Abataleghula bakaberereraya eriyilagha lyabo

Soma Abatsweri 11:30-40 erigha omwatsi wa Yefta na mwali wiwe ababerereraya eriyilagha lyabo.

Minya bingyi oko mwatsi. Abaisraeli bataleghula ibakalangira bati eriyilagha eryo babya bakakolera Yehova? (Emig. 30:2) Yefta na mwali wiwe mubakangania bati ngoko bane n’obwikirirya oko Yehova?​—Abat. 11:9-11, 19-24, 36.

Kwesa-kwesa oko mwatsi. Yefta mwalaghaki Yehova, kandi erilagha eryo lyabya n’amaana wahi? (w16.04 7 enu. 12) Yefta na mwali wiwe mubahereraki batoke eriberererya eriyilagha lyabo? (w16.04 7-8 enu. 14-16) Munabwire Abakristo banganalagha Yehova emyatsi yahi?​—w17.04 5-8 enu. 10-19.

Ulangire esyosomo esyo wamigha. Uyibulaye uti:

• ‘Ekyanganiwatikya eriberererya eriyilagha lyaghe ely’eriyiherera oko Yehova niki?’ (w20.03 13 enu. 20)

• ‘Nangaherera emyatsi yahi nitoke eritasyakolera Yehova yo kutsibu?’

• ‘Ekyanganiwatikya erilola embere eriberererya eriyilagha lyaghe eryo nakola tukalunga niki?’ (Mat. 19:5, 6; Efe. 5:28-33)