Tau Monuina ma Lautolu kua Lagomatai e Tagata Matematekelea

Tokologa e tagata he lalolagi ne nakai fai mena ke kai mo e ke nonofo ai. Falu kua manako ke he amaamanakiaga ma e vahā i mua. Fakamonuina mo e talia fēfē he Atua e tau gahua ha tautolu ke lagomatai a lautolu ia?

TALAHAUAGA HE TAU TOHIAGA TAPU

“Ko ia kua fakaalofa ke he tagata nofogati kua ta age e ia hana tau mena kia Iehova; to taui mai foki e ia e tau mena ne ta age kia ia.”​—TAU FAKATAI 19:17.

KAKANO KE LAGOMATAI E TAHA NE MATEMATEKELEA

Talahau e Iesu e fakatai hagaao ke he tagata ne keli he tau tagata fofō mena ti toka ke mate. (Luka 10:29-37) Ne tū e tagata kehe ti lagomatai a ia kua kafo lahi mahaki he pakia. Taute e ia e mena nei pete ko e tagata motu kehe a ia.

Lagomatai he tagata mitaki nei ke tului e tau kafo mo e leveki fakatino a ia ne pakia ti fakamafana mo e fakatotoka foki a ia mai he tupetupe haana.

Ko e heigoa ha tautolu kua fakaako mai he fakatai nei? Fakakite e Iesu kua lata a tautolu ke lagomatai a lautolu kua matematekelea kaeke kua maeke ia tautolu. (Tau Fakatai 14:31) Fakaako he tau Tohiaga Tapu to nakai leva ti utakehe he Atua e mativa mo e mamahi. Ka e liga manamanatu a tautolu ko e puhala fe mo e magaaho fe ka taute ai he Atua? To fakatutala e vala tala ka mui mai ke he tau monuina kua fakatoka mai he Tufuga fakaalofa ma haau.