AbaHlulelii
5 Ngelangelo uDibhora+ noBharaki+ indodana ka-Abinowamu babhina ingoma nasi:+
2 “Ngebanga leenhluthu ezingakabotjhwa* kwa-Israyeli,
Ngebanga lokuzinikela kwabantu ngokuzithandela,+
Dumisani uJehova!
3 Yizwani nina makhosi! Lalelani nina babusi!
Ngizokubhinela uJehova.
Ngizokubhinela uJehova iindumiso,+ uZimu ka-Israyeli.+
4 Jehova, ngesikhathi uphuma eSeyiri,+
Ngesikhathi umatjha uphuma esifundeni se-Edomu,
Iphasi ladengezela nezulu lathela,
Amafu awuluka amanzi.
5 Iintaba zancibilika* phambi kobuso bakaJehova,+
Ngitjho neSinayi phambi kobuso bakaJehova,+ uZimu ka-Israyeli.+
6 Emihleni kaTjhamgari+ indodana ka-Anathi,
Emihleni kaJayeli,+ iindlela ezikulu bezingasetjenziswa;
Abakhambi bebasebenzisa iindlela ezingemuva.
7 Abantu abahlala ezabelweni kwa-Israyeli bebangasekho;
Bebangasekho bekwaba kulapho mina, Dibhora,+ ngisikima,
Bekwaba kulapho ngisikima njengomma kwa-Israyeli.+
Isihlangu akhenge sibonakale, ngitjho nomkhonto,
Hlangana namadoda azii-40 000 wakwa-Israyeli.
Dumisani uJehova!
10 Nina enikhwela abodumbana abazotho,
Nina enihlala emimadeni yekhethelo,
Nani enikhamba endleleni,
Cabangisisani!
11 Amaphimbo wabantu abathelela iinlwana amanzi azwakala eendaweni zokusela amanzi;
Lapho bebakhumbula izenzo zokulunga zakaJehova,
Izenzo zokulunga zabantu bakhe abahlala ezabelweni kwa-Israyeli.
Yeke abantu bakaJehova behlela emasangweni.
12 Maye! Dibhora,+ vuka, vuka!
Vuka, vuka, bhina ingoma!+
Sikima Bharaki!+ Dosa phambili iinthunjwa zakho, wena ndodana ka-Abinowamu!
13 Yeke labo ebebasele behlela eenkhulwini;
Abantu bakaJehova behlela kimi bazokulwa nabanamandla.
14 Bavela kwa-Efrayimu labo abasemrhobeni;
Maye! Bhenjamini, balandela wena hlangana neentjhaba.
15 Amakhosana e-Isakari bekanoDibhora,
Njengombana u-Isakari bekanoDibhora noBharaki+ bekanaye.
Wathunyelwa ngeenyawo emrhobeni othabaleleko.+
Kwaba nokuzihlolisisa ihliziyo okukhulu hlangana neengaba zakwaRubeni.
16 Kubayini uhlezi hlangana neenkhwama ezimbili ezilayitjhwa phezu kwesilwana,
Ubalalele nababiza umhlambi ngomlozabo?+
Ngombana bekunokuzihlolisisa ihliziyo okukhulu eengabeni zakwaRubeni.
U-Atjheri wahlala angenzi litho eligwini lelwandle,
Wasala emathekwinakhe.+
18 Abantu bakwaZebuloni babeka ukuphila kwabo engozini bekwaba sekufeni;
Akhenge athathe izinto zesiliva azifumene epini.+
20 Iinkwekwezi zalwa zisezulwini;
Zalwa noSisera zisemizilenazo.
Ngibagadangile abanamandla.
22 Nje-ke kwaduma iinqatha zeenjomani
Njengombana iinjomani zakhe zigijima ngamandla.+
23 Ingilozi kaJehova yathi, ‘Qalekisani iMerozi,
Iye, qalekisani izakhamuzi zayo,
Ngombana akhenge zize zizokusiza uJehova,
Zizokusiza uJehova ngabanamandla.’
24 Obusiseke khulu ebafazini nguJayeli+
UmkaRhebheri+ umKheni;
Ungobusiseke khulu ebafazini abahlala ematendeni.
25 USisera wabawa amanzi; uJayeli wamupha ibisi.
Wamupha amakghamatha ngesitja esikhulu.+
26 Ngesandla sakhe walalamela isikhonkhwani setende,
Ngesandla sakhe sokudla inondo yesisebenzi.
Wabetha uSisera, waphihliza ihlokwakhe,
Wahlaba bewaphihliza ihlokwakhe.+
27 Wawa hlangana neenyawo zakhe; wawa warabhalala;
Wawa hlangana neenyawo zakhe;
Lapho awela khona, kulapho ahlulwa khona.
28 Umfazi wahlola ngaphandle ngefesidere,
Unina lakaSisera wahlola ngaphandle ngefesidere,
‘Kubayini ikaranakhe iriyada ukufika?
Kubayini iinqatha weenkarana zakhe angakafiki ngesikhathi?’+
29 Abafazi abahlakaniphe khulu hlangana neenkhulu zakhe zabomma bebamphendula;
Iye naye bekakubuyelela lokhu,
30 ‘Kufuze bona bahlukaniselana izinto abazifumene epini,
Ingorho ngayinye, ifumane umntazana,* abantazana ababili,*
Itjhila elidayiweko ngelakaSisera, iye itjhila elidayiweko ngelakhe,
Isambatho esinomthungo wokuhlobisa, itjhila elidayiweko, izambatho ezimbili ezinomthungo wokuhlobisa
Ngezeentamo zabadlelezeli.’
31 Maye! Jehova amanabakho woke awatjhabalale,+
Kodwana labo abakuthandako ababe njengelanga liphuma ngephazimulwalo.”