loto ē.”)
NAKAI
Fifili e matakupu mai he mekasini ne fiafia a koe mo e to lauia mitaki ke he matakavi haau
Fifili e hūhū fakalagalaga ke hūhū ka fakalagā e manatu mo e fakatutalaaga ka e nakai amanaki ke he tagata he kaina ke fai tali ni mogoia. (Fakataiaga: Ko e tau hūhū he lau 2 he mekasini.)
Fifili e kupu tohi ke totou. (Ka fakakite a koe he Awake! ko e totou he kupu tohi ko e fifiliaga ni haau, ha kua talaga e mekasini nei ke lata mo lautolu ne tote e iloaaga ke he Tohi Tapu mo e nakai talitonu ke he lotu.)
Talahau taha po ke ua e alaga kupu nukua fakamaama e puhala ka aoga e tagata he kaina mai he totou e vala tala nei
PUHALA FE NI
Tauteute foki e hūhū ke tali he liu aahi atu
Fakamau hifo ke lagomatai a koe ke manatu e mena ne loto a koe ke talahau he taha mogo