HEZEKIYELI

1 Ngomnyaka wama-30, ngelanga lesihlanu lenyanga yesine, ngesikhathi ngihlala phakathi kwabantu abadingisiweko+ emlanjeni weKebari,+ izulu lavuleka bese ngathoma ukubona imibono kaZimu. 2 Ngelanga lesihlanu lenyanga okumnyaka wesihlanu, wokudingiswa kweKosi uJehoyakini,+ 3 ilizwi lakaJehova lafika kuHezekiyeli,* indodana kaBhuzi umphristi, ngemlanjeni iKebari enarheni yamaKhaledi.*+ Endaweni leyo* amandla kaJehova ehlela kuye.+

4 Njengombana ngiqalile, ngabona isiwuruwuru+ sivela etlhagwini, bekunelifu elikhulu nomlilo* obenyezelako+ ubhodwe mkhanyo omkhulu, emlilweni loyo bekunento ephazima njengegolide elivangwe nesiliva.+ 5 Phakathi kwayo, bekunokuthileko okunjengeembunjwa ezine eziphilako,+ ngayinye yazo beyiqaleka njengomuntu. 6 Ngayinye yazo beyinobuso obune namaphiko amane.+ 7 Iinyawo zazo bezijame rwe, iinthende zeenyawo zazo bezifana nezekonyana, beziphazima njengekhopha emanyazelako.+ 8 Bezinezandla zomuntu ngaphasi kwamaphikwazo kiwo woke amahlangothi amane, zoke iimbunjwa ezinezi bezinobuso namaphiko. 9 Amaphikwazo bekathintana. Bezingajiki nazikhambako; zoke bezikhamba zinqophe phambili.+

10 Nasi indlela ubuso bazo ebebuqaleka ngayo: Ngayinye kwezinezo beyinobuso bomuntu obunobuso bebhubezi+ ngesidleni nobuso bekunzi+ ngesinceleni begodu zozine njalo bezinobuso+ bekhozi.+ 11 Bebunjalo-ke ubuso bazo. Amaphikwazo bekavulekele phezu kwazo. Ngayinye beyinamaphiko amabili athintanako begodu amaphiko amabili bewaphuthela imizimbazo.+

12 Zoke bezikhamba zinqophe phambili, ziya nanyana kukuphi lapho ummoya uzinqophisela khona.+ Bezingajiki njengombana zikhamba. 13 Iimbunjwa eziphilako bezibonakala ngasuthi malahle avuthako begodu okuthileko okufana neembani okukhanya njengomlilo bekutjhinga phasi phezulu hlangana neembunjwa eziphilako, nomkhanyo bewubenyezela uphuma emlilweni.+ 14 Iimbunjwa eziphilako nazikhambako nalokha nazibuyako, indlela ebezikhamba ngayo beyiqaleka njengokuphazima kombani.

15 Njengombana bengiqale iimbunjwa eziphilako, ngabona ivili linye ephasini hlanu kweembunjwa eziphilako ezinobuso obune.+ 16 Amavili nokubumbeka kwawo bekuqaleka njengokuphazima kwekhrisolithe, womane njalo bekafana. Ukuqaleka kwawo nokwakheka kwawo bekubonakala ngasuthi livili ngaphakathi kwelinye ivili. 17 Nakakhambako, bekangaya kinanyana ngimaphi amahlangothi amane ngaphandle kokujika njengombana akhamba. 18 Amarimu wakhona bewaphakeme khulu ngendlela ebabazekako, amarimu woke womane bekazele ngamehlo kiyo yoke indawo.+ 19 Nanyana kunini iimbunjwa eziphilako nazikhambako, amavili nawo bekakhamba nazo, lokha iimbunjwa eziphilako naziphakamako ephasini, namavili bekaphakama.+ 20 Beziya nanyana kukuphi lapho ummoya ozithumela khona, nanyana kukuphi lapho ummoya uya khona. Amavili bewaphakama kunye nazo, ngombana ummoya ebewusembunjweni eziphilako bewuba semavilini. 21 Nazikhambako, nawo bekakhamba; nazijamako nawo bekajama, naziphakanyiswako ephasini, amavili nawo bewaphakama kunye nazo ngombana ummoya ebewuseembunjweni eziphilako bewubuye ube semavilini.

22 Phezu kweenhloko zeembunjwa eziphilako, bekunokuthileko okunjengomkayi okubenyezela njengerhwaba eliyikarisomraro, linabe phezu kweenhloko zazo.+ 23 Ngaphasi komkayi, amaphikwazo bewajame rwe,* elinye lithinte elinye. Ngasinye sazo besinamaphiko amabili agubuzese elinye ihlangothi lemizimbaso begodu amabili agubuseze elinye ihlangothi. 24 Nangizwa itjhada lamaphikwazo, belizwakala njengetjhada lamanzi agijimako njengetjhada loMninimandla Woke.+ Nazikhambako, bekuzwakala ngasuthi litjhada lebutho. Nazijamako, bezehlisa amaphikwazo.

25 Bekunelizwi phezu komkayi, phezu kweenhloko zazo. (Nazijamako, bezehlisa amaphikwazo.) 26 Ngaphezu komkayi, phezu kweenhloko zazo bekunokuthileko okunjengelitje lesafire,+ bekufana nesihlalo sobukhosi.+ Obekahlezi esihlalweni sobukhosi phezulu bekungothileko oqaleka njengomuntu.+ 27 Ngibone okuthileko okuphazima njengegolide elivangwe nesiliva,+ ebekunjengomlilo ovela entweni ethileko eqaleka njengedini lakhe ukutjhinga phezulu; ukusuka edinini lakhe ukuya phasi, ngabona okuthileko okunjengomlilo.+ Bekunokubenyezela okumzombileko 28 njengezungu lekosi+ emafini nakuna izulu. Leyo yindlela umkhanyo obenyezelako ebewumbhodileko ebewuqaleka ngayo. Bewuqaleka njengephazimulo kaJehova.+ Nangilibonako, ngaguqa, ngakhothamisela ihloko phasi begodu ngathoma ukuzwa ilizwi lomuntu okhulumako.

2 Nje-ke wathi kimi: “Ndodana yomuntu,* sikima ujame ngeenyawo bona ngikhulume nawe.”+ 2 Nakakhuluma nami, ummoya wafika kimi, wajama phambi kwami wangenza ngajama ngeenyawo+ bona ngizwe loyo okhuluma nami.

3 Waraga wathi kimi: “Ndodana yomuntu, ngikuthumela ebantwini bakwa-Israyeli,+ eentjhabeni ezihlubukako, ezihlubuka ngokujamelene nami.+ Bona nabokhokho babo bonile ngokujamelene nami bekube kunamhlanjesi.+ 4 Ngikuthumela emadodaneni adelelako nanekani,+ kufuze uthi kiwo, ‘Nakhu iKosi ePhakemeko uJehova ekutjhoko.’ 5 Nakungibo, nanyana bangakulalela namkha bangakulaleli, ngombana bayindlu ehlubukako,+ ngokuqinisekileko bazokwazi ukuthi bekunomphorofidi phakathi kwabo.+

6 Kodwana wena, ndodana yomuntu, ungabasabi+ begodu ungawasabi amezwabo, ngitjho nanyana ubhodwe mathuthumbo ahlabako nameva*+ begodu uhlala hlangana nabofezela. Ungawasabi amezwabo+ begodu ungathuswa bubuso babo,+ ngombana bayindlu ehlubukako. 7 Kufuze ubatjele amezwami, ngitjho nanyana bangakulalela namkha bangakulaleli ngombana bababantu abahlubukako.+

8 Kodwana wena ndodana yomuntu, lalela lokho engikutjela khona. Ungahlubuki njengendlu ehlubukako le. Vula umlomakho begodu udle lokho engikunikela khona.”+

9 Nangiqalako ngabona isandla silulekele kimi,+ ngabona umsongo otloliweko.+ 10 Nangiwuvulako phambi kwami, bewutlolwe ngaphambili nangemuva.+ Iinlilo, ukuzila nokurhahlawula bekutlolwe kiwo.+

3 Nje-ke wathi kimi: “Ndodana yomuntu, idla okuphambi kwakho.* Idla umsongo lo, khamba uyokukhuluma nendlu yakwa-Israyeli.”+

2 Nje-ke ngavula umlomami, wangenza ngadla umsongo lo. 3 Waraga wathi kimi: “Ndodana yomuntu, idla umsongo engikunikela wona lo begodu uzalise amathumbakho ngawo.” Nje-ke ngathoma ukuwudla, bewumnandi njengeliju emlonyenami.+

4 Wathi kimi: “Ndodana yomuntu, khamba uye endlini yakwa-Israyeli, ukhulume namezwami kiwo. 5 Ngombana awukathunyelwa ebantwini abakhuluma ilimi elingazwisisekiko namkha abakhuluma ilimi elingaziwako, kodwana uthunyelwe endlini yakwa-Israyeli. 6 Awukathunyelwa ebantwini abanengi abakhuluma ilimi elingazwisisekiko namkha elingaziwako, amezwabo ongawazwisisiko. Nangingakuthumela kibo, bazokulalela.+ 7 Kodwana indlu yakwa-Israyeli angekhe ikulalele, ngombana ayifuni ukungilalela.+ Boke bendlu yakwa-Israyeli banekani neenhloko eziqinileko.+ 8 Qala! Ngenze ubuso bakho baqina njengobuso babo nesiphongo sakho saqina njengeemphongo zabo.+ 9 Ngenze isiphongo sakho saba njengedayimani, saqina ukudlula ilitje eliqinileko.+ Ungabasabi namkha uthuswe bubuso babo,+ ngombana bayindlu ehlubukako.”

10 Waragela phambili wathi kimi: “Ndodana yomuntu afake ehliziyweni begodu alalele woke amezwami engiwakhulume kuwe. 11 Khamba uye hlangana nabadingisiweko ebantwini bekhenu+ bese ukhulume nabo. Uthi kibo, ‘Nakhu iKosi ePhakemeko uJehova ekutjhoko,’ ngitjho nanyana bayalalela namkha abalaleli.”+

12 Ummoya wangiguga+ begodu ngezwa itjhada elikhulu elirarambako ngemva kwami lithi: “Kwanga iphazimulo kaJehova ingadunyiswa endawenakhe.” 13 Bekuzwakala itjhada lamaphiko weembunjwa eziphilako njengombana bewathintana,+ netjhada lamavili ahlanu kwazo+ netjhada lokuraramba okukhulu. 14 Ummoya wangiguga wangithatha, ngakhamba ngimunyu begodu ngisilingekile emmoyenami, ngezwa amandla kaJehova asebenza kimi. 15 Nje-ke ngaya ebantwini abadingisiweko eTele-Abibi, ebebahlala eduze nomlambo iKebari,+ ngahlala la bebahlala khona; bengirarekile,+ ngahlala nabo amalanga alikhomba.

16 Nakuphela amalanga alikhomba, ilizwi lakaJehova leza kimi, lathi:

17 “Ndodana yomuntu, ngikubeke bona ube mlindi endlini yakwa-Israyeli;+ nawuzwa ilizwi eliphuma emlonyenami, kufuze ungiyelelisele bona.+ 18 Lokha nangithi emuntwini okhohlakeleko, ‘Uzokufa nakanjani,’ kodwana ungamyelelisi begodu ubhalelwe kukhuluma bona uyelelise okhohlakeleko ukuthi aphenduke endlelenakhe yokukhohlakala bona ahlale aphila,+ yena uzokufa ngebanga lemitjhaphwakhe ngombana ukhohlakele,+ kodwana iingazi zakhe ngizozibuza kuwe.*+ 19 Kodwana nawumyelelisako okhohlakeleko begodu angatjhuguluki ekukhohlakaleni kwakhe nendlelenakhe yokukhohlakala, yena uzokufela imitjhaphwakhe kodwana wena ngokuqinisekileko uzokusindisa ukuphila kwakho.+ 20 Lokha umuntu olungileko nakatjhiya okulungileko enze okumbi, ngizokubeka isiqabo phambi kwakhe begodu yena uzokufa.+ Nawungakhenge umyelelise, yena uzokufela isono sakhe begodu izinto ezilungileko azenzileko angekhe zikhunjulwe kodwana iingazi zakhe ngizozibuza kuwe.*+ 21 Kodwana nangabe umyelelisile olungileko bona angenzi isono begodu angasenzi, ngokuqinisekileko yena uzokuragela phambili aphila ngombana uyelelisiwe,+ ngokwenza njalo uzabe usindise ukuphila kwakho.”

22 Isandla sakaJehova seza phezu kwami lapho begodu wathi kimi: “Sikima, khamba uye emrhobeni othabaleleko, ngizokukhuluma nawe lapho.” 23 Nje-ke ngasikima ngaya emrhobeni othabaleleko begodu qala! Iphazimulo kaJehova beyilapho,+ njengephazimulo engiyibone hlanu komlambo iKebari+ begodu ngakhothama ngaqalisa ihloko phasi. 24 Nje-ke ummoya wangena kimi, wangenza ngasikima ngajama ngeenyawo zami,+ uZimu wakhuluma nami wathi:

“Khamba, uzivalele ngendlinakho. 25 Nakunguwe ndodana yomuntu, bazokubeka iinrobho kuwe bese bakubophe ngazo bona ungaphumi hlangana nabo. 26 Ngizokwenza ilimu lakho linamathele elwangeni lomlomakho, uzokuba simumu, ungakghoni ukubakhalima ngombana bayindlu ehlubukako. 27 Kuzakuthi nangikhuluma nawe, ngivule umlomakho, kufuze uthi kibo,+ ‘Nakhu iKosi ePhakemeko uJehova ekutjhoko.’ Olalelako, akalalele,+ ongafuni ukulalela angalaleli ngombana bayindlu evukelako.+

4 Wena ndodana yomuntu, thatha isitina usibeke phambi kwakho. Kiso ugobhodlhe idorobho leJerusalema. 2 Livimbezele,+ yakha iboda lokulivimbezela,+ ukhuphukise indunduma yokulivimbezela,+ hloma amakampa ngokujamelene nalo begodu ulizombeleze ngeengodo zokulitjhabalalisa.+ 3 Thatha ipani lesimbi ulibeke bona libe liboda eliyisimbi phakathi kwakho nedorobho. Ngemva kwalokho, ulibeke ilihlo begodu lizokuvinjezelwa; uzolivimbezela. Leli litshwayo endlini ka-Israyeli.+

4 “Ngemva kwalokho, kufuze ulale ngehlangothi lakho lesincele bese ubeke umlandu wendlu ka-Israyeli kuwe.+ Uzokuthwala umlandwawo amalanga ozabe uwalele ngehlangothi lelo. 5 Ngizokubekela amalanga ama-390, akhambisana neminyaka womlandwawo+ begodu uzokuthwala umlandu wendlu ka-Israyeli. 6 Kufuze uwaqede.

