Abalebererya b’omutimbo bakatuwatikaya bati?

Amahandiko w’eKigiriki akakanaya ngendo nene oko Baranaba n’omukwenda Paulo. Abalume aba babya ibakabungira esyondeko sy’omughulu w’abakwenda. Busanaki? Babya batsomene kutsibu Abakristo balikyabo. Paulo mwabugha ati anzire ‘iniasubula eriyabana balikyabo’ eriminya ng’abali bati. N’omo olughendo lwabya luli mwatumbya eriya bahimba. (Emibiri 15:36) Abalebererya abakabunga abamunabwire nabo banzire erikola batya.

Bakatulenderera batoke erituhimba. Obuli mulebererya w’omutimbo akalenderera esyondeko nga 20. Akabuga eyenga n’obuli ndeko kabiri oko mwaka. Twanganawatikibwa kutsibu n’abaghala betu aba n’abakali babo bamabya ibanatahirye omughulu bakatukaniraya ebyo balolireko. Bakayikasa eriminya abalere n’abakulu, kandi bakabya ibananzire kutsibu erighenda netu omo mubiri w’erighambula n’erikangirirya abigha b’eBiblia. Abalebererya aba bakabungira esyombuli ibane n’abasyakulu b’endeko, kandi bakatuhimba omo mikania kutse osyohotuba esyo bakalabaya oko mihindano mike-mike n’eminene-minene.​—Emibiri 15:35.

Bakatsomana obuli mundu. Abalebererya aba banzire kutsibu obuli mundu omo ndeko abye n’obunwani buwene n’oMungu. Abalebererya b’omutimbo bakahindana n’abasyakulu n’abaghombe abawatikya erilebya ebyamatakolwa n’eribawatikya erikola ndeke emibiri yabo omo ndeko. Bakawatikaya abapainia batoke omubiri wabo ow’erihubiria, kandi kikabatsemesaya eriminya abahya-bahya n’eriowa ngoko banemulola embere omo kwenene. Abaghala betu aba bakayiherera eritukolera. (2 Abanya Korinto 8:23) Erikirirya n’eriyiherera lyabo oko Mungu litolere itwigharyo.​—Abaebrania 13:7.

• Ekikaleka abalebererya b’omutimbo ibalenderera esyondeko niki?

• Wangawatikibwa ghuti omughulu bakalenderera endeko yenyu?