• IRhubo 53:umtlolo ongehla-6
    IBhayibheli ImiTlolo ECwengileko

    • Kumnqophisi; ngendlela yeMarhalathi.* IMaskili.* Irhubo lakaDavida.

      53 Iindlhadlha zithi eenhliziyweni zazo:*

      “Akekho uJehova.”+

      Izenzo zazo ezingakalungi zonakele beziyanyenyisa;

      Akekho owenza okuhle.+

       2 Kodwana uZimu asezulwini uqala amadodana wabantu ephasini+

      Ukubona bonyana ukhona na onelemuko, ukhona na ofuna uJehova.+

       3 Baphambukile boke;

      Boke bonakele.

      Akekho owenza okuhle,

      Akekho ngitjho namunye.+

       4 Kghani akekho namunye wabenzi bokumbi ozwisisako?

      Barhiribidela abantu bami ngasuthi badla uburotho.

      Abambizi uJehova.+

       5 Kodwana bazokurhidlwa livalo,

      Basabe ngendlela abangakhenge khebayizwe phambilini,*

      Ngombana uZimu uzokurhatjha amathambo walabo abakusahlelako.

      Wena uzobahlazisa ngombana uJehova ubalile.

       6 Kwanga isindiso ka-Israyeli ingavela eZiyoni!+

      UJehova nakabuyisa abantu bakhe abathunjiweko,

      UJakopo akathabe, u-Israyeli akajekezele.