Eribugha emyatsi eyowikire

1 Abanya Korinto 14:9

OMO KIKUHI: Watikaya abahulikiriri baghu balangire ndeke omukania waghu ng’akasond’ibugha atiki.

NGOKO WANGAKOLA:

• Wighe omukania waghu wo ndeke. Uyikase eryowa omukania wo ndeke utoke eribugha wo omo nzira nyolo kandi omo binywa byaghu.

• Ukolesaye ebinywa bikuhi-bikuhi kandi ebyolobire. N’omo si kibi erikolesya ebinywa biri-biri, ukolesaye ebinywa bikuhi-bikuhi erikania oko syonzumwa ngulu-ngulu.

• Ukanaye oko binywa ebitasibwe kutsibu. Isiwakolesaya kutsibu ebinywa ebyo abahulikiriri baghu batasi. Kyamabitolera erikolesya ekinywa kilebe ekitasibwe kutsibu, kutse erikania oko mundu mulebe w’omo Biblia oyutasibwe kutsibu, kutse ebipimo kutse emibere milebe ya kera, litolere iwateka amafasiriyo.