Eriyiketera oMungu likaleta obutseme omo bunyumba

OMungu Yehovaa yo atsukisaya endwa y’erimbere. EBiblia yikabugha yiti abere abugha eribumba omukali w’erimbere mwamuletera omulume. Adamu mwatsema kutsibu n’eribugha ati: ‘Eri ryo rikuha ly’amakuha waghe, n’omunyoku w’omunyoku waghe.’ (Enzuko 2:22, 23) Yehova akinanzire abalungire ibabya n’obutseme.

Omughulu ukatahaya kutse eritahibwa, ukalengekanaya uti emyatsi yosi yikendibya ndeke. Aliwe, hakanabya omughulu omulume n’omukali abanzene ibalaba omo myatsi mirebe eyangahimbula obunyumba bwabo. (1 Abanya Korinto 7:28) Akatabu kano kalimo esyokanuni (ebighenderwako) sy’eBiblia esyangabawatikya mubye n’obutseme omo ndwa n’obunyumba bwenyu.​—Esyonyimbo 18:8-11.

1 LIGHA OMWANYA OWO YEHOVA ABIRIKUHA

EKYO EBIBLIA IKABUGHA: Omulume yo mukulu w’obunyumba.​—Abanya Efeso 5:23.

Iwe mulume, Yehova anzire iwatsunga omukali waghu omo mutima molo. (1 Petero 3:7) Mwamuhangika atoke eribya muwatikya waghu. Neryo anzire iwamusikya n’erimwanza. (Enzuko 2:18) Litolere iwamwanza kutsibu n’erihira ebyo ayitaghire by’embere.​—Abanya Efeso 5:25-29.

Iwe mukali, Yehova anzire iwasikya mwira waghu yo kutsibu n’erimuwatikya atoke erikola omubiri wiwe. (1 Abanya Korinto 11:3; Abanya Efeso 5:33) Litolere iwaligha amalengekania wiwe n’erimuwatikya n’omutima wosi. (Abanya Kolosai 3:18) Wamakola utya, ighukenditsemesya mwira waghu, na Yehova kutya.​—1 Petero 3:1-6.

EKYO WANGAKOLA:

• Teribulya iba waghu kutse omukali waghu ekyo wangakola utoke eribya mulume kutse mukali mubuya. Hulikirira ndeke, kandi uyikase eribya mulume kutse mukali mubuya

• Ulindirire. Ngoko ebiro binemulaba mukendibya imunemwigha ngoko obuli mundu angatsemesya oghundi

2 TSOMANA NDEKE NGOKO OGHUNDI AKAYOWA

EKYO EBIBLIA IKABUGHA: Iwatsomana ebyo iba waghu kutse omukali waghu ayitaghire. (Abanya Filipi 2:3, 4) Kolera iba waghu kutse omukali waghu ng’omundu w’omughaso, isiwabirirawa ngoko Yehova anzire abaghombe biwe ‘ibabya babuya oko bosi.’ (2 Timoteo 2:24) “Hali oyukabuga butalengekania ng’eritsimita ly’omuyali; nikwa olulimi lw’ab’amenge nilamya.” Kwesi, usombole ebinywa byaghu byo ndeke. (Emisyo 12:18) Ekirimu Kibuyirire kya Yehova kikandikuwatikya eribugha ebinywa by’obwenge n’olwanzo.​—Abanya Galatia 5:22, 23; Abanya Kolosai 4:6.

EKYO WANGAKOLA:

• Embere mukanaye oko myatsi y’obunyumba bwenyu, saba oMungu akuwatikaye eriyibombeka n’eribugha ekwenene

• Ulengekanaye ndeke oko ekyo ukandibugha kandi nga ukandibugha uti

3 MULENGEKANAYE KIGHUMA

EKYO EBIBLIA IKABUGHA: Omughulu ukalunga, ukabya “mubiri muguma” n’iba waghu kutse mukali waghu. (Matayo 19:5) Aliwe mukine babiri kandi mwanganayira amalengekania awatahambene. Kwesi Litolere imwigha eribya baghuma omwiyowa n’omo malengekania. (Abanya Filipi 2:2) Ni ky’omughaso erisoha emyatsi yo haghuma. EBiblia ikabugha yiti: “Omwihanana emipango yikatokekana.” (Emisyo 20:18, NWT) Muleke esyokanuni sy’eBiblia sibasondole omwisoha emyatsi milito.​—Emisyo 8:32, 33.

EKYO WANGAKOLA:

• Bwira iba kutse omukali waghu amalengekania waghu, butsira amalengekania masa, aliwe umubwire ngoko ukayowa omo mutima

• Embere sy’erikola obuli mwatsi mulito, kanaya n’omwira waghu