“Ngemva kwalokho, ihlandla lesibili uzokulala ngehlangothi lesidleni begodu uzokuthwala umlandu wakwaJuda+ amalanga ama-40. Ilanga lijamele umnyaka, ilanga lijamele umnyaka, ngilokhu engikunikele khona. 7 Uzokuphendulela ubuso bakho ekuvinjezelweni kweJerusalema,+ uzokufoya isambatho sakho emkhonweni begodu kufuze uphorofide ngokujamelene nalo.

8 “Qala! Ngizokubopha ngeenrobho bona ungakghoni ukuphendukela kwelinye ihlangothi lakho bekube kulapho uqede amalanga wokuvimbezela kwakho.

9 Kufuze uthathe ikoroyi, ibhali, amabhontjisi, iinhlumaya, inyaluthi neminye imihlobo yekoroyi* uzifake zoke esitjeni sinye begodu uzenzele uburotho kiwo woke amalanga ama-390 ozobe ulele ngawo ngehlangothi linye, uzokudla uburothobo.+ 10 Uzokukala begodu udle amatjhekeli* ama-20 wokudla ngelanga. Uzokudla ngesikhathi esibekiweko.

11 “Uzokusela amanzi ngokwesilinganiso, ihini* yesithandathu. Uzowasela ngesikhathi esibekiweko.

12 Uzokudla njengombana udla uburotho bebhali obuyindulungu; uzosibhaga phambi kwabo, uzokusebenzisa uthuvi bomuntu obomileko bona bube sibaseli somlilo.” 13 UJehova waragela phambili nokuthi: “Le yindlela ama-Israyeli azokudla ngayo uburotho bawo, busilaphele, hlangana neentjhaba engizobarhatjhela kizo.”+

14 Nje-ke ngathi: ‘Ingasi lokho Kosi ePhakemeko Jehova! Kusukela ebutjheni bami, akhenge ngizisilaphaze ngokudla inyama evela esilwaneni esifunyenwe sifile namkha esirathukileko+ begodu inyama esilapheleko akhenge ingene emlonyenami.”+

15 Nje-ke wathi kimi: “Kulungile, ngizokuvumela bona usebenzise ubulongwe bekomo kunobuthuvi bomuntu begodu uzokubhaga uburotho bakho ngabo.” 16 Nje-ke wathi kimi: “Ndodana yomuntu, ngizokuqeda isabelo sokudla* eJerusalema,+ ngokukhulu ukugandeleleka bazokudla uburotho babo ngesilinganiso abasikalelweko,+ ngokusaba bazokusela amanzi ngesikali ababekelwe sona.+ 17 Lokhu kuzokwenzeka ngebanga lokutlhoga uburotho namanzi, bazokuqalana ngokurareka, bazokonda ngebanga lesono sabo.

5 “Nakunguwe ndodana yomuntu, zithathele isabula ebukhali uyisebenzisele ukurhuna. Rhuna ihlokwakho neendevu zakho, ngemva kwalokho uthathe iinkali bona ulinganise bese uhlukanise iinhluthu ngeengcenyana. 2 Uzokutjhisa enye ingcenye emlilweni phakathi kwedorobho lokha amalanga wokuvimbezela aphelile.+ Ngemva kwalokho, uzokuthatha enye ingcenye uyisike ngesabula kilo loke idorobho,+ enye ingcenye uzoyirhatjha emoyeni begodu ngizokukhupha isabula bona ngibagijimise.+

3 “Kufuze uthathe iinhluthu ezincani uziphuthele emphethweni wesambatho sakho. 4 Uthathe ezinye zazo uziphosele emlilweni begodu uzitjhise zibe mlotha. Kilokhu umlilo uzokurhatjheka kiyo yoke indlu yakwa-Israyeli.+

5 Nakhu iKosi ePhakemeko uJehova ekutjhoko: ‘Leli liJerusalema. Ngilibeke phakathi kweentjhaba nazo zoke iintjhaba ezilibhodileko. 6 Ngombana lihlubukile emyalwenami nemthethwenami, lenze ngokukhohlakala ukudlula iintjhaba nazo zoke iinarha ezilibhodileko.+ Ngombana bale imithethwami begodu akhenge bakhambe ngemiyalwami.’

7 “Nje-ke nakhu iKosi ePhakemeko uJehova ekutjhoko: ‘Ngebanga lokuthi benitshwenya khulu ukudlula zoke iintjhaba ezinibhodileko begodu akhenge nikhambe ngomyalwami namkha nenze ngokomthethwami kodwana kunalokho nilandele imithetho yazo zoke iintjhaba ezinibhodileko,+ 8 nakhu iKosi ePhakemeko uJehova ekutjhoko: “Maye! Dorobho, qala ngijamelene nawe + begodu ngizokukhupha isahlulelo ngokujamelene nawe phambi kwamehlo weentjhaba.+ 9 Ngizokwenza kuwe ngendlela engingakhenge ngenze ngayo ngaphambilini, nangendlela engeze ngenza ngayo godu ngebanga lazo zoke izinto zakho ezinyenyisako.+

10 “‘“Nje-ke abobaba phakathi kwenu bazokudla amadodanabo+ namadodana azokudla aboyise begodu ngizokukhupha isahlulelo phakathi kwenu, benginirhatjhele kiwo woke amahlangothi.”’+

11 Nje-ke nangisaphilako kutjho iKosi ePhakemeko uJehova, ‘ngombana yindawami ecwengileko enayisilaphaza ngazo zoke iinthombe zenu ezinyenyisako nangazo zoke izinto ezinyenyisako+ enizenzileko, ngizokwala, amehlwami angekhe akuzwele ubuhlungu begodu angekhe ngikurhawukele.+ 12 Ingcenye izokuhlongakala ngesifo namkha itjhabalale phakathi kwenu ngendlala. Enye ingcenye izokuwela kini noke ngesabula+ begodu ngizokurhatjhela ingcenye yokugcina kiyo yoke indawo bengikhuphe isabula bona ngibagijimise.+ 13 Ngemva kwalokho, ukusilingeka kwami kuzokuphela nelaka lami ngokujamelene nabo lizokwehla bese ngizokwaneliseka.+ Kuzokufuze bazi ukuthi mina Jehova nginguZimu ofuna kulotjhwe yena kwaphela,+ nangiqeda ukukhupha ilaka lami ngokujamelene nabo.

14 Ngizokwenza ube yindawo enganalitho, into ehlazisako hlangana neentjhaba ezikubhodileko nemehlwenabo boke abadlulako.+ 15 Uzokuba yinto ehlazisako nekuhlekiswa ngayo,+ isibonelo esisiyeleliso nento ethusako hlangana neentjhaba ezikubhodileko, nangikukhuphela isahlulelo ngokusilingeka, ngetukuthelo nangokukujezisa kabuhlungu. Mina Jehova ngikhulumile.

16 Ngizokuthumela ngokujamelene nabo imicibitjholo ebulalako yendlala bona ibatjhabalalise. Imicibitjholo engizonithumela yona izonitjhabalalisa.+ Ngizokwenza indlala yande ngokuthi ngiqede isabelo senu sokudla.*+ 17 Ngizokuthumela kini indlala neembandana eziyingozi+ begodu zizokubulala abantwabenu. Isibetho nokuphalaka kweengazi kuzokwanda begodu ngizokuletha isabula ngokujamelene nani.+ Mina Jehova ngikhulumile.’”

6 Ilizwi lakaJehova lafika kimi godu, lathi: 2 “Ndodana yomuntu, qala iintaba zakwa-Israyeli bese uphorofide ngokujamelene nazo. 3 Kufuze uthi, ‘Maye! Ntaba zakwa-Israyeli, izwa ilizwi leKosi ePhakemeko uJehova, lithi: Nakhu iKosi ePhakemeko uJehova ekutjhoko eentabeni, emibundwini, emilanjaneni nemirhobeni, ithi: “ Qala! Ngizokuletha isabula ngokujamelene nawe begodu ngizokutjhabalalisa iindawo zakho eziphakemeko. 4 Ama-aldarakho azokutjhatjalaliswa, ama-aldarakho wepepho azokuphuka+ begodu ngizokuphosela abarhayilweko bakho phambi kweenthombe zakho ezinyenyisako.*+ 5 Ngizokuphosela iindumbu zabantu bakwa-Israyeli phambi kweenthombe zabo ezinyenyisako begodu ngizokurhatjha woke amathambo wenu magega nama-aldarenu.+ 6 Kizo zoke iindawo enihlala kizo, amadorobho azokutjhiywa anganalitho+ neendawo eziphakemeko zizokutjhatjalaliswa begodu zizokuhlala zinganalitho.+ Ama-aldarenu azokutjhabalala bekaphahlazwe, iinthombe zenu ezinyenyisako zizokutjhabalala, ama-aldarenu wepepho azokuquntwa nomsebenzenu uzokuqedwa. 7 Labo abarhayiliweko bazokuwa phakathi kwenu+ begodu kuzokufuze nazi ukuthi nginguJehova.+

8 “‘“Kodwana ngizokutjhiya abaseleko, ngombana abanye benu bazokuphunyurha esabuleni hlangana neentjhaba lokha nanirhatjhekele eenarheni.+ 9 Labo abaphunyurhileko bazongikhumbula hlangana neentjhaba abathunjelwe kizo.+ Bazokulemuka ukuthi bengizwa ubuhlungu ngokungathembeki* kwehliziywabo engijikeleko+ namehlwabo akhanukela* iinthombe zabo ezinyenyisako.+ Bazokuba neenhloni, banyenye zoke izinto ezikhohlakeleko nezinyenyisako abazenzileko.+ 10 Kuzokufuze bazi ukuthi nginguJehova nokuthi bengiqinisile nangithi ngizobalethela ihlekelele.”’+

11 “Nakhu iKosi ePhakemeko uJehova ekutjhoko: ‘Bethani izandla zenu nina, nibethe phasi ngeenyawo bese nililele zoke izinto ezikhohlakeleko nezinyenyisako ezenziwe yindlu ka-Israyeli ngombana bazokuwa ngesabula, ngendlala nangesibetho.+ 12 Okude uzokufa ngesibetho, oseduze uzokuwa ngesabula, nanyana ngubani ophunyurha lokhu begodu asinde, uzokufa ngendlala; ngizokukhupha ilaka lami ngokuzeleko ngokujamelene nabo.+ 13 Kuzokufuze bazi ukuthi nginguJehova,+ lokha abarhayiliweko balele hlangana neenthombe zabo ezinyenyisako, magega nawo woke ama-aldara,+ kiyo yoke imibundu ephakemeko, kizo zoke iintaba eziphezulu, ngaphasi kwayo yoke imithi ehlaza nangaphasi kwazo zoke iimpande zemithi emikhulu, lapho benza khona iminikelo eliphunga elimnandi ukuncenga zoke iinthombe zabo ezinyenyisako.+ 14 Ngizokululela isandla sami ngokujamelene nabo, ngenze inarhabo ingabi nalitho begodu zoke iindawo zabo zokuhlala, zizokusala zinganalitho ukudlula ummango ohlanu kweDibhila. Kuzokufuze bazi ukuthi nginguJehova.’”

7 Ilizwi lakaJehova lafika kimi godu, lathi: 2 “Nakunguwe, nakhu iKosi ePhakemeko uJehova ekutjhoko enarheni yakwa-Israyeli: ‘Ukuphela! Ukuphela kufikile eengcenyeni ezine zephasi. 3 Isiphelo sikufikele, ngizokukhupha ilaka lami ngokujamelene nawe, ngizokwahlulela ngokweendlela zakho begodu ngikwenze uziphendulele ngazo zoke izenzo zakho ezinyenyisako. 4 Amehlwami angekhe akuzwele ubuhlungu; namkha ngikurhawukele,+ ngombana ngizokulethela imiphumela ngokweendlela zakho, uzokuqalana nemiphumela yezenzo zakho ezinyenyisako.+ Ngombana kuzokufuze nazi bona nginguJehova.’+

5 “Nakhu iKosi ePhakemeko uJehova ekutjhoko: ‘Qala! Ngizokuletha ihlekelele, ihlekelele engakajayeleki, iyeza.+ 6 Isiphelo siyeza; isiphelo sizokuza; sizonifikela ningakalindeli. Qala! Siyeza. 7 Ilanga lakho liyeza, wena ohlala enarheni. Isikhathi siyeza, ilanga litjhidele.+ Kunehlangahlangano ingasi itjhada lethabo eentabeni.

8 “‘Ngizokuthululela ilaka lami kuwe,+ ngizokukhupha loke ilaka lami ngokujamelene nawe+ begodu ngizokwahlulela ngokweendlela zakho ngikwenze uziphendulele ngazo zoke izenzo zakho ezinyenyisako. 9 Amehlwami angekhe akuzwele ubuhlungu; angekhe ngikurhawukele.+ Ngizokuletha imiphumela ngokweendlela zakho, uzokuqalana nemiphumela yezenzo zakho ezinyenyisako. Kuzokufuze nazi ukuthi mina, Jehova ngimi onijezisako.+

10 ““Qala! Ilanga! Qala, liyeza!+ Ilanga lakho lifikile; intonga yokujezisa seyilungele bona ngiyisebenzise, inaba selizikhakhazisa khulu. 11 Inturhu seyiphenduke intonga yokukhohlakala.+ Akekho noyedwa ozokusinda, umnothwabo, isiqubuthu sabo namkha ukuvelela kwabo. 12 Isikhathi sizokufika, ilanga lizokufika. Othengako akangathabi, othengisako akangalili, ngombana kunelaka ngokujamelene naso soke isiqubuthu.*+ 13 Ngombana umthengisi angekhe akufumane akuthengisileko, ngitjho nanyana ukuphila kwakhe kungasinda, ngombana umbono ujamelene naso soke isiqubuthu. Akekho ozokubuyela begodu ngebanga lemitjhaphwakhe, akekho ozokusindisa ukuphila kwakhe.

