Uwatikaye abigha baghu b’eBiblia eribya bira ba Yehova

Yehova anzire itwamukolera kundi tumwanzire. (Mt 22:37, 38) Eryanza oMungu ryo rikenditokesya abigha b’eBiblia erikola esyombinduka esisabirwe n’erisighala bataleghula omo maligho. (1Yn 5:3) Olwanzo lwabo oko Mungu lo lukendibakuna eribatisibwa.

Uwatikaye abigha baghu b’eBiblia erilangira ngoko oMungu abanzire. Ubabulaye amabulyo ng’ano: “Eki kyamakukangiriryaki oko Yehova?” kutse “Eki kikakanganaya kiti ngoko oMungu akwanzire?” Ubawatikaye erilangira ngoko Yehova anemubawatikya. (2Emy 16:9) Ubakaniraye oko eby’erileberyako ebikakanganaya ngoko Yehova abirisubirya oko misabe yaghu, n’eribahira m’omuhwa w’eriyilangirira ngoko Yehova anemusubirya oko misabe yabo. Kikatsemesaya kutsibu erilangira abigha b’eBiblia bakayowa ngoko Yehova abanzire n’erikangania ngoko nabo bamwanzire kandi banzire eribya bira biwe.

MULEBAYE EVIDEO UWATIKAYE ABIGHA BAGHU B’EBIBLIA ERIBYA BIRA BA YEHOVA, NERYO MUSUBIRAYE OKO MABULYO AWAKWAMIRE:

• 

  Jade mwahindana n’ekikakiryo kyahi?

• 

  Neeta mwawatikya Jade y’ati?

• 

  Jade mwatoka ati erikinda ekikakiryo ekyo?