Uwatikaye abigha b’eBiblia erikinda emibere mibi

Abawite emibere eyuwene basa bo bangatsemera obwira bwa hakuhi na Yehova. (1Pe 1:14-16) Omughulu abigha b’eBiblia bakakinda emibere mibi, ekihanda kyabo kikabana endundi, obunyaghasa bwabo bukuwana, kandi bakakolesaya ndeke esyofranga syabo.

Kanganaya ndeke-ndeke esyokanuni sya Yehova esilebirye emighendere, ekyaleka isyatekwaho, n’endundi eyo omundu akabana omw’ikwamasyo. Lengekanaya kutsibu ngoko wangawatikya abigha baghu eribindula enzira yabo y’erilengekania, neryo ibakenditoka erikola ebyo Yehova anzire. (Efe 4:22-24) Uhakikisirayebo ngoko erilabira obuwatikya bwa Yehova banganaleka erikola emyatsi mibi eyo bakola omo myaka mingyi. (Flp 4:13) Ukangirirayebo erisaba Yehova omughulu bakasonda eritoghera omo rilolo. Uwatikayebo eriminya emyatsi eyangabalengako eyo batolere eriyihighulako. Uwatikayebo erikola ebyangabaletera endundi omo mwanya w’erikola ebituwene. Ukendibya n’obutseme ukalangira abigha b’eBiblia bakatoka erikola esyombinduka erilabira obuwatikya bwa Yehova.

MULEBAYE EVIDEO UWATIKAYE ABIGHA BAGHU B’EBIBLIA ERIKINDA EMIBERE MIBI, NERYO MUSUBIRAYE OKO MABULYO AWAKWAMIRE:

• 

  Abasyakulu na Neeta mubakangania bati ngoko bayiketere Jade?

• 

  Neeta mwaha Jade obundi buwatikya omo nzira yahi?

• 

  Jade mwasondya ati obuwatikya bwa Yehova?