Ubye n’omutima w’erilindirira

Ngoko Yesu akola ekyo

EVIDEO: Yesu akawatikaya mughala wabo butaluha

1. Ulebaye EVIDEO, kutse usome Yoane 7:3-5 na 1 Abanya Korinto 15:3, 4, 7. Neryo ulengekanaye oko mabulyo awali ahikwa hano:

1. Oko mwanzo baghala babo Yesu mubalangira bati omwatsi wiwe?

2. Niki kyo kikakanganaya ngoko Yesu mwataluha eriwatikya mughala wabo ye Yakobo?

Ekyo Yesu akola kikatwighisayaki?

2. Ngambe isitwaluha eriwatikya omundu, kundi abandi kikasaba mughulu muli eriligha engulu mbuya.

Ukole nga Yesu

3. Tasyakolesaya eyindi nzira. Omundu atitaligha erigha e Biblia, isiwamukasa-kasa. Oko ndambi eyitolere, ukolesaye evideo kutse eyindi myatsi milebe eyangamuwatikya erilangira nga tukigha tuti e Biblia kandi erigha e Biblia nga kyangamuletera ndundi yahi.

4. Isiwabya ukalinganisya omundu n’oghundi. Abandu sibasosene, omutunga waghu kutse omundu mulebe oyo ukasubira amatika-tika erigha e Biblia kutse eriligha amakangirirya malebe w’eBiblia ngambe iwaminya ekikaleka nga niki. Mbino ni busana n’amakangirirya malebe w’ekisomo kiwe awanzire kutsibu? Kutse akasagha abatunga biwe kutse abahimbani biwe? Umuhe endambi y’erilengekania oko byo wabirimukanirya n’erilangira endundi y’amakangirirya we Biblia.

5. Ubye ukasabira omundu oyulyanzisibawa. Usabe Yehova akuwatikaye eribya n’amalengekania awuwene oko mundu oyo n’erikuha amenge. Usabe Yehova akuwatikaye eriminya omughulu omundu syakyanzisibwe n’erikuwatikya eriminya endambi y’erileka erimusubira.​—1 Kor. 9:26.