ENGEBE Y’OMUKRISTO
Usondaye obulengekania bw’oMungu
Twanzire itwatsemesya Yehova omo byosi tukakola. (Emi 27:11) Ekyo kisabire kiti eriyisogha lyetu iryabya irihambene n’obulengekania bwiwe nomo hangabya isihali mughambo owalangirikire owalebirye omwatsi ogho tukasondiyisoghako. Twangatoka ekyo kyo tuti?
Ubye n’endegheka y’erisoma eBiblia obuli kiro. Omughulu tukasoma eBiblia, tukabya ng’abakalabaya endambi haghuma na Yehova. Eriyiteghererya ngoko Yehova abya akakolera abandu biwe, n’eritsopolya ebyerileberyako by’abandu abo Yehova alangira ngoko mubakola ebibuya kutse ebibi omo meso wiwe, lyanganatuwatikya eriminya Yehova ng’akalangira ati emyatsi. Omughulu tukakola eriyisogha rilebe, ekirimu kibuyirire kyanganatwibukya emyatsi milebe n’esyokanuni esyo twabirigha omo kinywa ky’oMungu.—Yoa 14:26.
Ukwese-kwese emyatsi. Omughulu ukasonda eriyisogha erikola omwatsi mulebe, ni ky’omughaso eriyibulya uti, ‘Ni masako wahi kutse ni myatsi yahi eyikanibweko omo eBiblia eyanganiwatikya eriminya amalengekania wa Yehova oko mwatsi oyu?’ Usabe Yehova y’obuwatikya, n’erikolesya ebitsapo by’erikweseramo emyatsi ebiri omo mubughe ogho wasi ebikendikuwatikya eribana n’erikolesya esyokanuni sy’eBiblia esilebirye omwatsi ogho ukasonda erikola.—Esy 25:4.
MUKWAME EVIDEO LITOLERE ‘ITWATIBITA N’ERIYIYINIA’—ULYE AKALYO AKAKAHIMBA, NERYO MUSUBIRAYE OKO MABULYO AWAKWAMIRE:
Mwali wetu oyukanibweko omo evideo, mwahatikanwa erikola ki?
Wangaolesya ghuti ebitsapo by’erikwesa-kweseramo emyatsi wamabya omo mibere ng’eyo?
Tukabana endundi yahi omughulu tukayikasa eribya tukakwesa-kwesa emyatsi n’eriyighisya eBiblia?—Ebr 5:13, 14