ENGEBE Y’OMUKRISTO
Yehova akatuwatikaya eriyiyinia omo maligho
Omo birio by’enduli bino, tukalaba omo maligho mangyi. Hanganabya omughulu itwalangira nga sitwangatoka eriyiyinia omo maligho busanana n’eribya inyakalire kutsibu. Aliwe twamayitsinga eriyitunda hakuhi na Yehova, iniakendituwatikya eriyiyinia n’omo maligho awakalire kutsibu. (Isa 43:2, 4) Twangayituda tuti hakuhi na Yehova itunemulaba omo maligho?
Omusabe. Omughulu tukabwira Yehova y’ebyosi ebikatuhanga-hangaya, akatuha obuholo n’akaghala akakatuwatikaya eriyiyinia.—Flp 4:6, 7; 1Tes 5:17.
Emihindano. Tulaghire kutsibu oko kalyo k’obunya-kirimu n’obwira, ebindu ebyo Yehova akatuha erilabira emihindano yetu. (Ebr 10:24, 25) Tukabana endundi nene omo buwatikya bw’ekirimu kya Yehova omughulu tukateghekanaya emihindano, erihindana n’erisangira kuyo.—Erib 2:29.
Eritulira. Twamabiyikasa eribya n’omuhwa omo mubírí w’eritulira, ikikendyoloba erilengekania oko myatsi eyuwene. Kandi ikikendituwatikya eriwatya obwira bwetu haghuma na Yehova n’Abakristo balikyetu.—1Kor 3:5-10.
MULEBAYE EVIDEO YEHOVA AKENDIKUWATIKYA, NERYO MUSUBIRAYE OKO MABULYO ANO:
Ni kyahi kyo kyawatikaya Malu eribya inyane hakuhi na Yehova omughulu abya akalaba omo maligho?
Nga Malu, ebinywa ebiri omo Esyonyimbo 34:18 byangatusikya biti mutima omughulu tukalaba omo maligho?
Ebyo Malu alabamo bikakanganaya biti ngoko Yehova akatuha “obutoki bunene” bwiwe omughulu tukalaba omo maligho?—2Kor 4:7