14 “‘Babethe ibhorompita,+ woke umuntu ulungele ukuya epini kodwana akunamuntu oya epini, ngombana ilaka lami lijamelene naso soke isiqubuthu.+ 15 Isabula ingaphandle,+ isibetho nendlala zingaphakathi. Nanyana ngubani osesimini uzokufa ngesabula, nangendlala begodu isibetho sizokurhayila abasedorobheni.+ 16 Abasindileko babo abaphunyurhileko bazokuya eentabeni njengamajuba wemirhoba, omunye nomunye wabo uzokulilela imitjhaphwakhe.+ 17 Izandla zabo zizokuba buthakathaka, woke amadolwabo azokwehla amanzi.*+ 18 Bambethe imigodla+ begodu bayahlengezela ngebanga lokubanjwa kusaba. Woke umuntu uzokuphathiswa iinhloni begodu zoke iinhloko* zizokugudwa.+

19 “‘Bazokuphosela isiliva labo eendleleni begodu igolide labo lizokuba yinto enyenyisako kibo. Isiliva negolide labo angekhe zikghone ukubasindisa ngelanga lelaka lakaJehova.+ Angekhe baneliseke, namkha basuthise amathumbabo, ngombana zibe* siqabo esibabangela ukuthi bone. 20 Bebazikhakhazisa ngobuhle bokuzirhabisa kwabo, ngazo* benze iinthombe ezinyenyisako nabozimu abanyenyisako.+ Kungebangelo ngizozenza izinto ezinyenyisako kibo. 21 Ngizozinikela* ezandleni zabantu abavela kwenye inarha bona badlelezele nebantwini abakhohlakeleko bephasi zibe zizinto ezithethwe ngekani, bazozisilaphaza.

22 “‘Ngizobafulathela+ begodu bazokusilaphaza indawami* efihlekileko begodu abadlelezeli bazokungena kiyo bayisilaphaze.+

23 “‘Yenza iketani,*+ ngombana inarha igcwele umlandu weengazi+ begodu idorobho lizele inturhu.+ 24 Ngizokuveza ukukhohlakala kweentjhaba+ begodu zizokuthatha izindlu zabo,+ ngizokuphelisa ukuzikhakhazisa kwabanamandla neendawo zabo ezicwengileko zizokusilaphazwa.+ 25 Nasele kufika ubuhlungu, bazokufuna ukuthula kodwana angekhe bakufumane.+ 26 Kuzokuvela ihlekelele ngemva kwehlekelele, nombiko ngemva kombiko, abantu bazokufuna umbono kumphorofidi+ kodwana umthetho womphristi neseluleko sabadala angekhe zisaba lisizo.+ 27 Ikosi izokulila,+ ikosana izokumbathiswa ukudana begodu izandla zabantu benarheni zizokuhlengezela ngebanga lokusaba. Ngizobaphatha ngokweendlela zabo, ngizobahlulela ngokweendlela abahlulela ngayo. Kuzokufuze bazi ukuthi nginguJehova.’”+

8 Ngomnyaka wesithandathu, ngenyanga yesithandathu, ngelanga lesihlanu lenyanga, bengihlezi endlinami begodu abadala bakwaJuda bebahlezi phambi kwami, isandla seKosi ePhakemeko uJehova sangibamba lapho. 2 Njengombana bengiqalile ngabona okuthileko okufana nomlilo; bekunomlilo ngaphasi kokuthileko okuqaleka njengedini lakhe,+ kusukela edinini ukutjhinga phezulu bekabonakala aphazima, njengokuphazima kwegolide lihlangene nesiliva.+ 3 Nje-ke walulela ebekuqaleka njengesandla wangiguga ngeenhluthu zami begodu ummoya wangithwala hlangana kwephasi nezulu wangisa eJerusalema ngemibono evela kuZimu, esangweni eliphakathi+ eliqale etlhagwini, lapho bekunesithombe esibangela bona uZimu asilingeke.+ 4 Qala! Iphazimulo kaZimu wakwa-Israyeli beyilapho,+ efana naleya engayibona emrhobeni othabaleleko.+

5 Nje-ke wathi kimi: “Ndodana yomuntu, ngibawa uphakamisele amehlwakho nca ngetlhagwini.” Nje-ke ngaphakamisela amehlwami nca ngetlhagwini begodu lapho, esangweni elisetlhagwini ye-aldara, ebungenweni bekunesithombe esenza bona uZimu asilingeke. 6 Wathi kimi: “Ndodana yomuntu, uyazibona na izinto ezithusako nezinyenyisako indlu yakwa-Israyeli ezenzako lapha,+ izinto ezingenza ngibe kude khulu nendawami ecwengileko?+ Kodwana uzokubona izinto ezinyenyisako nezithusa khulu ukudlula lezi.”

7 Wangingenisa ebungenweni besirhodlo begodu nangiqalako ngabona imbobo ebodeni. 8 Bese wathi kimi: “Ndodana yomuntu, ngibawa uthumbuse iboda, nje-ke ngathumbusa iboda begodu ngabona ubungeno. 9 Wathi kimi: “Ngena ubone ukukhohlakala nezinto ezinyenyisako abazenzako lapha.” 10 Nje-ke ngangena ngaqala, ngabona yoke imihlobo yeenthombe yezinto ezirhurhubako neembandana ezisilapheleko+ nazo zoke iinthombe ezinyenyisako* endlini yakwa-Israyeli;+ bezigobhodlhwe ebodeni kiyo yoke indawo. 11 Abadala abama-70 bendlu yakwa-Israyeli bebajame phambi kwazo noJazaniya indodana kaTjhafani+ bekajame nabo. Ngamunye wabo bekaphethe isitja sokutjhisela ipepho esandleni sakhe begodu intuthu yepepho enuka kamnandi beyikhuphuka.+ 12 Wathi kimi: “Ndodana yomuntu, uyakubona na okwenziwa badala bendlu yakwa-Israyeli ebumnyameni, ngamunye wabo eenkumbeni ezingaphakathi lapho iinthombe zakhe zibekwe khona? Ngombana bathi, ‘uJehova akasiboni. UJehova utjhiye inarha le.’”+

13 Waragela phambili wathi kimi: “Uzokubona izinto ezinyenyisako nezithusa khulu ukudlula lezi abazenzako.” 14 Nje-ke wangiletha ebungenweni besango letlhagwini lendlu kaJehova begodu lapho ngabona abafazi bahlezi balilela uTamuzi.

15 Waragela phambili nokuthi kimi: “Maye! Ndodana yomuntu, uyakubona lokhu? Uzokubona izinto ezinyenyisako nezithusako ukudlula lezi.”+ 16 Nje-ke wangingenisa esirhodlweni esiphakathi sendlu kaJehova.+ Ebungenweni bethempeli lakaJehova hlangana nethuri ne-aldara, bekumadoda angaba ma-25 afulathele ithempeli lakaJehova begodu ubuso bawo bebuqale epumalanga; bebakhothamele ilanga epumalanga.+

17 Wathi kimi: “Ndodana yomuntu, uyakubona lokhu? Kghani yinto encani bona indlu yakwaJuda yenze izintwezi ezinyenyisako, bona izalise inarha ngenturhu+ begodu iragele phambili nokungizwisa ubuhlungu? Itjhovela ipande* epumulwenami. 18 Ngizokusilingeka. Amehlwami angekhe abazwele ubuhlungu; namkha ngibarhawukele.+ Ngitjho nanyana bangalilela phezulu eendlebeni zami angekhe ngibezwe.”+

9 Nje-ke warhuwelela ngephimbo elikhulu eendlebeni zami, wathi; “Biza labo abazokuletha ukutjhabalalisa edorobheni, ngamunye aphethe isikhali sakhe sokutjhabalalisa esandleni sakhe!”

2 Ngabona amadoda asithandathu avela esangweni eliphezulu+ eliqale etlhagwini, ngayinye iphethe isikhali sayo sokuphahlaza esandleni sayo; hlangana nawo bekunendoda embethe ilineni, iphethe iphondo eline-enke lakanobhala edinini layo begodu angena ajama hlanu kwe-aldara lekhopha.+

3 Nje-ke iphazimulo kaZimu ka-Israyeli+ yavuka la beyilele khona phezu kwamakherubhi begodu yaya ebungenweni bomnyango wendlu,+ yathoma ukubiza indoda ebeyimbethe ilineni, edinini layo bekunephondo le-enke lakanobhala. 4 UJehova wathi kiyo; “Ngena edorobheni ngeJerusalema begodu ubeke itshwayo eemphongweni zamadoda abubulako nanghonghoyilako+ ngebanga lazo zoke izinto ezinyenyisako ezenziwa edorobheni.”+

5 Ngezwa atjela abanye athi: “Ngenani ngedorobheni nimlandele begodu nibabethe. Ningavumeli ilihlo lenu libazwele ubuhlungu begodu ningabarhawukeli.+ 6 Kufuze nibulale nitjhabalalise+ woke amaqhegu, amasokana, iintombi, abantwana nabafazi kodwana ningatjhideli kinanyana ngimuphi umuntu onetshwayo.+ Kufuze nithome endawenami ecwengileko.”+ Nje-ke bathoma ngabadala ebebaphambi kwendlu.+ 7 Nje-ke wathi kibo: “Silaphazani indlu begodu nizalise iinrhodlo ngabarhayiliweko.+ Khambani!” Nje-ke bakhamba barhayila abantu ngedorobheni.

8 Kuthe nabasabarhayilako, kwasala mina ngedwa, ngawa ngobuso phasi begodu ngarhuwelela ngathi: “Maye! Kosi ePhakemeko Jehova, inga-kghani uzokutjhabalalisa boke abaseleko bakwa-Israyeli kukulapho uthululela ilaka lakho eJerusalema?”+

9 Nje-ke wathi kimi: “Umtjhapho wendlu yakwa-Israyeli neyakwaJuda mkhulu, mkhulu khulu+ inarha izele ngeengazi+ begodu idorobho lizele ngokukhohlakala.+ Ngombana bathi, ‘uJehova uyitjhiyile inarha le begodu uJehova akasiboni.’+ 10 Nakungimi amehlwami angekhe abazwele ubuhlungu; namkha ngibarhawukele.+ Imiphumela yeendlela zabo ngizoyiletha eenhlokweni zabo.”

11 Nje-ke ngabona indoda imbethe ilineni iphethe iphondo le-enke edinini layo iletha ilizwi, yathi: “Ngenze ngokwendlela ongiyale ngayo.”

10 Njengombana ngiqalile, ngabona ngaphezu komkayi ebewuphezu kweenhloko zamakherubhi okuthileko okunjengelitje lesafire kuvela ngaphezu kwazo, ukuqaleka kwayo bekufana nesihlalo sobukhosi.+ 2 Nje-ke wathi endodeni embethe ilineni:+ “Ngena ngaphakathi kwamavili,+ ngaphasi kwamakherubhi begodu uzalise izandla zakho zombili ngamalahle avuthako+ hlangana namakherubhi begodu uwaphosele phezu kwedorobho.”+ Yeke wangena njengombana ngiqalile.

3 Amakherubhi bewajame ngehlangothini lesidla lendlu lokha indoda nayingenako begodu ilifu lagubuzesa isirhodlo esingaphakathi. 4 Iphazimulo kaJehova+ yakhuphuka ukusuka emakherubhini ukuya ebungenweni bomnyango wendlu, indlu kancanikancani yagubuzeswa lilifu+ begodu isirhodlo besizele ukukhanya kwephazimulo kaJehova. 5 Itjhada lamaphiko wamakherubhi belizwakala esirhodlweni esingaphandle, njengetjhada lakaZimu uMninimandla Woke nakakhulumako.+

6 Nje-ke wayala indoda ebeyimbethe ilineni, wathi: “Thatha umlilo ohlangana namavili, ohlangana namakherubhi” ngemva kwalokho wangena wajama hlanu kwamavili. 7 Nje-ke elinye lamakherubhi lalulela isandla salo eduze nomlilo ebewuhlangana kwamakherubhi.+ Lathatha omunye begodu lawubeka ezandleni zombili zaloyo obekambethe isambatho selineni,+ yena wawuthatha waphumela ngaphandle. 8 Amakherubhi bewanokuthileko okuqaleka njengezandla zomuntu ngaphasi kwamaphikwawo.+

9 Njengombana ngiqalile, ngabona amavili amane hlanu kwamakherubhi, ivili linye belihlanu kwekherubhi ngalinye begodu amavili bewaqaleka njengokuphazima kwelitje lekhrisolithe.+ 10 Indlela ebewaqaleka ngayo, womane bewafana, bewaqaleka ngathi livili ngaphakathi kwelinye ivili. 11 Nakakhambako bekangaya nanyana kukuphi eengcenyeni ezine ngaphandle kokujika begodu bekangaya nanyana kukuphi lapho ihloko iya khona ngaphandle kokujika. 12 Imizimbazo yoke, imihlanazo, izandla zazo, amaphikwazo namavili, nawo woke amavilazo womane, bewazele amehlo yoke indawo.+ 13 Malungana namavili, ngezwa ilizwi eliwabizako, “Msebenzi wamavili!”

14 Ngalinye* belinobuso obune. Ubuso bokuthoma bekububuso bekherubhi, ubuso besibili bekububuso bomuntu, ubuso besithathu bekububuso bebhubezi begodu ubuso bobune bekububuso bekhozi.+

15 Amakherubhi bewaphakama, bewazimbunjwa eziphilako engazibona emlanjeni iKebari,+ 16 Bekuthi lokha amakherubhi nawakhambako, amavili nawo bewakhamba hlanu kwawo; lokha amakherubhi nawaphakamisa amaphikwawo bona abe ngaphezu kwephasi, amavili bewangajiki namkha atjhide hlanu kwawo.+ 17 Nazijamako, nawo bewajama; naziphakamako bewasikima kunye nazo ngombana ummoya ebewusembunjweni eziphilako bewunazo.

18 Nje-ke iphazimulo kaJehova+ yasuka ebungenweni bomnyango wendlu begodu yajama phezu kwamakherubhi.+ 19 Amakherubhi aphakamisa amaphikwawo begodu aphakama ephasini njengombana ngiqalile. Amavili bewahlanu kwawo lokha nawasukako. Ajama ebungenweni besango lendlu kaJehova begodu iphazimulo kaZimu ka-Israyeli beyiphezu kwawo.+

20 Bekazimbunjwa eziphilako engizibone ngaphasi kwakaZimu ka-Israyeli emlanjeni iKebari,+ ngabona lapho ukuthi makherubhi. 21 Womane njalo bewanobuso obune, amaphiko amane nokuthileko okuqaleka njengezandla zomuntu ngaphasi kwamaphikwawo.+ 22 Begodu ukuqaleka kobuso bawo bebunjengobuso engabubona hlanu komlambo iKebari.+ Woke bewakhamba anqophe.+

11 Ummoya wangiphakamisa, wangisa esangweni elingepumalanga lendlu kaJehova, isango eliqale epumalanga.+ Lapho ebungenweni besango ngabona amadoda ama-25 begodu hlangana nawo bekunoJazaniya indodana ka-Azuri noPhelathiya indodana kaBhenaya, amakhosana wabantu.+ 2 Yeke wathi kimi: “Ndodana yomuntu, la madoda aluka amano akhohlakeleko begodu anikela iinyeleliso ezimbi edorobheneli.* 3 Bathi, ‘Lesi akusisikhathi sokwakha izindlu na?+ Idorobho* liyipoto* yokupheka+ begodu thina siyinyama.’

