Ukolesaye Tsemera Engebe kera na kera! erihimba obwikirirya omo Yehova na Yesu

Eritoka eritsemesya oMungu, abigha b’eBiblia batolere ibahimba obwikirirya obuwatire. (Rom 11:6) Twanganabawatikya erikola ekyo omwikolesya ekitabu Tsemera Engebe kera na kera! Ekitabu eky’erighiramo eBiblia eki kirimo amasako w’omughaso, amalengekania aw’owikire, amabulyo awatolere, esyovideo esikakuna omundu erikola, n’esyopitsa esyuwene. Twamabiwatikya abigha erikulya emibere y’Ekikristo n’eribya n’obwira haghuma n’oMungu, tukabya itukahimba omo bimano ebitebyangahya omo muliro.​—1Kor 3:12-15.

Abandu balebe bakalangira nga kikalire eribya bira b’oMungu oyo bate bangalangira. Busana n’ekyo, tutolere itwabawatikya eriminya Yehova n’eriyiketera iye.

MULEBAYE EVIDEO ERIHIMBA OBWIKIRIRYA OMO YEHOVA, OMWIKOLESYA “TSEMERA ENGEBE KERA NA KERA!” NERYO MUSUBIRAYE OKO MABULYO ANO:

• Tukaminya tuti ngoko mwali wetu mwakayiteghekanaya ndeke oko funzo?

• Mwakakolesaya ati awandi mabulyo eriwatikya omwigha eriteka amalengekania wiwe oko risako ry’e Isaya 41:10, 13?

• Evideo n’amasako w’eBiblia mwakatula ati oko mwigha?

Abandu bangyi sibasi embanulo nga yangabaletera ndundi yahi kandi sibalilangirayo ng’ekihembo ekyo oMungu akabaha. (Gal 2:20) Neryo, tutolere itwabawatikya erihimba obwikirirya omo mbanulo ya Yesu.

MULEBAYE EVIDEO ERIHIMBA OBWIKIRIRYA OMO YESU, OMWIKOLESYA “TSEMERA ENGEBE KERA NA KERA!” NERYO MUSUBIRAYE OKO MABULYO ANO:

• Tukaminya tuti ngoko mughala wetu mwakayiteghekanaya ndeke oko funzo?

• Mwakakolesaya ati ebiri omo “Ebindi by’eriminya” eriwatikya omwigha?

• Busanaki omusabe ni w’omughaso munene oko mwigha?