Tali Fefe a Koe ke he Masini Telefoni?

Ko e telefoni e puhala aoga lahi ke fakamatala atu ki a lautolu ne nakai fa moua i kaina po ke fa nonofo he tau matakavi nakai hagahaga mitaki. Pete ia, tokologa e tau tagata ne nakai tali e foni​—ka e tali he masini telefoni ma lautolu. Kaeke tupu e mena nei, heigoa hau kua lata ke taute? Aua tiaki. Nakai, tauteute fakamitaki e tali kua tohia tuai ke maeke ia koe ke totou ke he foni. Fakatai fakamua he leo mitaki, mo e he puhala ne fa mahani tutala. Ti tali fefe a koe?

Lata ia koe ke foaki atu e uiina mafanatia ke he tagata he kaina ke fakalataha mai he Feleveiaaga ma e Tau Tagata he Fale he Kautu. Maeke ia koe ke pehe: “Fakamolemole ha kua nakai moua a koe i kaina. Kaeke fia manako a koe ke fanogonogo ke he lauga fakave ke he Tohi Tapu ko e [mataulu he lauga], ti fakamolemole hau ke he Fale he Kautu he Tau Fakamoli a Iehova. Ko e uiina ke he tau tagata oti. Nakai taute e oko tupe.” Ati talahau fakamahino e aho mo e magaaho he feleveiaaga, ti talahau e hala ke he fale po ke talahau e matakavi ne ha ha ai e Fale he Kautu.

Kia mataala ke he ha tagata fou ka o mai ke he tau feleveiaaga, ti finatu mo e fakafeleveia atu ki a lautolu, mo e fakamafanaaga. Aua nimo ke foaki noa e fakaakoaga Tohi Tapu i kaina!