4 “Yeke phorofida ngokujamelene nabo. Phorofida ndodana yomuntu.”+

5 Nje-ke ummoya kaJehova weza phezu kwami+ wathi kimi: “Ithi, ‘Nakhu uJehova akutjhoko: “Okutjhwileko kuliqiniso, maye! Ndlu ka-Israyeli begodu ngiyakwazi okucabangako. 6 Ubangele abanengi bona bahlongakale edorobheneli begodu uzalise iindlela zalo ngokufa.”’”+ 7 Nje-ke nakhu iKosi ePhakemeko uJehova ekutjhoko: ‘Iindumbu ozirhatjhe edorobheni ziyinyama begodu idorobho liyipoto yokupheka.+ Kodwana nina ngokwenu nizokukhutjhwa kilo.’”

8 “‘Isabula ebeniyisaba,+ yisabula engizoyiletha ngokujamelene nani,’ kutjho iKosi ePhakemeko uJehova. 9 ‘Ngizonikhupha kilo, ngininikele esandleni sabantu abavela kwenye inarha begodu nginijezise.+ 10 Nizokuwa ngesabula.+ Ngizonijezisela emkhawulweni wakwa-Israyeli+ begodu kuzokufuze nazi ukuthi nginguJehova.+ 11 Idorobho angekhe libe yipotwenu yokupheka begodu angekhe nibe yinyama ngaphakathi kwayo; ngizonijezisela emkhawuleni wakwa-Israyeli, 12 Kuzokufuze nazi bona nginguJehova. Ngombana akhenge nikhambe ngokweenqophiso zami begodu akhenge nenze ngokwezahlulelo zami+ kodwana nenze njengeentjhaba ezinibhodileko.’”+

13 Ngemva kokobana ngiphorofidile, uPhelathiya indodana kaBhenaya wahlongakala begodu ngakhothama ngahloma ihloko phasi, ngarhuwelela ngephimbo elikhulu ngathi: “Maye! Kosi ePhakemeko Jehova! Inga-kghani uzokuqeda abaseleko bakwa-Israyeli?”+

14 Ilizwi lakaJehova lafika kimi godu, lathi: 15 “Ndodana yomuntu, abafowenu, abanelungelo lokukuthenga, kuhlanganise nayo yoke indlu yakwa-Israyeli, batjelwe zizakhamuzi zeJerusalema ukuthi, ‘Khambelani kude noJehova. Inarha ngeyethu; inikelwe thina bona ibe ngeyethu.’ 16 Nje-ke ithi, ‘Nakhu iKosi ePhakemeko uJehova ekutjhoko: “Ngitjho nanyana ngibasuse kude hlangana neentjhaba begodu ngibarhatjhele hlangana neenarha,+ ngombana kwesikhatjhana ngizokuba yindawo ecwengileko kibo eenarheni abaye kizo.”’+

17 “Nje-ke ithi, ‘nakhu iKosi ePhakemeko uJehova ekutjhoko: “Ngizonibuthelela eentjhabeni nginihlanganise eenarheni enirhatjhekele kizo begodu ngizoninikela inarha yakwa-Israyeli.+ 18 Bazokubuyela lapho basuse zoke izinto ezinyenyisako nemikghwa enyenyisako.+ 19 Ngizobanikela ihliziyo yinye,+ ngizobafakela ummoya omutjha;+ ngizokususa ihliziyo yelitje emizimbenabo,+ ngibanikele ihliziyo yenyama,*+ 20 bona bakhambe ngemithethwami begodu balandele izahlulelo zami begodu bazilalele. Ngemva kwalokho, bazokuba babantu bami, ngizokuba nguZimabo.”’

21 Kodwana labo iinhliziyo zabo eziragela phambili zenza izinto ezinyenyisako nemikghwa enyenyisako, ngizokuletha imiphumela yezenzo zabo phezu kweenhloko zabo,” kutjho iKosi ePhakemeko uJehova.’”

22 Amakherubhi aphakamisa amaphikwawo, amavili bekaseduze nawo+ begodu iphazimulo kaZimu ka-Israyeli beyingaphezu kwawo.+ 23 Nje-ke iphazimulo kaJehova+ yasuka edorobheni, yajama phezu kwentaba esepumalanga yedorobho.+ 24 Ummoya wangiphakamisa, ngombono wommoya kaZimu, wangisa ebantwini abadingisiweko eKhaledi.* Yeke umbono engiwubonileko wangitjhiya. 25 Ngatjela abantu abadingisiweko zoke izinto uJehova angitjengise zona.

12 Ilizwi lakaJehova lafika kimi godu, lathi: 2 “Ndodana yomuntu uhlala endlini ehlubukako, banamehlo wokubona kodwana ababoni, baneendlebe zokuzwa kodwana abezwa+ ngombana bayindlu evukelako.+ 3 Nakunguwe, ndodana yomuntu, zilungiselele umthwalo wokuya ekudingisweni. Nje-ke kwenze lokhu emini baqalile, kufuze uye ekudingisweni. Tjhinga ekudingisweni usuka lapho uhlala khona uye kwenye indawo baqalile. Mhlamunye bazokubona ngitjho nanyana bayindlu ehlubukako. 4 Khupha umthwalwakho owupakileko wokuya ekudingisweni emini baqalile, bese kuthi entambama baqalile kufuze ukhambe njengomuntu oyiswa ekudingisweni.+

5 “Njengombana baqalile, thumbusa imbobo ebodeni, ukhuphe umthwalwakho ngayo.+ 6 Njengombana baqalile, beka umthwalwakho emahlombakho begodu uwuthwale uphumele nawo ebumnyameni. Gubuzesa ubuso bakho ukuthi ungaboni phasi, ngombana ngikwenza itshwayo endlini ka-Israyeli.”+

7 Ngenza njengombana ngiyaliwe. Emini ngakhupha umthwalwami njengomthwalo wokuya ekudingisweni, entambama ngathumbusa imbobo ebodeni ngesandla sami, nasele kumnyama, ngakhupha umthwalwami ngawuthwala emahlombe phambi kwamehlwabo.

8 Ekuseni ilizwi lakaJehova lafika kimi godu, lathi: 9 “Ndodana yomuntu, kghani indlu ka-Israyeli, indlu ehlubukako, akhenge ikubuze ithi, ‘Wenzani?’ 10 Batjele ukuthi, ‘Nakhu iKosi ePhakemeko uJehova ekutjhoko: “Isimemezelwesi simalungana nekosana+ eJerusalema nayo yoke indlu ka-Israyeli edorobheni.”

11 “Ithi, ‘Ngilitshwayo kini.+ Njengombana ngenzile, ngilokho okuzokwenziwa kibo. Bazokuya ekudingisweni, ekuthunjweni.+ 12 Ikosana ephakathi kwabo izokuthwala umthwalwayo emahlombenayo begodu ikhambe ebumnyameni. Izokuthumbusa imbobo ebodeni begodu izokukhupha umthwalwayo ngayo.+ Izokugubuzesa ubuso bayo ukuthi ingaboni phasi.’ 13 Ngizokuphosela inedami phezu kwayo begodu izokubanjwa yinedami yokuzuma.+ Ngemva kwalokho ngizoyiletha eBhabhiloni enarheni yamaKhaledi* kodwana angekhe iyibone begodu izokufela lapho.+ 14 Boke abambhodileko, abasizi bakhe, amasotjakhe ngizobarhatjhela kiyo yoke indawo+ begodu ngizokukhupha isabula ngibagijimise ngayo.+ 15 Kuzokufuze bazi ukuthi nginguJehova nangibarhatjhela hlangana neentjhaba begodu ngibarhatjhela hlangana neenarha. 16 Kodwana ngizokusindisa abambalwa esabuleni, endlaleni nesibethweni bona babatjele ngazo zoke izenzo zabo ezinyenyisako hlangana neentjhaba abazokuya kizo; kuzokufuze bazi ukuthi nginguJehova.”

17 Ilizwi lakaJehova lafika kimi godu, lathi: 18 “Ndodana yomuntu, kufuze udle uburotho bakho ngokuhlengezela begodu usele amanzakho ngokutshwenyeka okukhulu nangokugandeleleka.+ 19 Ithi ebantwini benarheni, ‘Nakhu iKosi ePhakemeko uJehova ekutjhoko ezakhamuzini zeJerusalema enarheni yakwa-Israyeli: “Bazokudla uburotho ngokugandeleleka begodu basele amanzabo ngokusaba, ngombana inarhabo izokutjhatjalaliswa ngokupheleleko+ ngebanga lenturhu yalabo abahlala kiyo.+ 20 Izakhamuzi zemadorobheni zizokutjhatjalaliswa begodu inarha izokutjhiywa inganamuntu;+ kuzokufuze nazi ukuthi nginguJehova.”’”+

21 Ilizwi lakaJehova lafika kimi godu, lathi: 22 “Ndodana yomuntu, ngisiphi isaga eninaso kwa-Israyeli esithi, ‘Amalanga ayadlula begodu yoke imibono iba lilize’?+ 23 Nje-ke ithi kibo, ‘Nakhu iKosi ePhakemeko uJehova ekutjhoko: “Ngizokubangela bona isitjhwesi siphele begodu angekhe basasisebenzisa njengesaga kwa-Israyeli.”’ Kodwana batjele ukuthi, ‘Amalanga atjhidele+ begodu yoke imibono izokwenzeka.’ 24 Ngombana angekhe kusaba khona imibono emamala namkha ukuthukula okuyikohliso endlini yakwa-Israyeli.+ 25 ‘“Ngombana, mina Jehova, ngizokukhuluma. Nanyana ngiliphi ilizwi engilikhulumako lizokwenzeka ngaphandle kokuriyada.+ Emalangenakho,+ maye! Ndlu evukelako, ngizokukhuluma ilizwi begodu ngilizalise,” kutjho iKosi ePhakemeko uJehova.’”

26 Ilizwi lakaJehova lafika kimi godu, lathi: 27 “Ndodana yomuntu, nakhu abantu* bakwa-Israyeli abakutjhoko, ‘Imibono oyibonako ingeyeminyaka eminengi ezako, begodu izinto ophorofida ngazo zingezesikhathi eside.’+ 28 Nje-ke ithi kibo, ‘Nakhu iKosi ePhakemeko uJehova ekutjhoko: “‘Alikho nalinye lamezwami elizokuriyada; nanyana yini engiyitjhoko izokwenzeka,’ kutjho iKosi ePhakemeko uJehova.”’”

13 Ilizwi lakaJehova lafika kimi godu, lathi: 2 “Ndodana yomuntu, phorofida ngokujamelene nabaphorofidi bakwa-Israyeli+ begodu uthi kilabo abazithomela iimphorofido zabo,+ ‘Lalelani ilizwi lakaJehova. 3 Nakhu iKosi ePhakemeko uJehova ekutjhoko: “Maye! Ebaphorofidini abaziindlhadlha, abalandela iinhliziyo zabo, lokha nabangakaboni litho!+ 4 Maye! Israyeli abaphorofidi bakho babe njengeempungutjha hlangana namarubhi. 5 Angekhe niye eendaweni eziphukileko emabodeni wamatje bona niwavuselelele indlu ka-Israyeli,+ ukuthi u-Israyeli aragele phambili ajamile epini ngelanga lakaJehova.”+ 6 “Babone imibono yamala begodu babikezela amala, labo abathi, ‘Leli lilizwi lakaJehova,’ kukulapho uJehova angakhenge abathumele begodu balindele bona ilizwi labo lizaliseke.+ 7 Kghani akusimbono omamala eniwubonileko, namala eniwabikezeleko nanithi, ‘Ilizwi lakaJehova lithi,’ lokha ngingakatjho litho?”’   

8 “‘Nje-ke nakhu iKosi ePhakemeko uJehova ekutjhoko: “‘Ngombana nikhulume amala begodu imibonwenu imamala, ngijamelene nani,’ kutjho iKosi ePhakemeko uJehova.”+ 9 Isandla sami sijamelene nabaphorofidi, imibonwabo emamala begodu babikezela amala.+ Angekhe babe hlangana nabantu engibathembako; angekhe batloliswe encwadini yakwa-Israyeli; angekhe babuyele enarheni yakwa-Israyeli begodu kuzokufuze nazi ukuthi ngiyiKosi ePhakemeko uJehova.+ 10 Koke lokhu kwenzeke ngebanga lokuthi badurhise abantu bami nabathi, “Kunokuthula!” Kukulapho kunganakuthula.+ Lokha nakwakhiwa iboda elingakaqini lokuhlukanisa, balipenda ngepende emhlophe.’*+

11 “Tjela labo abapenda iboda ngepende emhlophe ukuthi lizokuwa. Kuzokuza izulu elina ngamandla, isinanja nesiwuruwuru esikhulu sizoligiriza.+ 12 Iboda naliwako bazokuthi, ‘Kusize ngani ukulipenda kwenu’?+

13 Nakhu iKosi ePhakemeko uJehova ekutjhoko: ‘Ngizokubangela isiwuruwuru esinamandla ngebanga lelaka lami, izulu elina ngamandla ngebanga lokusilingeka kwami nesinanja ngelaka elitjhabalalisako. 14 Ngizokugiriza iboda enilipende ngepende emhlophe begodu lizokuwa nesisekelo salo sizokubonakala. Lokha idorobho naliwako nizokutjhatjalaliswa kilo; kuzokufuze nazi ukuthi nginguJehova.’

15 “Lokha nangikhupha ilaka lami ngokupheleleko phezu kweboda naphezu kwalabo abalipende ngepende emhlophe, ngizokuthi kini: “Iboda alisekho nalabo abalipendileko abasekho.+ 16 Abaphorofidi bakwa-Israyeli abasekho, labo abaphorofide ngeJerusalema nababone imibono yokuthula kilo, kukulapho kunganakuthula,”’+ kutjho iKosi ePhakemeko uJehova.

