Ghap le zouʼ ntseuh Seute​—le ŋeuh hô?

Adam ghap Eve kaah le zouʼ ghap ntseuh Sê, tcheuʼ kweuhte ghap. Genèse 3:6, 23

Eve le zouʼ ntseuh no meou nzieuh ntaa tieuh. Meou ŋeuh tcho le Adam a ke nzieuh yé.

Zou ghap le gheuh le shouot​—le pe no tepong. Sê le zouŋ ghap tche paradise yi le pe nde zap.

Le tchi-mbi le ntéï mbo pap baah mbo gheube zap. Ghap le liouŋ meou kweuhte. Kaah ghap le leut ghap le ngon me zeuʼghe; le tchi-mbi zap le mé.

Pye kweuhte tcheuʼ mbe ndésé. Genèse 3:19

Paghe kweuhte té ngo paghe ngeut Adam ghap Eve. Mboʼo pe mpfou-sê jouo ghap, nzouʼ, meou gheuh ghap tcho zou pô.​—Ecclésiaste 9:5, 10.

Joova kaah le pe nkonŋ ngo pye mesoŋ kweuhte. Lèʼi pouo a zeuʼghe pye mpi ghap le kweuhte me. Ghap lei nzouʼ ntseuh é, ghap laʼ tchi mbe wô.