Ukanganaye ko utsomene abandi

Ngoko Yesu akola ekyo

EVIDEO: Yesu n’omukali oko kitehero

1. Ulebaye EVIDEO, kutse usome Yoane 4:6-9. Neryo ulengekanaye oko mabulyo awali ahikwa hano:

1. Embere Yesu atsukisaye omukania n’omukali oyo, ni byahi ebyo atsuka eriyiteghererya oko mukali oyo?

2. Yesu mwabugha ati: “Umba [oko maghetse] w’eripulya.” Busanaki eyo yabya nzira eyuwene eyeritsukisya omukania?

Ekyo Yesu akola kikatwighisayaki?

2. Omundu anganatuhulikirira ndeke twamatsukisya naye omukania omwikania oko myatsi eyikamutsemesaya.

Ukole nga Yesu

3. Ubye ukabinduka erikwamana n’emibere eyamabyaho. Omw’itulira, isiwamakirira omwatsi ogho ulue iwabiriteghekania erikaniako. Ngambe iwatsukisya omukania omw’ikania oko mwatsi ogho abandi banemulengekaniako ekiro ekyo. Yibulaye:

1. ‘Ni mwatsi wahi owali oko lughali?’

2. ‘Abahimbani baghe, abo ngakola nabo, kutse abo ngasoma nabo, bakakanaya okuki?’

4. Ubye ukayiteghererya. Yibulaye:

1. ‘Oyo ngasonda erikania naye anemukolaki? Angabya inianemulengekania okuki?’

2. ‘Erikwamana n’emyambalire yiwe, ngoko asosire, kutse omuyi wiwe, angabya ini w’omo kisomo kyahi kutse ini wa kihanda kyahi?’

3. ‘Eno nina ndambi eyitolere y’erikania naye?’

5. Uteghe amatwe.

1. Isiwabugha binene.

2. Uhe oyo ukakanaya naye obwiranda bw’eribugha. Ubulaye amabulyo omughulu kyamatolera.