Amaligho wosi anawite enduli

Amaligho anganatubuna mutima bweghu-bweghu, kutsibu-tsibu amabibya w’omughulu muli. Dawidi abya asi ngoko amaligho wiwe erihirako n’agho Omwami Saulo abya akamuletera angahikire oko nduli kandi ngoko angabere mwami, ngoko Yehova abya inyabirilagha. (1Sam 16:13) Obwikirirya bwa Dawidi mobwamuwatikya erilindirira Yehova abindule emibere ey’abyamo.

Omughulu tuli omo maligho twanganatoka erikolesya amenge, eriminya, kutse obutoki bw’erilengekania tutoke eribindula emibere eyo tulimo. (1Sam 21:12-14; Emi 1:4) Aliwe, amaligho malebe anganaghana erihwa nibya n’enyuma sy’erikola ekyosi ekyo twangatoka erikwamana n’esyokanuni sy’eBiblia. Omo mibere ng’eyo, litolere itwalindirira Yehova butsiriluha. Hakisiya hake inyabughaho amaligho wetu wosi ‘n’erisangula emisonia yosi’ oko meso wetu. (Erib 21:4) Omulamo wetu nomo angasira oko Yehova kutse ahandi, litolere itwaminya omwatsi ono: Amaligho wosi anawite enduli. Ekyo kyanganatusubya mutima.

MULEBAYE EVIDEO ABANDU ABALI OMO BUGHUMA OMO KIHUGHO EKIGHABENE, NERYO MUSUBIRAYE OKO MABULYO AWAKWAMIRE:

• Abakristo balebe b’omo Amerika y’endina bakalaba omo maligho wahi?

• Mubakangania bati omutima w’erilindirira n’olwanzo?

• Mubalola bati embere erihira amalengekania wabo w’oko ‘myatsi y’omughaso munene kutsibu’?​—Flp 1:10, nwt