Ubane amenge awangakuwatikya omo ngebe yaghu y’obuli kiro oko JW.ORG

Ekinywa ky’oMungu kikatuha ebyo tulaghireko tutoke erikinga amaligho omo biro by’enduli ebikalire bino. (2Tim 3:1, 16, 17) Hanganabya omughulu itwayeya omo mibere milebe, neryo itwalagha oko syokanuni sy’eBiblia esyo twangakolesya. Ng’eky’erileberyako, une mubuti neryo unemusondya amahano awangakuwatikya erilembera abana? Une mulwana neryo obwikiriya bwaghu bunemulengwako? Une mukwirwa oyukaghalawa busana n’eriherya omwanzwa waghu? Ukendibana emyatsi oko jw.org eyangakuwatikya eribana esyokanuni esy’eBiblia esyangakuwatikya omo myatsi eyo ukalabamo, n’ebindi.​—Emi 2:3-6.

Oko nzuko ye jw.org, uye omo kitsweka AMAKANGIRIRYA W’EBIBLIA. (Ngoko kiri oko pitsa 1.) Habikingula iwasombola omwatsi ogho ukasonda. Kutse wingire omo kitsweka EKIBIKIRO > EMYATSI EYIKWAMENE neryo usombole ebyo ukasonda. (Ngoko kiri oko pitsa 2.) Wanganabana emyatsi mighumerera eyo omo JW Library.a Niwe wangasombola nga wukendikingula emyatsi eyo omo jw.org kutse omo JW Library. N’eyindi nzira eyo wangabaniramo omwatsi mulebe owo ukasonda, ry’erihandika ebinywa bilebe by’oko mwatsi oyo ahali ekinywa Sondaya. Kikabanika endata oko luhande lw’amali oko jw.org.

Wanganahandika emyatsi eyikwamire hano ahali ekinywa Sondaya, neryo usombole emyatsi eyo wanzire erisoma.

• Erilembera abana

• Omusuko eribunika mutima

• Oluholo l’ogho mwaghu