Fakatolomaki ki Mua e Lotomatala ha Tautolu he Fekafekauaga​—Taute e Liu Aahi Atu

KAKANO KUA AOGA AI: Tokologa e tagata ne fakakite e fiafia ke he fekau he Kautu kua kumi ke he kupu mooli hagaao ke he Atua. (Isa 55:6) Ke maeke ia tautolu ke fakaako tumau a lautolu, lata ke liliu atu tumau. Kehekehe e tau paleko ne fehagai mo e tau tagata, ti ko e puhala ne feaki e tautolu e fiafia ha lautolu to kehe foki. Ka e to lauia mitaki ai ka tauteute fakamitaki a tautolu ti fai matapatu kakano ma e tau aahi takitaha, ke foli ke kamata e fakaako Tohi Tapu.

PUHALA KE TAUTE AI:

• Eketaha ke liu mafiti, liga he tau aho gahoa.​—Mat 13:19

• Kia aga kapitiga mo e fakalilifu. Lali ke fakatotoka

• Kamata aki e fakafeleveia mafanatia. Fakaaoga e higoa he tagata. Fakamanatu ki a ia e kakano kua liu atu a koe​—liga ke tali e hūhū, ta atu e mekasini foou, fakakite e faahi kupega hila ha tautolu, tā e vitiō, po ke fakatātā e fakaako Tohi Tapu. Hiki e talahauaga haau ka fakakite e ia e fiafia ke he taha manatu foki.​—Flp 2:4

• Fakamalū e tega he kupu mooli ne tō ke he loto haana he fakakite age e falu manatu he Tohi Tapu mo e liga toka hifo e tohi. (1Ko 3:6) Lali ke fakakapitiga ki a ia

• Fakatoka e fakavēaga ke liu atu foki