Akasanduku akakawatikaya abandu eribana akalyo k’obunya-kirimu

Lino Abimiri ba Yehova bakabana akalyo kangyi k’obunya-kirimu erilabira ebitabu by’ekielektronike n’esyovideo esiri oko jw.org kulenga eyindi mighulu yosi. Aliwe omo bihugho bingyi, abaghala betu sibalitoka eringira oko Enternete. Abandi bali omo biharo ebitemo omuliro kutse eyo omuliro akaghenda-ghenda, ne rezo ye Enterete nayo ikakola lyolo-lyolo, kutse iyitabya.

Nikwa, lino abaghala n’abali betu bangyi banganalusya oko Enternete kw’ebitabu n’esyovideo isibetakolesya e Enternete! Ekyo kyanganatokekana kiti?

E JW Box ni kasanduku akalyateghekanibawa busana n’eriwatikya esyondeko esiri omo biharo ebitemo Enternete kutse eyo e rezo ikatwika-twika. Omo JW Box mune e routeur eyikaghulawa oko kampuni kalebe, e programe ye ordinatere eyikokotibwe n’abaghala betu b’oko beteli abakakolera omo mubiri owalebirye emyatsi ye ordinatere, muli ebitabu by’ekielektronike n’esyovideo esiri oko jw.org. Obuli kasanduku kakaghula esyodolare 75.

Oko Kisenge ky’oBwami ekiri ko e JW Box, abaghala n’abali betu banganakingula e wifi omo syo telefone syabo kutse esyo tablete, neryo ibatsuka erihiramo ebitabu n’esyovideo esiri oko jw. Nibya n’abawite oko syo telefone sya kera kutse oko sitawite obutoki bungyi bw’erikingula e Enternete, syanganakingula e JW Box. Nikwa endeko yamabya iyiri omo kiharo ekitemo e enternete, e JW Box yanganabya n’ebitsapo kutse esyovideo sihya-sihya yiti? Kangyi-kangyi, e Beteli yikabya iyinemutuma esyo flashe esirimo esyovideo n’ebitabu bihya-bihya ebiriahuluka oko JW. ORG. Neryo ebiri mo ibyanganahirwa omo JW Box. Obuli flashe ikaghula hakuhi dolare 4.

E JW Box yabiriwatikya yiti abaghala betu? Tata mughuma, yo Nathan Adruandra, oyuli omo kihugho kye Kongo y’eKidemokrasia akabugha ati: “Kangyi kangyi ingabugha niti ngalusaya oko Enternete kwe Drama ‘Yehova, . . . Ngayiketera iwe’ na Mwibuke mukali wa Loti. Aliwe nabya isinirinatatoka neryo ikikaniluhaya omo mutima. Lino nanganatoka erihirabyo omo telephone yaghe, n’ekyo kikatuwatikaya itwe ng’ababuti erikangirirya abana betu bo ndeke.”

Mughala wetu mughuma oyukawatikaya esyondeko erihira e JW Box y’oko Bisenge by’oBwami omo kihugho kye Nigeria, akabugha ati: “Abaghala n’abali betu bakalangira ngoko e JW Box ni kihembo ekisikire erilua oko Yehova. Lino batsemire kundi banganabana bweghu-bweghu ebitabu n’esyovideo ebikabanika omo bitabu ebyo tukakolesaya omo mahubiri ebiri oko jw.org.”

Ehisanduku hinene oko 1 700 ehye JW Box hyabiritumwa omo bihugho bingyi eyiri abaghala betu omo Afrika, Oseania, ne Amerika y’endina, na kandi tunemuteghekania eritasyatuma ehindi hisanduku hinene omo syondeko. Esyofranga sy’erighula ko ebindu ebiringa bino sikabanika siti? Erilabira ebihembo ebyo tukateka busana n’eriwatikya oko omubiri owakakolawa omo kihugho kyosi, kutsibu-tsibu ebihembo ebikatekawa erilabira e donate.jw.org. Mwasingya oko mutima w’erihitya owo mukakanganaya.