17 “Nakunguwe ndodana yomuntu, qala amadodakazi wekhenu azithomele iimphorofido zawo, begodu uphorofide ngokujamelene nawo. 18 Uthi kiwo, nakhu iKosi ePhakemeko uJehova ekutjhoko: “Maye! Ebafazini abathunge iinthukulo zayo yoke imikhono* nabenza amatjhila athwalwa ehloko weenlinganiso zoke bona azume ukuphila kwabantu! Inga-kghani nizuma ukuphila kwabantu bami begodu nilinga ukusindisa ukuphila kwenu? 19 Kghani nizongisilaphaza hlangana nabantu bami ngebanga lebhali elincani nangebanga leensalela zoburotho,+ ngokubulala labo ekufuze bangafi nangokulisa labo ekufuze bangaphili baphila, nenza njalo ngokukhuluma amala ebantwini bami, abalalela amalenu?”’+

20 Nakhu iKosi ePhakemeko uJehova ekutjhoko: ‘Qalani ngijamelene neenthukulo zenu, Maye! Nina bafazi, enizisebenzisela ukuthiya abantu ngasuthi nithiya iinyoni begodu ngizozirathula emikhonwenenu ngitjhaphulule labo enibazuma njeengenyoni. 21 Ngizokurathula namatjhilenu wokugubuzesa ubuso, ngisindise nabantu bami ezandleni zenu, angekhe basaba yinto eniyibambako nanizumako; kuzokufuze nazi ukuthi nginguJehova.+ 22 Ngombana niqede olungileko amandla ngamalenu+ lokha nanimbangela ukugandeleleka, nizwise umuntu olungileko ubuhlungu lokha mina ngingafuni ezwe ubuhlungu begodu niqinise izandla zokhohlakeleko,+ bona angaphenduki endlelenakhe embi begodu ahlale aphila.+ 23 Nje-ke, nina bafazi angekhe nisabona imibono emamala nezenzo zokuthukula;+ ngizokusindisa abantu bami ezandleni zenu, kuzokufuze nazi ukuthi nginguJehova.’”

14 Abanye abadala bakwa-Israyeli beza bahlala phambi kwami.+ 2 Nje-ke ilizwi lakaJehova lafika kimi, lathi: 3 “Ndodana yomuntu, amadoda la azimisele ukulandela iinthombe zawo ezinyenyisako,* abeke iinqabo bona abantu bone. Kghani kufuze ngibavumele babuze kimi?+ 4 Nje-ke khuluma nabo, ubatjele ukuthi, ‘Nakhu iKosi ePhakemeko uJehova ekutjhoko: “Nange umIsrayeli azimisele ukulandela iinthombe zakhe ezinyenyisako, abeke isiqabo esibangela ukuthi abantu bami bone begodu eze azokubuza umphorofidi, mina Jehova, ngizomphendula ngokufaneleko ngokweenthombe zakhe ezinengi ezinyenyisako. 5 Ngombana ngizokubangela ukusaba eenhliziyweni zendlu ka-Israyeli ngombana boke basukile kimi begodu balandela iinthombe zabo ezinyenyisako.”’+

6 “Nje-ke tjela indlu ka-Israyeli uthi, ‘Nakhu iKosi ePhakemeko uJehova ekutjhoko: “Buyani phendukani eenthombeni zenu ezinyenyisako fulathelisani ubuso benu kizo zoke izenzo zenu ezinyenyisako.+ 7 Ngombana nange umIsrayeli namkha isakhamuzi esivela kwenye inarha esihlala kwa-Israyeli sizihlukanisa nami begodu sizimisele ukulandela iinthombe zaso ezinyenyisako besibeke isiqabo esibangela ukuthi abantu bone bese sizokubuza umphorofidi,+ mina Jehova ngizosiphendula. 8 Ngizokujamelana nomuntu loyo ngimenze itshwayo lesiyeleliso nesaga, ngizomsusa hlangana nabantu bami+ begodu kuzokufuze nazi ukuthi nginguJehova.”’

9 Nangabe umphorofidi ukhohlisiwe begodu aphendule, mina Jehova, ngimi omkhohlisileko umphorofidi loyo.+ Ngizokulula isandla sami ngokujamelene naye ngimrhayile ebantwini bami u-Israyeli. 10 Kuzokufuze bathwale umlandwabo; umlandu wobuzako uzokufana nomlandu womphorofidi, 11 bona indlu ka-Israyeli ilise ukukhambela kude nami begodu ilise ukuzisilaphaza ngayo yoke imilandwayo. Izokuba babantu bami, ngizokuba nguZimabo,’+ kutjho iKosi ePhakemeko uJehova.”

12 Ilizwi lakaJehova lafika kimi godu, lathi: 13 “Ndodana yomuntu, nange inarha yona ngokujamelene nami ngokungathembeki, ngizokulula isandla sami ngokujamelene nayo ngitjhabalalise isabelo sayo sokudla+ begodu ngizokuthumela indlala kiyo+ ngizokususa umuntu nesilwana kiyo.”+ 14 “‘Ngitjho nanyana amadoda amathathu la, uNowa,+ uDanyela+ noJobho+ bebaphakathi kwayo, bebazozisindisa bona kwaphela ngebanga lokulunga kwabo,’+ kutjho iKosi ePhakemeko uJehova.”

15 “‘Namkha akhesithi ngenza iimbandana zommango eziyingozi zidlule phakathi kwenarha, zirhayile abantu bayo begodu ziyenze inarha enganalitho, okunganamuntu odlula kiyo ngebanga leembandana.+ 16 Nangisaphilako,’ kutjho iKosi ePhakemeko uJehova, ‘ngitjho nanyana amadoda amathathu la bekaphakathi kwayo bengeze asindise amadodanawo namadodakazawo, bekazozisindisa wona kwaphela begodu inarha beyizokusala inganamuntu.’”

17 “‘Namkha, akhesithi ngiletha isabula ngokujamelene nenarha+ bese ngithi: “Isabula ayidlule hlangana nenarha,” begodu isuse kiyo umuntu nesilwana,+ 18 ngitjho nanyana amadoda amathathu la bekakiyo, nangisaphilako,’ kutjho iKosi ePhakemeko uJehova, ‘bekangekhe asindise amadodanawo namadodakazawo; bekazozisindisa wona kwaphela.’”

19 “‘Namkha, akhesithi ngithumela isifo esibulalako enarheni leyo+ begodu ngithululela ilaka lami kiyo ngokuphalazwa kweengazi bona ngisuse umuntu nesilwana kiyo, 20 ngitjho nanyana uNowa,+ uDanyela+ noJobho+ bebakiyo, nangisaphilako,’ kutjho iKosi ePhakemeko uJehova, ‘bebangekhe basindisa amadodanabo namadodakazabo; bebazozisindisa bona kwaphela ngebanga lokulunga kwabo.’”+

21 “Ngombana nakhu iKosi ePhakemeko uJehova ekutjhoko: ‘Kuzokuba njalo nangithumela iinjeziso zami ezine,+ isabula, indlala, isibandana esilimazako nesifo esibulalako,+ ngokujamelene neJerusalema bona ngisuse umuntu nesibandana kiyo.+ 22 Nanyana kunjalo, abanye abasele kiyo bazokuphunyurha begodu bakhutjhwe kilo,+ amadodana namadodakazi. Bayeza kini begodu nanibona iindlela zabo nezenzo zabo, nakanjani nizokududuzeka ngehlekelele engiyilethe eJerusalema, naphezu kwakho koke engikwenze kiyo.’”

23 “‘Bazoniduduza nanibona iindlela zabo nezenzo zabo, nizokwazi ukuthi lokhu engikwenze kilo angikakwenzi ngaphandle kwesizathu ngenze ebekufanele ngikwenze kilo,’+ kutjho iKosi ePhakemeko uJehova.”

15 Ilizwi lakaJehova lafika kimi godu, lathi: 2 “Ndodana yomuntu, kuza njani bona isigodo sesidiribe simadaniswe nesomunye umuthi namkha ipande evela emithini yehlathini? 3 Kghani kungenzeka na bona ipala elisuka kiso lenze umsebenzi? Namkha inga-kghani abantu bangenza ngaso into yokuneka izinto? 4 Qala! Siphoselwa emlilweni bona sivuthise begodu umlilo usitjhisa ngapha nangapha emahlangothini womabili begodu usithungele ngaphakathi. Inga-kghani nje sesilungele nanyana ngimuphi umsebenzi? 5 Ngitjho nalokha nasipheleleko bengeze sasetjenziselwa litho. Kangangani-ke nasele sitjhisiwe begodu sathungelwa mlilo!”

6 Nje-ke nakhu iKosi ePhakemeko uJehova ekutjhoko: ‘Njengeengodo zesidiribe hlangana nemithi yehlathini, engininikele zona bona zivuthise umlilo, ngizokusebenzelana njalo-ke nezakhamuzi zeJerusalema.+ 7 Ngizokujamelana nabo. Baphunyurhile emlilweni kodwana umlilo uzobarhiribidela. Kuzofuze nazi ukuthi nginguJehova nangijamelana nabo.”’+

8 “‘Ngizokwenza inarha bona ingabi nalitho+ ngebanga lokuthi benze ngokungathembeki,+ kutjho iKosi ePhakemeko uJehova.”

16 Ilizwi lakaJehova lafika kimi godu, lathi: 2 “Ndodana yomuntu, tjela iJerusalema ngezenzo zalo ezinyenyisako.+ 3 Kufuze uthi, ‘Nakhu iKosi ePhakemeko uJehova ekutjhoko eJerusalema: “Indabukwakho nendawo owabelethelwa kiyo bekuyinarha yamaKanana. Ubabakho bekamAmori+ begodu ummakho amRhiti.+ 4 Malungana nokubelethwa kwakho, ngelanga owabelethwa ngalo, inongwakho akhenge isikwe, akhenge uhlanjiswe emanzini bona uhlwengeke, akhenge uhlikihlwe ngetswayi, akhenge uphuthelwe ngamatjhila. 5 Akekho umuntu owakuzwelako bona akwenze izintwezi. Akekho umuntu owakurhawukelako. Kunalokho, walahlelwa etatawini elivulekileko ngombana wahloywa ngelanga owabelethwa ngalo.

6 “‘“Kuthe nangidlulako, ngakubona urarhararha eengazini zakho begodu ulele lapho eengazini zakho, ngathi: ‘Ragela phambili uphila!’ Yeke ngathi kuwe ulele eengazini zakhwezo: ‘Ragela phambili uphila!’ 7 Ngakwenza waba sitjhaba esikhulu, njengeentjalo ezitlhurha esimini, wakhula wadlondlobala begodu wazikghabisa ngezinto zezinga eliphezulu. Amabelakho bewaqinile neenhluthu zakho zakhula; kodwana bewusesehlubule.”’

8 “‘Nangidlulako begodu nangikubonako, ngatjheja ukuthi ukhule ngokwaneleko bona usome. Nje-ke nganabisela isambatho sami phezu kwakho,+ ngagubuzesa ubuhlubule bakho ngenza isifungo bengangena esivumelwaneni nawe,’ kutjho iKosi ePhakemeko uJehova, ‘begodu ube ngowami. 9 Ukungezelela kilokho, ngakuhlambisa ngamanzi begodu ngapula iingazi zakho ngakuzesa ngamafutha.+ 10 Ngikumbathise ngesambatho esinomthungo ohlotjisiweko ngakunikela amapatlagwana wesikhumba sezinga eliphezulu ngakuphuthela ngelineni lezinga eliphezulu, ngakumbathisa izambatho ezidurako. 11 Ngikumbathise imikghabiso ngakufaka imihlobiso yezandleni ngakufaka nemigejiso entanyenakho. 12 Ngibuye ngakufaka icici epumulweni ngakufaka amacici eendlebeni begodu ngakufaka isihlohlo esihle ehlokwenakho. 13 Bewusolo uzihlobisa ngegolide nesiliva begodu umbatha ilineli lezinga eliphezulu nepahla edurako, nesambatho esinomthungo wokuhlobisa. Bewudla iflowuru esefiweko, iliju namafutha, waba muhle khulu,+ wafanelekela ukuba yindlovukazi.’”

14 “‘Idumo* lakho lathoma ukwaziwa hlangana neentjhaba+ ngebanga lobuhle bakho, ube muhle khulu ngebanga lephazimulo engiyibeke phezu kwakho,’+ kutjho iKosi ePhakemeko uJehova.”

15 “‘Kodwana wathoma ukuthembela ebuhleni bakho,+ waba yingwadla ngebanga ledumo lakho.+ Ungwadle khulu nabo boke abantu abadlulako+ begodu ubuhle bakho wabunikela bona. 16 Uthethe ezinye zezambatho zakho wenza iindawo eziphakemeko zemibalabala lapho ungwadlela khona,+ izintwezi akukafuzi zenzeke. 17 Ubuye wathatha izinto zakho ezihle zokuzihlobisa ezenziwe ngegolide nesiliva ebengikunikele zona wazenzela iinthombe zamadoda* begodu wangwadla nazo.+ 18 Uthethe izambatho zakho ezinomthungo wokuhlobisa begodu wazigubuzesa ngazo,* wazinikela amafuthami nepephwami.+ 19 Uburotho engikunikela bona obenziwe ngeflowuru esefiweko, amafutha neliju engikunikele zona ukuthi uzidle nazo wanikela ngazo njengephunga elimnandi.+ Ngilokho okwenzeka,’ kutjho iKosi ePhakemeko uJehova.”

20 “‘Uthethe amadodanakho namadodakazakho ongibelethele wona,+ wanikela ngawo eenthombenezi bona ziwarhiribidele,+ kghani awukaneliswa bungwadla obenzileko bekube nje? 21 Uhlahlele amadodanami, wawenza aba mhlatjelo.*+ 22 Lokha nawenza yoke imikghwakho enyenyisako nezenzo zobungwadla, akhenge ukhumbule amalanga wobutjha bakho lokha nawuhlubule begodu ubulanzi, urarhararha eengazini zakho. 23 Ngemva kwakho koke ukukhohlakala kwakho, maye! Maye! Kuwe,’+ kutjho iKosi ePhakemeko uJehova. 24 ‘Uzakhele indunduma begodu wazenzela indawo ephakemeko kiwo woke amatatawu. 25 Uzakhele iindawo eziphakemeko eendaweni ezidume khulu kizo zoke iindlela begodu uphendule ubuhle bakho baba yinto enyenyisako, ngokuzinikela kiwo woke umuntu odlulako,+ wandisa nezenzo zakho zobungwadla.+ 26 Ungwadle namadodana weGibhide,+ abomakhelwana bakho abanekanuko, wangizwisa ubuhlungu ngezenzo zakho ezinengi zobungwadla. 27 Nje-ke ngizokulula isandla sami ngikujezise begodu ngizokuphungula isabelo sakho sokudla+ ngikunikele eenkanukweni zabafazi abakuhloyako,+ amadodakazi wabaFilista, ebebathuswe zizenzo zakho ezinyenyisako.+

28 “‘Ngombana akhenge waneliseke, ngemva kwalokho ungwadle namadodana we-Asiriya,+ kodwana ngemva kokungwadla nawo, nalapho akhenge waneliseke. 29 Nje-ke wandise ubungwadla bakho enarheni yabathengisi* nakumaKhaledi*+ kodwana nalapho akhenge waneliseke. 30 Qala bona ihliziywakho beyibuthathaka kangangani,* kutjho iKosi ePhakemeko uJehova, ‘nawenza zoke izintwezi, bewuziphatha njengengwadla engananhloni!+ 31 Lokha nawakha indundumakho endaweni edume khulu eendleleni zoke begodu nawenza indawakho ephakemeko kiwo woke amatatawu, bewungafani nengwadla, ngombana wale ukubhadelwa. 32 Umfazi ofebako othatha abantu abangaziwako kunokuthatha indodakhe!+ 33 Abantu banikela zoke iingwadla izipho+ kodwana wena nguwe onikela boke abakukhanukelako izipho,+ uyabafumbathisa bona beze kuwe bavela kizo zoke iindawo bona kungwadlwe.+ 34 Wena awufani nabanye abafazi abangwadlako. Akekho ongwadla ngendlela ongwadla ngayo! Ubhadela abanye, esikhundleni sokuthi babhadele wena. Indlelakho ihlukile.’

