Omwatsi mukulu owali omo Biblia

Enyuma sye 4026 E.M.W.

“Enzoka” muyabugha yiti Yehova yutatolere eritabala kandi yiti syalitabala ndeke. Neryo Yehova mwabugha ati akendihulukya “olubuto,” olukendisyatoghotya enzoka, ni bugha ambu Sitani. (Enzuko 3:1-5, 15) Aliwe, Yehova abirilekera abandu b’endambi y’eriyitabala ibanemusondolwa n’enzoka.

1943 E.M.W.

Yehova amabwira Abrahamu ati “olubuto” olwalaghawa lukendisyasira omo kihanda kiwe.—Enzuko 22:18.

Enyuma sye 1070 E.M.W.

Yehova amabwira Omwami Daudi n’enyuma syaho amabwira omughala wiwe Solomona ngoko “olubuto” olwalaghawa lukendisyasira omo kihanda kyabo.—2 Samweli 7:12, 16; 1 Abami 9:3-5; Isaya 9:6, 7.

29 M.W.

Yehova amakangania ngoko Yesu yo “lubuto” olwalaghawa, oyukendisyahabwa ekitumbi ky’obwami kya Daudi.—Abanya Galatia 3:16; Luka 1:31-33; 3:21, 22.

33 M.W.

Enzoka, ni bugha ambu Sitani, yamahutalya omo katambi kake “olubuto” olwalaghawa omw’itisya Yesu. Yehova amalubukya Yesu atoke eriyabya elubula n’eriligha engebe yiwe ­eyihika-hikene mo mbanulo. Busana n’ekyo, Yehova akaghanyira amalolo w’abana ba Adamu kandi ekyo kikendisyaleka iniabaha engebe y’erikota.—Enzuko 3:15; Emibiiri 2:32-36; 1 Abanya Korinto 15:21, 22.

Hakuhi 1914 M.W.

Yesu amaghusa enzoka, ni bugha ambu Sitani, y’oko kihugho, n’erimuhomerayo omo ­mughulu muke.—Eribisulirwa 12:7-9, 12.

Omo biro ebikasa

Yesu akendisyaboha Sitani omo myaka 1 000, n’enyuma syaho akendisyahinolera omutwe wiwe, ni bugha ambu akendisyamutoghotya. Ekyaleka Yehova iniahangyika ekihugho n’abandu kikendisyabererera, erina riwe rikendisyeribwa, n’ebihangyikwa biwe byosi bikendisyaminya ngoko iye yo mutabali oyuwene kutsibu.—Eribisulirwa 20:1-3, 10; 21:3, 4.