Letchi-mbi tche paradise le pe ghaʼa?

Joova le ŋeuh me zou sheuʼhe mbo Adam ghap Eve. Genèse 1:28

Joova le tsouŋe ndouŋ-mbi magué, Eve, ŋeuh é mbo Adam ngo a pe goué é.​—Genèse 2:21, 22.

Joova le tsouŋe ghap ŋeuh ghap me nkouante ngheuh mbab-mbeuh lèi, yi kaah wouo tcho leouʼ.

Nzèʼi zap le pe nkaʼ paradise pe feuŋ ngo Eden​—yieuʼ zèi le sèï, ngouo me tieuh mi pe zieuhe, ngheuh pe menyaa.

Joova le tsat le pap; A le jèʼ ghap. Mboʼo ghap le zouʼ ntseuh é, miʼi ghap le wouo letchi-mbi te mé tche paradise ndou-désé.

Sê le wo le me tieuh tseouʼ taʼ ngo koo ghap zieuh. Genèse 2:16, 17

Joova le nyare mbo Adam ghap Eve taʼ tieuh yi pe pe nzieuh tche kaʼ meou ndaʼ ngo ghap lei de zieuh miʼi ghap le teï kweuhte.

Tcho taʼ andja le nteï-tou ŋeuh mbo Sê. Andja wèi Seute keuʼhe mbe Dèbre.

Seute kaah le pe nkonŋ é ngo Adam ghap Eve zouʼ ntseuh Joova. A le nyouse no nok ndaʼ mbo Eve ngo a lei de zieuh ntaa tieuh, miʼi a kweuh é po, miʼi a wo tcheuʼ ghiʼi Sê. Le, le pe melaa.​—Genèse 3:1-5.