35 “Nje-ke maye! Ngwadla,+ yizwa ilizwi lakaJehova. 36 Nakhu iKosi ePhakemeko uJehova ekutjhoko: ‘Ngombana ikanukwakho ikghuthuliwe, ubulanzi bakho bembuliwe ngesikhathi sobungwadla bakho neenthandwa zakho nangazo zoke izinto neenthombe zakho ezinyenyisako*+ onikele kizo ngeengazi zamadodanakho,+ 37 Nje-ke ngibuthelela zoke iinthandwa ozithabisileko, boke obathandileko nabo boke obahloyileko. Ngizobabuthelela ndawonye ngokujamelene nawe bavela kizo zoke iindawo, ngizokwembula ubuhlubule bakho kibo begodu bazokubona uhlubule.+

38 “‘Ngizokujezisa ngezahlulelo ezifanele abafebako+ nabafazi abaphalaza iingazi+ begodu iingazi zakho zizokuphalaka ngelaka nomona.+ 39 Ngizokunikela ezandleni zabo, bazokugiriza iindunduma zakho neendawo zakho eziphakemeko zizokugirizwa;+ bazokuhlubulisa izambatho zakho,+ bathathe izinto zakho zokuzikghabisa ezihle+ bakutjhiye uhlubule begodu wembuliwe. 40 Bazokuletha isiqubuthu ngokujamelene nawe,+ sizokukghadlha ngamatje+ begodu sizokurhayila ngeensabula zaso.+ 41 Bazokutjhisa izindlu zakho ngomlilo+ begodu bakhuphe isahlulelo kuwe phambi kwamehlo wabafazi abanengi; ngizokuqeda ubungwadla bakho+ begodu angekhe usabhadela ubungwadla. 42 Ngizokwanelisa ilaka lami ngokujamelene nawe,+ ukusilingeka kwami kuzokusuka kuwe,+ ngizokwehlisa ummoya begodu angekhe ngisezwa ubuhlungu.’

43 “‘Ngombana akhenge ukhumbule amalanga wobutjha bakho+ begodu ungisilingile ngokwenza zoke izintwezi, nje ngizokuletha imiphumela yezenzo zakho ehlokwenakho,’ kutjho iKosi ePhakemeko uJehova, ‘angekhe usaziphatha ngokuhlazisako nangazo zoke izenzo zakho ezinyenyisako.

44 “‘Qala boke abantu abasebenzisa izaga bazokusebenzisa isagesi kuwe: “Indodakazi ifuze unina!”+ 45 Uyindodakazi kanyoko, onyaze indodakhe nabantwabakhe. Ungudade wabodadwenu, abanyaze amadodabo nabantwababo. Ummakho bekamRhiti begodu ubabakho bekamAmori.’”+

46 “‘Udadwenu omdala yiSamariya,+ ohlala etlhagwinakho* namadodakazakhe*+ begodu udadwenu omncani, ohlala esewulakho,* yiSodoma+ namadodakazakhe.+ 47 Akhenge ukhambe eendleleni zabo nje kwaphela begodu ulandele izenzo zabo ezinyenyisako kodwana ngesikhatjhana nje besele ukhohlakele khulu kikho koke ukuziphatha kwakho ukudlula bona.+ 48 Nangisaphilako,’ kutjho iKosi ePhakemeko uJehova, ‘iSodoma udadwenu namadodakazayo akhenge benze lokho wena namadodakazakho enikwenzileko. 49 Qala nakhu umtjhapho owenziwa yiSodoma udadwenu: Yena namadodakazakhe+ bebazikhakhazisa+ begodu banokudla okunengi+ banokuthula okungapheliko;+ nanyana kunjalo akhenge basekele abezwa ubuhlungu nabatlhagako.+ 50 Bahlala bazikhakhazisa+ begodu benza izenzo ezinyenyisako ngiqalile,+ nje-ke ngakubona kufaneleka ukubasusa.+

51 “‘Ngitjho neSamariya+ akhenge yenze izono ezinengi njengawe. Bewusolo wenza izenzo ezinyenyisako ezinengi ukudlula bona, bekwafikela lapho abodadwenu babonakala balungile ngebanga lazo zoke izenzo zakho ezinyenyisako.+ 52 Kufuze uthwale ihlazo lakho ngombana usekele ukuziphatha kwabodadwenu. Ngebanga lesono sakho sokuziphatha ngendlela enyenyisa khulu ukudlula bona, balunge khulu ukudlula wena. Nje-ke yiba neenhloni begodu uthwale ihlazo lokwenza abodadwenu babonakale balungile.’

53 “‘Ngizokubuthelela abathunjiweko babo, abathunjiweko beSodoma namadodakazayo nabathunjiweko beSamariya namadodakazayo; ngizokubuye ngibuthelele abathunjiweko bakho kunye nabo,+ 54 bona uthwale ihlazo lakho begodu uzokuhlaziseka ngebanga lalokho okwenzileko ngokubaduduza. 55 Abodadwenu, iSodoma namadodakazayo, bazokubuyela ebujamweni babo bakade, iSamariya namadodakazayo izokubuyela ebujamweni bakade begodu wena namadodakazakho nizokubuyela ebujamweni benu bakade.+ 56 ISodoma udadwenu bekungasiyinto ongakhuluma ngayo ngelanga lokuzikhakhazisa kwakho, 57 ngaphambi kobana ukukhohlakala kwakho kwembulwe.+ Nje-ke amadodakazi weSiriya nabomakhelwana bakho bakudelela namadodakazi wamaFilista,+ nabo boke abakubhodileko, bahlekisa ngawe. 58 Uzokuthwala imiphumela yokuziphatha kwakho okuhlazisako nezenzo zakho ezinyenyisako,’ kutjho uJehova.”

59 “Ngombana nakhu iKosi ePhakemeko uJehova ekutjhoko: ‘Ngizokwenza kuwe njengombana wenzile+ ngombana udelele isifungo ngokuphula isivumelwano sami.+ 60 Kodwana mina ngizokukhumbula isivumelwano engasenza nawe emalangeni wobutjha bakho begodu ngizokudzimelelisa isivumelwano nawe ngokungapheliko.+ 61 Uzokukhumbula ukuziphatha kwakho, uzizwe uhlazisekile+ lokha nawamukela abodadwenu, abadala kunawe kuhlanganise nabancani kunawe begodu ngizokunikela bona njengamadodakazi kodwana ingasi ngebanga lesivumelwano sakho.’

62 “‘Kodwana mina ngizokudzimelelisa isivumelwano sami nawe; begodu kuzokufuze wazi ukuthi nginguJehova. 63 Nje-ke uzokukhumbula begodu uzokuba neenhloni khulu ukuvula umlomakho ngebanga lehlazo lakho,+ nangikwenzela umhlatjelo wokulitjalelwa kwezono ngaphezu kwakho koke okwenzileko,’+ kutjho iKosi ePhakemeko uJehova.”

17 Ilizwi lakaJehova lafika kimi godu, lathi: 2 “Ndodana yomuntu, yenza isirarejo begodu utjho isaga ngendlu ka-Israyeli.+ 3 Kufuze utjho lokhu, ‘Nakhu iKosi ePhakemeko uJehova ekutjhoko: “Ikhozi elikhulu,+ elinamaphiko amakhulu, amaphiko amade nazeleko, namaphiko anemibalabala, leza eLibhanoni+ lathatha isitlhori somsedari.+ 4 Laruthula ihlumela eliphezulu laliletha enarheni yabathengisi begodu lalibeka edorobheni labathengisi.*+ 5 Ngemva kwalokho, lathatha enye ingcenye yembewu yenarha.+ Layitjala esimini enothileko. Layitjala njengomuthi womdubi hlanu kwamanzi amanengi. 6 Yatlhurha yaba mumuthi omfitjhani, umuthi wamadiribe onabako+ amakarawo aqale ngaphakathi begodu imirabhawo ikhulela ngaphasi. Waba sidiribe waveza amahlumela begodu wanabisa iimpande zawo.+

7 “‘“Kwaba nelinye ikhozi elikhulu,+ elinamaphiko amakhulu begodu amade.+ Isidiribesi sazimisela ukululela imirabhaso ngakilo, kude nalapha sitjalwe khona begodu sanabisela amakaraso ngakilo bona silithelelele.+ 8 Besele sitjalwe esimini ehle hlanu kwamanzi amanengi, bona siveze iimpande, siveze iinthelo, begodu sibe sidiribe esikhulu.”’+

9 “Ithi, ‘Nakhu iKosi ePhakemeko uJehova ekutjhoko: “Kghani sizokuphumelela? Kghani akunamuntu ozokuruthula imirabhaso+ enze iinthelo zaso zibole begodu enze amahlumelaso atjhwabe?+ Sizokoma kere kangangobana akunamkhono onamandla namkha abantu abanengi abazokutlhogeka bona baruthule imirabhaso. 10 Ngitjho nanyana sitjalwa kabutjha, inga-kghani sizokuphumelela? Angekhe na, some kere nakufika umoya wepumalanga usiphephule? Sizokoma lapha sitjalwe khona, lapha sihlume khona.”’”

11 Ilizwi lakaJehova lafika kimi godu, lathi: 12 “Ngibawa utjele indlu ehlubukako uthi, ‘Kghani aniboni na ukuthi izintwezi zitjho ukuthini?’ Itjele ukuthi, ‘Qalani! Ikosi yeBhabhiloni ize eJerusalema yathatha ikosayo namakhosanayo yabuyela nawo emuva eBhabhiloni.+ 13 Ngaphezu kwalokho, yathatha esinye sesizukulwana sebukhosini+ yenza naso isivumelwano begodu yasifungisa.+ Ngemva kwalokho yathatha amadoda adumileko wenarha,+ 14 bona umbuso wehliswe, ungakghoni ukuphakama, umbuso uzokuhlala ukhona+ kwaphela nange abantu bakwa-Israyeli baphetha isivumelwano. 15 Kodwana emaswapheleni ikosi* yahlubuka kiyo*+ ngokuthumela iinthunywa eGibhide bona ziyokuthatha iinjomani+ nebutho elikhulu kibo.+ Kghani izokuphumelela? Kghani owenza izintwezi uzokuphunyurha esijezisweni? Kghani angasiphula isivumelwano nanyana kunjalo aphunyurhe?’+

16 “‘“Nangisaphilako,” kutjho iKosi* ePhakemeko uJehova, “izokuhlongakalela eBhabhiloni, lapho kuhlala khona ikosi emenze ikosi,* njengombana idelele isifungo sayo yaphula nesivumelwano sayo.+ 17 Ibutho elikhulu namasotja amanengi kaFaro angekhe abe lisizo epini,+ lokha iindunduma zokuvimbezela ziphakanyisiwe kwakhiwa namaboda bona kutjhatjalaliswe ukuphila okunengi. 18 Idelele isifungo yaphula isivumelwano. Ngitjho nanyana ithembisile, izenze zoke izintwezi begodu angekhe iphunyurhe.”’

19 “‘Nakhu iKosi ePhakemeko uJehova ekutjhoko: “Nangisaphilako, ngizoyijezisa ngokudelela isifungo sami+ nokuphula isivumelwano sami. 20 Ngizokuphosela inedami kiyo, izokubanjwa yinedami yokuzuma.+ Ngizoyiletha eBhabhiloni ngiyingenise esahlulelweni ngingene nayo esahlulelweni lapho ngebanga lokungathembeki ekwenzileko ngokujamelene nami.+ 21 Boke ababaleki bamasotjakhe bazokuwa ngesabula, labo abaseleko bazokurhatjhekela mahlangothi woke.+ Kuzokufuze bazi bona mina Jehova ngikhulumile.”’+

22 “‘Nakhu iKosi ePhakemeko uJehova ekutjhoko: “Ngizokuthatha ihlumela phezu komuthi omude womsedari,+ ngilitjale phezu kwamahlumelawo ngizokubeka ihlumela elithambileko,+ mina ngizolitjala endaweni ephakemeko entabeni ephezulu.+ 23 Ngizolitjala entabeni ephakemeko ka-Israyeli; amakaralo azokukhula, athele iinthelo ube mumuthi womsedari omkhulu. Yoke imihlobo yeenyoni izokuphila ngaphasi kwawo ihlale emithunzini wamakarawo. 24 Yoke imithi esimini kuzokufuze yazi bona mina, Jehova, ngigawule umuthi omkhulu ngaphakamisa umuthi ebewuphasi;+ ngomise umuthi ohlaza bengenza umuthi owomileko watlhurha.+ Mina Jehova ngikhulumile begodu ngenzile.”’”

18 Ilizwi lakaJehova lafika kimi godu, lathi: 2 “Sitjho ukuthini isitjho enisitjhoko enarheni yakwa-Israyeli, ‘Abobaba badle amadiribe ababako kodwana madodanabo ababelwako’?+

3 “‘Nangisaphilako,’ kutjho iKosi ePhakemeko uJehova, ‘angekhe nisaphinda nisitjho isitjhwesi kwa-Israyeli. 4 Qalani! Yoke imiphefumulo, ingeyami. Njengombana umphefumulo* kababa ungewami nomphefumulo wendodana, ungewami. Umphefumulo owonako uzokufa.*

5 “‘Akhe sithi umuntu ulungile begodu wenza okulungileko nokuhle. 6 Akadli ukudla okuhlatjelwe iinthombe eentabeni;+ akalotjhi iinthombe ezinyenyisako* zendlu yakwa-Israyeli; akafebi nomfazi kamakhelwana+ namkha aye emabhayini nomma osesikhathini;+ 7 akaphathi kumbi abanye abantu+ kodwana ubuyisela lokho umbolekisi amboleke khona;+ akebeli muntu+ kodwana upha olambileko ukudla kwakhe+ begodu umbathisa ohlubule ngesambatho;+ 8 akabhadelisi ngenzalo namkha enze inzalo ngalabo ababolekako+ kodwana uyakubalekela ukwenza ngokunganabulungiswa;+ ukhupha isahlulelo esilungileko hlangana namadoda amabili;+ 9 uragela phambili akhamba emthethwenami begodu uphetha iinqunto zami zokwahlulela bona enze ngokuthembeka. Umuntu onjalo ulungile begodu nakanjani uzokuhlala aphila,’+ kutjho iKosi ePhakemeko uJehova.

