• IRhubo 14:1-7
    IBhayibheli ImiTlolo ECwengileko

    • 14 Iindlhadlha zithi eenhliziyweni zazo:*

      “Akekho uJehova.”+

      Izenzo zazo zikhohlakele nemisebenzazo iyanyenyisa;

      Akekho owenza okuhle.+

       2 Kodwana uJehova asezulwini uqala amadodana wabantu ephasini

      Ukubona ukuthi ukhona na onelemuko, ukhona na ofuna uJehova.+

       3 Baphambukile boke;+

      Boke bonakele.

      Akekho owenza okuhle,

      Akekho ngitjho namunye.

       4 Kghani akekho namunye wabenzi bokumbi ozwisisako?

      Barhiribidela abantu bami ngasuthi badla uburotho.

      Abambizi uJehova.

       5 Kodwana bazokurhidlwa livalo,+

      Ngombana uJehova unesizukulwana sabalungileko.

       6 Nina abenza okumbi nilinga ukuhlangahlanganisa amano wothobekileko,

      Kodwana uJehova usiphephelo sakhe.+

       7 Kwanga isindiso ka-Israyeli ingavela eZiyoni!+

      UJehova nakabuyisa abantu bakhe abathunjiweko,

      UJakopo akathabe, u-Israyeli akajekezele.