Fakalagalaga he Fonoaga he Fahimotu a Tautolu ke O Fano mo e Atua
Kua fakataogo he Fonoaga he Fahimotu “O Fano mo e Atua” e takitakiaga maaliali a Iehova: “Ko e puhala hanai ke o ai a mutolu”! (Isaia 30:21) He fakagahuahua e tau fakaakoaga ne moua e tautolu ka lagomatai a tautolu ‘kia o fakalaulau.’ (Efeso 5:15) Ka manamanatu fakahokulo ke he tau mena ne ako e tautolu ka lagomatai a tautolu he ‘o fano he kupu moli.’—3 Ioa. 3.
Kia fakaaoga e tau huhu na fakalataha mo e tau fakamaumauaga fakatagata hau ke tauteute mo e fai vala he liu fakamanatu e fakaholoaga he fonoaga he tau nei. Ko e liu fakamanatu nei to taute he Feleveiaaga Fekafekau he fahitapu ia Tesemo 13.
1. Maeke fefe ia Enoka ke o fano mo e Atua pete kua moui he tau magaaho matematekelea? (Hepe. 11:1, 5, 6; Iuta 14, 15; “O Fano mo e Atua he Tau Magaaho Matematekelea”)
2. Ko e heigoa e tau fahi he moui ka liga fakagahuahua ki ai e matapatu fakaakoaga ia Luka 16:10? (“Kua ‘Fakamoli kia a Koe ke he Mena Tote’?”)
3. (a) Talahau fa e fakaakoaga atihake ne moua ia Hosea veveheaga 6 ke he 9 ka lagomatai a tautolu ke o fano mo e Atua. (Hosea 6:6, 7; 7:14; 8:7) (e) Ko e heigoa e falu manatu foki ia Hosea veveheaga 10 ke he 14 ka lagomatai a tautolu ke o fano mo e Atua? (“Lagomatai he Perofetaaga a Hosea a Tautolu ke O Fano mo e Atua”—Fufuta Lauga)
4. Ko e heigoa e tau mena atihake kua lata he tau tane mo e tau hoana Kerisiano ke taute ke fakamalolo tumau e fakamauaga ha lautolu? (Fakatai 12:4; Efeso 5:29; “Aua Neke ‘Vevehe e Mena ne Fakalataha he Atua’”)
5. Fakakite fefe e tautolu e lilifu ke he tau fakapotopotoaga tapu ha tautolu? (Fakama. 5:1; Isaia 66:23; “Fakakite e Fakalilifu ke he Tau Fakapotopotoaga Tapu ha Tautolu”)
6. (a) Ko e heigoa e tau puhala aoga ne tolu he ha tautolu a gahua fakamatala ne kua lata ia tautolu ke fokifoki ke iloa moli kua kakano e fakalatahaaga ha tautolu ki ai? (Isaia 52:7; Saka. 8:23; Mare. 6:34) (e) Ko e heigoa e tau vala manatu he tohi Good News for People of All Nations ne kitia e koe ke lagomatai lahi? (“Tala Mitaki ma e Tau Tagata he Tau Motu Oti Kana”; “Lagomatai a Lautolu ne Vagahau e Vagahau Kehe”)
7. Maeke fefe ia tautolu ke lagomatai a lautolu ne fou ke mauokafua ke fakamatala e fekau he Kautu? (Fakafili 7:17; “Lagomatai e Moto Tagata ke Fakalataha mo Tautolu ke he Fekafekauaga”)
8. Fakatata fefe e tautolu e talitonu ha tautolu kua “tata mai e aho lahi a Iehova”? (Sefa. 1:14; “Ko e Tua kua O Fano Ai, Nakai ko e Tau Mena ne Kitia”)
9. (a) Hokulo fefe e matakupu he fakatupetupe? (Mare. 9:42-48) (e) Puhala fe ka kalo mai a tautolu neke tupetupe? (Sala. 119:165) (i) Kalo mai fefe a tautolu neke fakatupetupe e falu? (1 Kori. 10:24; “Kalo Mai Neke ‘Tuku Kia Taha ha Mena ke Tupetupe Ai’”)
10. Puhala fe kua maeke ia tautolu ke tumau e lagotatai he magaaho ka kumi e hoa he fakamauaga, tutuli e malolo tino, mo e fehagai ke he tau gahua pisinisi? (Sala. 26:4; Mata. 6:25; 1 Timo. 6:9; “Kia Fakamataala mo e Loto Katoa”)
11. (a) Ko e heigoa ne kitia maali he magaaho ne olioli e Iesu e fakamokoi he falu? (Luka 10:42; 24:32) (e) Maeke fefe ia tautolu ke fakamakona e tau manako ma e fakafiafiaaga ke he puhala ka moua e tautolu mo e falu e fakahauhauaga? (1 Kori. 10:31-33; “Tau Gahua Atihake ne Fakahauhau”)
12. Hagaao ke he Salamo 23 aki, ko e heigoa e tau monuina ne moua e tautolu ko e tau mamoe ha Iehova, mo e heigoa e tau matagahua ha tautolu? (1 Kori. 10:21; “Ko Iehova ha Tautolu a Leveki Mamoe”)
13. Oma fefe he tau Kerisiano e tomatomaaga omoi he agaga ke “fakatau e tau magaaho ne lata”? (Efeso 5:16, NW; “Fakatau e Tau Magaaho ne Lata”)
14. (a) Ko e heigoa ne putoia ke he ‘magaaho he fakafiliaga’ ne totoku ia Fakakiteaga 14:7? (e) Fakakite fefe e tautolu e fakamoliaga kua vevehe mai a tautolu ia Papelonia Lahi? (“‘Kia Mataala’—Kua Hoko Mai e Magaaho he Fakafiliaga”) (i) Ko e heigoa e tau manatu ne fiafia a koe ki ai mai he porosua Kia Mataala!?
15. Talahau tolu e mahani ne kua lata ke puipui a tautolu neke ‘tiaki e puhala tonu.’ (2 Pete. 2:15; “Puipui Mai Neke ‘Tiaki e Puhala Tonu’”)
16. Maeke fefe he tau fuata ke tiaki e “puhala he tau tagata hala”? (Fakatai 4:14; “Tau Fuata—O he Puhala he Tututonu”)
17. (a) Ko e heigoa e tau puhala ne taute a Paulo ko e fakafifitakiaga mitaki lahi he fakauka? (Gahua 14:19, 20; 16:25-33) (e) Ko e ha kua nakai lata ke matakutaku ke he tau tagata totoko he tapuaki moli? (Taute Tala mo e lauga “Foaki e Fakamoliaga Katoa he Vaha Nei Pete ko e Totokoaga”)
18. Ko e heigoa e tau monuina kua moua e lautolu ne o fano mo e Atua? (“O Fano mo e Atua ka Tamai e Tau Monuina he Mogonei mo e Tukulagi”)
Kia fakamalolo a tautolu ke omaoma ke he ‘kupu i tua ha tautolu’ ke maeke ke o fano tukulagi mo e Matua ha tautolu he lagi.—Isaia 30:21; Ioane 3:36.