10 Akhesithi uba ngubaba wendodana eyebako+ namkha ebulalako+ namkha eyenza nanyana ngiyiphi yezintwezi 11 (nanyana ubaba angakhenge enze yinye yezintwezi) idla imihlatjelo yeenthombe eentabeni, ifeba nomfazi kamakhelwanayo, 12 iphatha kumbi onganalitho notlhagako,+ iyadlelezela, ayibuyiseli isibambiso, ilotjha iinthombe ezinyenyisako,+ yenza nezenzo ezinyenyisako,+ 13 ibolekisa ngenzalo, ingezelela namakonyana nayibolekisako.+ Nje-ke indodana angekhe iragele phambili iphila. Ngebanga lazo zoke izintwezi ezinyenyisako ezenzileko, izokufa nakanjani. Iingazi zayo zizokuba phezu kwayo.

14 “‘Akhe sithi ubaba unendodana ebona zoke izono ezenziwa nguyise, nanyana izibona ayizenzi izinto ezinjalo. 15 Ayidli ukudla okuhlatjelwe iinthombe eentabeni; ayilotjhi iinthombe ezinyenyisako zendlu yakwa-Israyeli; ayifebi nomfazi kamakhelwana; 16 ayiphathi kumbi abanye abantu; ayithathi okusibambiso; ayebeli muntu; ipha olambileko ukudla kwakhe, yembese ohlubule ngesambatho; 17 Ayigandeleli abatlhagako; ayibolekisi ngenzalo namkha ibhadelise ngenzalo; iphetha iinqunto zami zokwahlulela, ikhamba emthethwenami. Indoda enjalo angekhe ihlongakale ngebanga lomtjhapho kababayo. Nakanjani izokuragela phambili iphila. 18 Ngebanga lokuthi uyise ukhwabanisile, wadlelezela umfowabo, wenza okumbi hlangana nabantu bekhabo, uzokufa ngebanga lomtjhaphwakhe.

19 “‘Kodwana uzokuthi: “Kubayini indodana ingathwali umlandu ngebanga lomtjhapho kayise?” Njengombana indodana yenze okuhle nokulungileko, iyiphethe yoke imithethwami yayenza, nakanjani izokuragela phambili iphila.+ 20 Umphefumulo owonako uzokufa.+ Indodana angekhe ithwale umlandu ngebanga lomtjhapho kayise, ubaba angekhe athwale umlandu ngebanga lendodanakhe. Ukulunga kolungileko kuzokuba phezu kwakhe nobukhohlakali bokhohlakeleko buzokuba phezu kwakhe.+

21 “‘Nange umuntu okhohlakeleko alisa zoke izono azenzileko, aphethe imithethwami, enze okuhle nokulungileko, nakanjani uzokuragela phambili aphila. Angekhe ahlongakale.+ 22 Angekhe ajeziselwe izono azenzileko.+ Uzokuragela phambili aphila ngokwenza okulungileko.’+

23 “‘Kghani ngiyathaba na ngokufa kwabo boke abakhohlakeleko?’+ Kutjho iKosi ePhakemeko uJehova. ‘Kghani angifisi na bona aphenduke eendleleni zakhe aragele phambili aphila?’+

24 “‘Lokha umuntu olungileko nakatjhiya okulungileko enze okumbi, enze zoke izinto ezinyenyisako ezenziwa ngokhohlakeleko, kghani uzokuphila? Zoke izinto ezilungileko azenzileko angekhe zikhunjulwe.+ Ngebanga lokungathembeki kwakhe nesono asenzileko, uzokufa.+

25 “‘Nizokuthi: “Indlela kaJehova ayikalungi.”+ Maye! Ndlu ka-Israyeli. Ngibawa nilalele, kghani yindlelami engakalungi?+ Kghani akusiziindlela zenu ezingakalungi?+

26 “‘Lokha umuntu olungileko nakatjhiya okulungileko enze okumbi, afe ngebanga lezenzo zakhe, uzokufa ngebanga lobumbi bakhe.

27 “‘Nange umuntu okhohlakeleko alisa ukukhohlakala akwenzileko, athome ukwenza okuhle nokulungileko, uzokusindisa ukuphila kwakhe.*+ 28 Lokha nakalemukako, atjhiye zoke izono azenzileko, nakanjani uzokuragela phambili aphila. Angekhe afe.

29 “‘Indlu ka-Israyeli izokuthi: “Indlela kaJehova ayikalungi.” Maye! Ndlu ka-Israyeli.+ Kghani kwamambala iindlela zami azikalungi, kghani akusiziindlela zenu ezingakalungi?’

30 “‘Nje-ke, ngizokwahlulela ngamunye wenu ngokweendlela zakhe,+ maye! Ndlu ka-Israyeli,’ kutjho iKosi ePhakemeko uJehova. ‘Tjhiyani, iye, tjhiyani ngokupheleleko zoke izono zenu, bona zingabi siqabo esiletha umlandu phezu kwenu. 31 Maye! Ndlu ka-Israyeli. Lahlani zoke izono enizenzileko,+ nifune ihliziyo etja nommoya omutjha+ ngombana kubayini kufuze nife?’+

32 “‘Angithabi ngokufa kwananyana ngubani,’+ kutjho iKosi ePhakemeko uJehova. ‘Nje-ke phendukani, niphile.’”+

Bekalala hlangana namabhubezi amancani anamandla begodu atlhogomela amabhubezanakhe.

 3 Wakhulisa elinye lamabhubezanakhe, laba libhubezi elincani elinamandla.+

 5 Walinda, emaswapheleni wabona nokuthi akunathemba lokuthi lizokubuya.

Nje-ke wathatha elinye lamabhubezanakhe walithumela njengebhubezana elincani elinamandla.

 6 Belisolo likhambakhamba hlangana namabhubezi laba libhubezi elincani elinamandla.

Lafunda ukurathula inyamazana, belarhiribidela nabantu.+

 8 Iintjhaba zeemfundeni ezizibhodileko zeza ngokujamelene nalo bona ziphose inedazo phezu kwalo.

Begodu labanjwa emgodinazo.

 9 Zalifaka ewogweni ngamawugu zaliletha ekosini yeBhabhiloni.

Zalivalela lapho bona iphimbo lalo lingasazwakala eentabeni zakwa-Israyeli.

10 Unyoko bekanjengesidiribe*+ esitjalwe hlanu kwamanzi.

Sathela iinthelo besizele iimpande ngebanga lamanzi amanengi.

11 Saba neempande eziqinileko, zafanela ukuba yintonga yababusi.

Iimpande zawo eziqinileko zaphulwa zoma+ begodu umlilo wazirhiribidela.+

14 Umlilo warhatjheka eempandeni zawo, warhiribidela amahlumelawo neenthelo zawo,

Bekungasanapande eqinileko eseleko, kungasanantonga yokubusa.+

“‘Leso sililo begodu sizokuhlala sisililo.’”

20 Nje-ke ngomnyaka wekhomba, ngenyanga yesihlanu, ngelanga letjhumi lenyanga, abanye babadala bakwa-Israyeli beza bahlala phambi kwami bona babuze kuJehova. 2 Nje-ke ilizwi lakaJehova leza kimi, lathi: 3 “Ndodana yomuntu, khuluma nabadala bakwa-Israyeli, ubatjele ukuthi, ‘Nakhu iKosi ePhakemeko uJehova ekutjhoko: “Nize ukuzokubuza kimi? ‘Nangisaphilako, angekhe ngiwuphendule umbuzwenu,’+ kutjho iKosi ePhakemeko uJehova.”’

4 “Ukulungele na ukubahlulela? Ukulungele na ukubahlulela ndodana yomuntu? Bazise izinto ezinyenyisako ezenziwe bokhokho babo.+ 5 Batjele ukuthi, ‘Nakhu iKosi ePhakemeko uJehova ekutjhoko: “Ngelanga engakhetha ngalo u-Israyeli+ ngafunga esizukulwaneni sendlu kaJakopo, ngazenza ngaziwa enarheni yeGibhide.+ Iye ngafunga kibo ngathi, ‘NginguJehova uZimenu.’ 6 Ngelangelo ngafunga bona ngizobakhupha enarheni yeGibhide ngibase enarheni engibafunele yona, inarha egeleza ibisi neliju.+ Beyiyihle khulu ukudlula ezinye iinarha. 7 Yeke ngathi kibo, ‘Ngamunye wenu kufuze alahle izinto ezinyenyisako eziphambi kwamehlwenu; ningazisilaphazi ngeenthombe ezinyenyisako* zeGibhide.+ NginguJehova uZimenu.’+

8 “‘“Nje-ke bahlubuka kimi begodu bebangakazimiseli ukungilalela. Akhenge bazilahle izinto ezinyenyisako ebeziphambi kwabo, akhenge bazilahle iinthombe ezinyenyisako zeGibhide.+ Yeke ngathembisa ukukhuphela ilaka lami kibo nokukhuphela ukusilingeka kwami enarheni yeGibhide. 9 Engakwenzako ngakwenza ngebanga legama lami bona lingasilaphazwa phambi kweentjhaba ebebahlala hlangana nazo.+ Ngazenza ngaziwa kibo phambi kweentjhaba nangibakhupha enarheni yeGibhide.+ 10 Yeke ngabakhupha enarheni yeGibhide ngabanqophisela emmangweni.+

11 “‘“Ngabanikela imithethwami, ngabenza bazi iinqunto zami zokwahlulela,+ bona abantu abazilandelako bafumane ukuphila ngazo.+ 12 Ngabanikela amasabathami+ njengetshwayo phakathi kwami nabo,+ bona bazi ukuthi nginguJehova, ngimi obacwengisako.

13 “‘“Yeke indlu ka-Israyeli yahlubuka kimi emmangweni.+ Akhenge ikhambe ngemithethwami begodu yala iinqunto zami zokwahlulela, umuntu nakazilandelako uzokuphila ngazo. Basilaphaze amasabathami. Nje-ke ngithembise ukukhuphela ilaka lami kibo emmangweni bona libarhiribidele.+ 14 Engakwenzako ngakwenza ngebanga legama lami bona lingasilaphazwa phambi kweentjhaba, phambi kwabantu enganikhupha phambi kwabo.+ 15 Ngibuye ngafunga kibo emmangweni bona angekhe ngibanikele inarha engithe ngizobanikela yona,+ inarha egeleza ibisi neliju,+ ebeyiyihle khulu ukudlula ezinye iinarha, 16 ngebanga lokuthi bala iinqunto zami zokwahlulela, akhenge bakhambe ngemithethwami begodu basilaphaze amasabathami ngombana iinhliziyo zabo bezilandela iinthombe zabo ezinyenyisako.+

17 “‘“Kodwana ngabazwela ubuhlungu, akhenge ngibatjhabalalise; akhenge ngibarhayile emmangweni. 18 Ngathi emadodanenabo emmangweni+ ningakhambi ngemithetho yabokhokhwenu+ namkha nenze ngokwezahlulelo zabo namkha nizisilaphaze ngeenthombe zabo ezinyenyisako. 19 NginguJehova uZimenu. Khambani ngemithethwami, nenze ngokweenqunto zami zokwahlulela begodu nizibulunge.+ 20 Cwengisani amasabathami+ azokuba litshwayo phakathi kwenu nami bona nazi ukuthi nginguJehova uZimenu.’+

21 “‘“Kodwana amadodana athoma ukuhlubuka kimi.+ Akhenge akhambe ngemithethwami begodu akhenge abulunge namkha enze ngokweenqunto zami zokwahlulela, umuntu nakazilandelako uzokuphila ngazo. Basilaphaze amasabathami. Yeke ngathembisa ukukhuphela ilaka lami kibo nokukhuphela ukusilingeka kwami koke kibo emmangweni.+ 22 Kodwana akhenge ngikwenze+ lokho ngebanga legama lami+ bona lingasilaphazwa phambi kweentjhaba, engabakhupha* phambi kwazo. 23 Ngafunga kibo godu emmangweni bona ngizobarhatjhela hlangana neentjhaba bengibarhatjhele hlangana neenarha+ 24 ngebanga lokuthi akhenge balandele iinqunto zami zokwahlulela, bala imithethwami+ basilaphaza amasabathami begodu balandela iinthombe zabokhokhwabo ezinyenyisako.+ 25 Ngibavumele nokuthi balandele iinqophiso ezingasizihle neenqunto zokwahlulela engeze baphile ngazo.+ 26 Ngibalise bona basilaphazeke ngemihlatjelwabo, lokha nabenza imihlatjelo*+ ngabantwababo aba mazibulo bona batjhatjalaliswe khona bazokwazi ukuthi nginguJehova.”’

27 “Nje-ke khuluma nendlu ka-Israyeli, maye! Ndodana yomuntu begodu uyitjele lokhu, ‘Nakhu iKosi ePhakemeko uJehova ekutjhoko: “Ngendlela le abokhokho benu bangihlambalazile ngokungathembeki kimi. 28 Ngibalethe enarheni engafunga ukubanikela yona.+ Lokha nababona yoke imibundu ephakemeko namakari wemithi,+ bathoma ukwenza imihlatjelwabo begodu benza iminikelo. Baletha imihlatjelwabo eliphunga elimnandi, bathululela neminikelwabo esiselo engangithabisiko lapho. 29 Yeke, ngababuza ukuthi, ‘Itjho ukuthini indawo ephakemeko eniya kiyo? (Isabizwa bona yiNdawo ePhakemeko bekube kunamhlanjesi.)’”’+

30 “Nje-ke ithi endlini yakwa-Israyeli, ‘Nakhu iKosi ePhakemeko uJehova ekutjhoko: “Inga-kghani nizisilaphaza ngendlela abokhokhwenu abazisilaphaza ngayo ngokuthi balandele iinthombe zabo ezinyenyisako begodu bangwadle neenthombe zabo?*+ 31 Inga-kghani nisazisilaphaza bekube kunamhlanjesi na ngokunikela yoke imihlatjelo eenthombeni zenu ezinyenyisako, ngokwenza umhlatjelo*+ ngamadodanenu? Maye! Ndlu ka-Israyeli.+ Inga-kghani ngesikhathi esifaneleko kufuze ngiphendule umbuzwenu?”’

