Emyatsi Y’eriyighisya

Wamasonda eriminya bingyi oko mibere mibuya ya Yehova

Omughulu tukasoma eBiblia, twanganakolesya ebindi bitsapo byetu eryowa ndeke ebyo tukasoma. Aliwe, situlisoma busana n’eriminya emyatsi mingyi oko Biblia lisa. Aliwe twanzire eriminya ebingyi oko mibere ya Yehova eyikatukuna erimwanza kutsibu. Erikola ekyo, litolere itwayibulya kino: ‘Omwatsi ogho namasoma omo Biblia ono amanighisyaki oko Yehova?’

Ng’eky’erileberyako, twanganasonda eriminya emyatsi eyikakanganaya ngoko Yehova mwakangania olwanzo, amenge, eritunganene, n’akaghala. Aliwe hane eyindi mibere mingyi mibuya ya Yehova eyo twangigha. Wangabana hayi emyatsi eyikabugha oko mibere eyo?

Ulebaye eyindi mibere 50 ya Yehova omo Index des publications des Témoins de Jéhovah ahali omutwe “Jéhovah” n’ahali omutwe muke “Qualités par nom.” Ulebaye emibere eyihambene n’omwatsi ogho unemusoma omo Biblia. (Ekitabu Musaada wa Kutafuta Habari kwa Ajili ya Mashahidi wa Yehova kyamabya ikyo wangatoka erikwesa-kweseramo kisa, uye ahali omutwe “Yehova Mungu” n’ahali omutwe muke “Sifa za Yehova.”)