Liu Fakamanatu he Aoga Fekafekau Fakateokarasi
Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Iuni 27, 2011. Ko e leveki aoga ka taute e liu fakamanatu ke he 20 e minuti he fakavē ke he tau tohi ne fakaaoga ke he tau kotofaaga he tau faahi tapu ia Me 2 ki a Iuni 27, 2011.
1. Ko e heigoa e kakano ha Iopu he magaaho ne pehē a ia hagaao ki a Iehova, “kua kitekite atu haku tau mata kia koe”? (Iopu 42:5) [w06 4/1 lau 22 para. 6]
2. Ko e heigoa e tau ‘poa he tututonu’ nukua foaki he tau Kerisiano he vahā nei? (Sala. 4:5) [w06 5/1 lau 14 para. 9]
3. Puhala fe ne fakahako he manamanatuaga ha Tavita a ia? (Sala. 16:7) [w04 12/1 lau 23 para. 9]
4. Puhala fe “kua talahau he lagi e lilifu he Atua”? (Sala. 19:1) [w04 10/1 lau 20 para. 8]
5. Ko e heigoa ne talahau mai he Salamo 27:14 ke he matutakiaga he tatali atu po ke amaamanaki, mo e fakamalolō? [w06 10/1 lau 23-24 para. 3, 6]
6. Puhala fe kua lata e Salamo 37:7 ke lauia e tau gahua ha tautolu he vahā he fakahikuaga? [w03 12/1 lau 27 para. 16]
7. Ko e heigoa e fakaakoaga ke he loto fakaaue ka fakaako mai e tautolu ke he mena ne tupu ke he tagata Levi ne nofo paea? (Sala. 42:1-3) [w06 6/1 lau 9 para. 3]
8. Ko e heigoa ka lagomatai a tautolu ke feaki e manako ke he tututonu mo e vihiatia e mahani kelea? (Sala. 45:7) [w05 1/1 lau 19 para. 9, 11]
9. Ko e “loto fiafia” ha hai ne ole a Tavita ke lalago a ia? (Sala. 51:12) [w06 6/1 lau 9 para. 10]
10. Maeke fēfē a tautolu ke tuga e akau ko e olive he fale he Atua? (Sala. 52:8) [w06 6/1 lau 11 para. 3]