Yesibili YeenKronike
8 Ekupheleni kweminyaka ema-20 uSolomoni akha ngayo indlu kaJehova nendlwakhe,*+ 2 wakha kabutjha amadorobho awanikelwa nguRhiramu,+ wahlalisa ama-Israyeli lapho. 3 Ngaphezu kwalokho, uSolomoni waya eRhamathi-Tsoba wayithumba. 4 Ngemva kwalokho wavuselela* iTadimori emmangweni nawo woke amadorobho+ wamabulungelo ebekawakhe eRhamathi.+ 5 Wavuselela neBhethe-Rhoroni+ eNgehla neBhethe-Rhoroni+ engeNzasi, waqinisa namadorobho ngamaboda, amasango neensimbi, 6 neBhalathi+ nawo woke amadorobho kaSolomoni wamabulungelo,+ woke amadorobho weenkarana, amadorobho wabakhweli beenjomani, uSolomoni wakha nanyana yini ebekafisa ukuyakha eJerusalema, eLibhanoni nakiyo yoke inarha engaphasi kombuswakhe.
7 Malungana nabo boke abantu ebebasele kumaRhiti, ama-Amori, amaPerizi, amaRhivi namaJebusi,+ egade bangasiyingcenye ka-Israyeli,+ 8 iinzukulwana zabo ebezisele enarheni leyo, labo ama-Israyeli abhalelwa kubatjhabalalisa,+ bakatelelwa nguSolomoni bona babe ziingqila bekube kunamhlanjesi.+ 9 Kodwana uSolomoni akhenge enze namunye umIsrayeli bona abe sigqila,+ ngombana bewamasotjakhe, iinduna zeenkhulu zakhe neenduna zabatjhayeli beenkarana zakhe nabakhweli beenjomani.+ 10 Bekuneenduna zamasekela weKosi uSolomoni ezima-250, iinduna ezengamele abantu.+
11 USolomoni wasusa nendodakazi kaFaro+ eDorobheni lakaDavida wayisa endlini ayakhele yona,+ ngombana wathi: “Ngitjho nanyana amkami, akukafuzi ahlale endlini kaDavida ikosi yakwa-Israyeli ngombana iindawo umFaji kaJehova ofike kizo zicwengile.”+
12 Nje-ke uSolomoni wenzela uJehova imihlatjelo etjhiswako+ e-aldareni lakaJehova+ alakha phambi kwethuri.+ 13 Ngokuvumelana nomyalo owanikelwa nguMosi, uSolomoni wenza imihlatjelo ebekufuze yenziwe qobe langa, imihlatjelo yamaSabatha,+ yokuthwasa kwenyanga+ neyeminyanya ebekiweko eyenziwa kathathu ngomnyaka,+ umNyanya woBurotho obunganaSibiliso,+ umNyanya weemVeke+ nomNyanya wemiTlhatlhana.+ 14 Godu wabeka iingaba zabaphristi+ emsebenzinabo ngokuvumelana nomthetho kayise uDavida, wabeka namaLevi eendaweni zawo zokusebenza bona adumise,+ asebenze phambi kwabaphristi ngokuvumelana nekambiso yaqobe langa, wabeka nabalindisango ngokweengaba zabo emasangweni ahlukahlukeneko,+ ngombana loyo bekumyalo kaDavida, umuntu kaZimu weqiniso. 15 Akhenge baphambuke emyalweni ikosi eyawunikela abaphristi namaLevi malungana nananyana ngiyiphi indaba namkha malungana namabulungelo. 16 Umsebenzi kaSolomoni bewuhlelwe kuhle, kusukela ngelanga okwabekwa ngalo isisekelo sendlu kaJehova bekwaba kulapho iqedwa khona.+ Nje-ke indlu kaJehova yaqedwa.+
17 USolomoni waya ngesikhatheso e-Etsiyoni-Gebere+ ne-Elathi+ magega nelwandle enarheni yakwa-Edomu.+ 18 URhiramu+ wamthumela imikhumbi namadoda anelemuko lokutjhayela imikhumbi asebenzisa iinsebenzi zakhe. Akhamba neensebenzi zakaSolomoni aya e-Ofira,+ athatha amatalende* wegolide ama-450+ awasa eKosini uSolomoni.+