Manamanatu ke he Hoana a Lota

Ko e ha ne haga ki tua e hoana a Lota he hola a ia mai i Sotoma? Nakai talahau he Tohi Tapu. (Ke 19:17, 26) Ko e kakano he hatakiaga ha Iesu ne fakakite kua liga manako e hoana ke he tau mena ne toka hifo e ia. (Luk 17:31, 32) Maeke fēfē a tautolu ke kalo kehe neke galo e taliaaga he Atua ke tuga e hoana a Lota? Kua lata a tautolu ke nakai fakaatā e fakamakamaka ke moua e tau koloa ke eke mo mena ne mua. (Mat 6:33) Fakaako e Iesu kua “nakai maeke . . . ke fekafekau ke he Atua mo Mamone.” (Mat 6:24) Ka e kua ka mailoga e tautolu kua kamata e tau koloa ke fakatauhele e moui fakaagaaga ha tautolu? Maeke a tautolu ke liogi ki a Iehova ma e lotomatala ke kitia e tau mena kua lata ke hiki mo e fakamalolō ke taute pihia.

LIU KE MANATU E VITIŌ REMEMBER THE WIFE OF LOT NE TOLU E VALA, TI TALI E TAU HŪHŪ NĀ:

• 

  Fakalagalaga fēfē he peehiaga ke loga e tupe e puhala manamanatu, vagahau, mo e tau gahua ha Gloria?

• Eke fēfē e hoana a Lota mo hatakiaga ma tautolu mogonei?

• Lagomatai fēfē a Joe mo e magafaoa haana he fakagahua e tau matapatu fakaakoaga he Tohi Tapu?

• Lauia fēfē e moui fakaagaaga ha Anna ha ko e lafiaga he gahuaaga?

• Ko e ha kua lata ke loto malolō ka peehi ki a tautolu ke tuku fakamua he moui e tupe?

• Puhala fe ne liu a Brian mo Gloria ke tuku fakamua e tau mena fakaagaaga?

• Ko e heigoa e tau matapatu fakaakoaga he Tohi Tapu ne kitia e koe he vitiō nei?