“‘Nangisaphilako,’ kutjho iKosi ePhakemeko uJehova, ‘Angekhe ngiwuphendule umbuzwenu.+ 32 Khuyini eniyicabangako nanithi, “Asibeni njengeentjhaba, njengemindeni yezinye iinarha, ezilotjha iingodo namatje,”+ angekhe kwenzeke.’”

33 “‘Nangisaphilako,’ kutjho iKosi ePhakemeko uJehova, ‘Ngizokubusa phezu kwenu njengekosi ngesandla esinamandla, ngomkhono onamandla bona nginijezise, nizokubona ilaka lami.+ 34 Ngizonikhupha eentjhabeni nginibuthelele eenarheni ebenirhatjhekele kizo ngesandla esinamandla, ngomkhono onamandla bona nginijezise, nizokubona ilaka lami.+ 35 Ngizonikhupha emmangweni wabantu beentjhaba nginahlulele ubuso nobuso.+

36 “‘Njengombana ngahlulela abokhokho benu emmangweni wenarheni yeGibhide nani ngizonahlulela,’ kutjho iKosi ePhakemeko uJehova. 37 ‘Ngizonenza nidlule ngaphasi kwentonga kamelusi+ nginingenise ngaphasi kwesibopho sesivumelwano. 38 Ngizokususa kini iinhlubuki nalabo abonako kimi.+ Ngizobakhupha enarheni engasi ngeyabo kodwana angekhe bangene enarheni yakwa-Israyeli;+ kuzokufuze bazi ukuthi nginguJehova.’

39 “Nakunguwe, ndlu ka-Israyeli, nakhu iKosi ePhakemeko uJehova ekutjhoko: ‘Ngamunye wenu akakhambe ayokulotjha iinthombe zakhe ezinyenyisako.+ Ngemva kwalokho naningangilaleliko angekhe nisakghona ukulisilaphaza igama lami elicwengileko ngemihlatjelwenu nangeenthombe zenu ezinyenyisako.’+

40 “‘Kodwana entabeni ecwengileko, entabeni ephakemeko yakwa-Israyeli,’+ kutjho iKosi ePhakemeko uJehova, ‘kulapho yoke indlu yakwa-Israyeli, boke bazongilotjha enarheni.+ Ngizokuthaba ngani lapho begodu ngizokufuna iminikelwenu, neenthelo zokuthoma zeminikelwenu kizo zoke izinto zenu ezicwengileko.+ 41 Ngebanga lephunga elimnandi, ngizokuthaba ngani lokha nanginikhupha eentjhabeni begodu nginibuthele ndawonye eenarheni ebenirhatjhekele kizo+ begodu ngizokucwengiswa hlangana nani phambi kweentjhaba.’+

42 “‘Kuzokufuze nazi bona nginguJehova+ nanginikhupha enarheni yakwa-Israyeli+ nginise enarheni engafunga ukuyinikela abokhokhwenu. 43 Lapho nizokukhumbula ukuziphatha kwenu, nazo zoke izenzo zenu enazisilaphaza ngazo+ begodu nizozinyenya ngebanga lazo zoke izinto ezimbi enizenzileko.+ 44 Yeke kuzokufuze nazi bona nginguJehova nangisebenzelana nani ngebanga legama lami,+ ingasi ngokuziphatha kwenu okukhohlakeleko namkha ngokweendlela zenu ezikhohlakeleko, maye! Ndlu ka-Israyeli,’ kutjho iKosi ePhakemeko uJehova.”

45 Ilizwi lakaJehova lafika kimi godu, lathi: 46 “Ndodana yomuntu, qalisa ubuso bakho ehlangothini lesewula, memezela esewula begodu uphorofide ehlathini elisesimini esesewula. 47 Ithi ehlathini lesewula, ‘Yizwa ilizwi lakaJehova. Nakhu iKosi ePhakemeko uJehova ekutjhoko: “Ngenza umlilo ngokujamelene nawe,+ uzokurhiribidela yoke imithi ehlaza nayo yoke imithi eyomileko kuwe. Ilangabi angekhe licime+ begodu boke ubuso buzokutjhiswa ngilo, kusukela esewula ukuya etlhagwini. 48 Boke abantu bazokubona ukuthi ngimi, Jehova, owenzileko bona ungacinywa.”’”+

49 Ngathi: “Maye! Kosi ePhakemeko Jehova, bathi ngami, akakhulumi ngeenrarejo na?’”

21 Ilizwi lakaJehova lafika kimi godu, lathi: 2 “Ndodana yomuntu, qala eJerusalema, umemezele ngokujamelene neendawo ezicwengileko begodu uphorofide ngokujamelene nenarha yakwa-Israyeli. 3 Ithi enarheni yakwa-Israyeli, ‘Ngilokhu uJehova akutjhoko: “Ngijamelene nawe, begodu ngizokukhupha isabulami emgodlenayo+ ngirhayile abalungileko nabakhohlakeleko. 4 Ngombana ngizokurhayila kuwe olungileko nokhohlakeleko, isabulami izokuphuma emgodlenayo ngokujamelene nabo boke abantu, kusukela esewula ukuya etlhagwini. 5 Boke abantu kuzokufuze bazi ukuthi mina, Jehova, ngikhuphe isabulami emgodlenayo. Angekhe ibuyele emuva godu.”’+

6 “Wena, ndodana yomuntu, bubula njengombana uhlengezela, bubula kabuhlungu phambi kwabo.+ 7 Nabangathi kuwe, ‘Kubayini ububula?’ Uzokuthi, ‘Kungebanga lombiko ngombana nakanjani uzokufika begodu zoke iinhliziyo zizokuncibilika ngebanga lokusaba zoke izandla zizokuba buthakathaka yoke imimoya izokudana, woke amadolwabo azokwehla amanzi.+ ‘Qala! Uzokufika nakanjani, kuzokwenzeka,’ kutjho iKosi ePhakemeko uJehova.”

8 Ilizwi lakaJehova lafika kimi godu, lathi: 9 “Ndodana yomuntu, phorofida uthi, ‘Nakhu uJehova akutjhoko: “Ithi, ‘Isabula! Isabula+ iloliwe begodu yenziwa yaba bukhali. 10 Ilolelwe ukuhlahlela okukhulu; yenziwe yaba bukhali bona ikhanye njengombani.’”’”

“Kghani akukafuzi sithabe?”

“Kghani izokwala intonga yobukhosi yendodanami,+ njengombana yenza emithini yoke?

11 “‘Inikelwe bona ilolwe begodu isetjenziswe ngesandla. Isabula le yenziwe yaba bukhali begodu iloliwe, bona umrhayili+ ayiphathe ngesandla.

12 “‘Lila, rhahlawula+ ndodana yomuntu, ngombana iza ngokujamelene nabantu bami; ijamelene nawo woke amakhosana wakwa-Israyeli.+ Laba bazokuba bongazimbi besabula nabantu bami. Tjengisa ukuthi udane khulu.* 13 Ngombana kuhlolisisiwe,+ kuzokwenzekani nangabe isabula yale intonga yobukhosi? Angekhe isaba khona,’+ kutjho iKosi ePhakemeko uJehova.

14 “Wena, ndodana yomuntu, phorofida ubethe izandla begodu ubuyelele ‘Isabula!’ Iinkhathi ezintathu. Yisabula yokubulala abongazimbi, isabula yokuhlahlela okukhulu, okubabhodileko.+ 15 Iinhliziyo zabo zizokuncibilika ngebanga lokusaba+ begodu abanengi bazokuwela emasangweni wedorobho labo; ngizokuhlahlela ngesabula izokukhanya njengombani begodu ilolelwe ukuhlahlela! 16 Izokuhlahlela ngesidleni! Nangesinceleni! Itjhinga nanyana kukuphi lapho ipentayo iqale khona! 17 Ngizokubetha izandla nganelise ilaka lami.+ Mina Jehova ngikhulumile.”

18 Ilizwi lakaJehova lafika kimi godu, lathi: 19 “Nakunguwe, ndodana yomuntu, tshwaya iindlela ezimbili isabula yekosi yeBhabhiloni ezokungena ngazo. Zombili zizokusuka enarheni yinye, kufuze ubeke imihlahlandlela lapho iindlela zihlukana khona ziya emadorobheni amabili. 20 Kufuze wenze itshwayo lendlela isabula ezokungena ngayo ngokujamelene neRabha+ yama-Amoni, nenye indlela ngokujamelene nendawo evikelekileko yeJerusalema+ kwaJuda. 21 Ngombana ikosi yeBhabhiloni ilisa ukusebenzisa ukuthukula lapho kuhlukana khona indlela, lapho iindlela ezimbili zihlukana khona. Isikinya imicibitjholo. Ibuza eenthombeni* zayo; ihlolisisa isibindi sesilwana. 22 Ukuthukula okusesandleni sayo sokudla kuqale eJerusalema bona ijamise iingodo zokutjhabalalisa, kwenziwe itjhada lokuhlahlela, kuphume ilizwi lokuhlahlela, kuliliswe itjhada lepi, kujanyiswe iingodo zokusahlela ngokujamelene namasango, yenze indunduma yokuvimbezela bona yakhe iboda lokuvimbezela.+ 23 Kodwana kuzokubonakala ngasuthi ukuthukulokho kumamala emehlweni walabo abenze isifungo kibo.*+ Kodwana izokukhumbula umlandwabo begodu ibathumbe.+

24 “Nje-ke nakhu iKosi ePhakemeko uJehova ekutjhoko: ‘Ubangele umlandwakho bona ukhunjulwe ngokwambula umtjhaphwakho nangokubangela izono zakho zibonwe kizo zoke izenzo zakho. Nje ukhunjuliwe, uzokuthathwa ngekani.’

25 Kodwana ilanga lakho selifikile, maye! Wena olimele khulu, kosana ekhohlakeleko yakwa-Israyeli,+ isikhathi sesijeziso sakho samaswaphela. 26 Nakhu iKosi ePhakemeko uJehova ekutjhoko: ‘Susa itjhila elithwalwa ehloko, ususe nesihlohlo.+ Izinto angekhe zihlale zinje.+ Phakamisa ophasi,+ wehlise ophakemeko.+ 27 Umonakalo, umonakalo, umonakalo ngizowenza. Angeze sisaba* ngesomunye umuntu bekube kulapho kufika onelungelo elingokomthetho+ begodu ngizomnikela sona.’+

28 “Nakunguwe ndodana yomuntu, phorofida uthi, ‘Nakhu iKosi ePhakemeko uJehova ekutjhoko malungana nama-Amoni namalungana nehlambawo.’ Ithi, ‘Isabula, isabula ilulelwe ukuhlahlela; yenziwe bukhali bona itjhabalalise begodu ikhanye njengombani. 29 Naphezu kwemibono emamala nokuthukula okumamala ngawe, abantu bakho bazokupakelelwa phezu kwababuleweko, abantu abanengi abakhohlakeleko ilanga labo esele lifikile, isikhathi sabo samaswaphela sokujeziswa. 30 Ibuyisele emgodlenayo. Ngizokwahlulela endaweni ovela kiyo,* enarheni ovela kiyo. 31 Ngizokuthululela ilaka lami kuwe. Ngizokuvuthela ngomlilo welaka lami, ngizokunikela ebantwini abanelunya abanekghono lokutjhabalalisa.+ 32 Uzokuba sibaseli somlilo;+ iingazi zakho zizokuthululelwa enarheni begodu angekhe usakhunjulwa, mina Jehova, ngikhulumile.’”

22 Ilizwi lakaJehova lafika kimi godu, lathi: 2 “Nakunguwe, ndodana yomuntu, inga-kghani ukulungele ukumemezela ukwahlulelwa kwedorobho elinomlandu weengazi+ begodu ulazise ngazo zoke izinto zalo ezinyenyisako?+ 3 Kufuze uthi, ‘Nakhu iKosi ePhakemeko uJehova ekutjhoko: “Maye! Dorobho okuphalazelwa kilo iingazi,+ isikhathi sakho esizako,+ owenza iinthombe ezinyenyisako* bona uzisilaphaze,+ 4 ukuphalaza kwakho iingazi kukwenze waba mlandu,+ neenthombe zakho ezinyenyisako zikwenze wasilaphala.+ Urhabele ukuqeda amalangakho begodu iminyakakho yokuphela seyifikile. Kungebangelo ngizokwenza into elihlazo eentjhabeni nento yokuhlekwa kizo zoke iinarha.+ 5 Iinarha ezihlanu kwakho nalezi ezikude nawe zizokuhleka,+ wena igama lakho elingakahlwengeki nozele ngetjharagano. 6 Qala! Ikosana ngayinye yakwa-Israyeli isebenzisa ilawulo layo bona iphalaze iingazi.+ 7 Badlelezele umma nobaba.+ Badlelezela isakhamuzi sakwenye inarha, baphatha kumbi umntwana onganababa* nomhlolokazi.”’”+

8 “‘Iindawo zami ezicwengileko uzidelelile, namasabathami wawasilaphaza.+ 9 Phakathi kwakho kunabarhwayeli abazimisele ukuphalaza iingazi.+ Phakathi kwakho badla imihlatjelo eentabeni begodu baziphatha ngendlela enyenyisako phakathi kwakho.+ 10 Phakathi kwakho basilaphaza umbhede kabababo*+ begodu batjhinga emabhayini nomma osesikhathini.+ 11 Phakathi kwakho umuntu wenza izenzo ezinyenyisako nomfazi kamakhelwanakhe,+ omunye usilaphaza umalukazanakhe ngezenzo ezinyenyisako+ begodu omunye usilaphaza udadwabo, indodakazi kayise.+ 12 Phakathi kwakho bathathe isifumbathiso bona baphalaze iingazi.+ Ubolekisa imali ulindele inzalo+ namkha ufumane inzuzo, uthathela abomakhelwanakho+ imali ngekani. Ungilibele ngokupheleleko,’ kutjho iKosi ePhakemeko uJehova.

13 “‘Qala! Nginyenyisekile ngebanga lenzuzwenu engakathembeki, eniyenze ngezenzo zenu zeengazi phakathi kwenu. 14 Kghani isibindi sakho sizokukghodlhelela, nezandla zakho zizokuba namandla ngamalanga engithatha ngawo igadango ngokujamelene nawe?+ Mina Jehova ngikhulumile begodu ngizokwenza. 15 Ngizokurhatjhela hlangana neentjhaba, ngikurhatjhele hlangana neenarha+ begodu ngizokuqeda ukusilaphala kwakho.+ 16 Angekhe uhlonitjhwe hlangana neentjhaba, kuzokufuze wazi bona nginguJehova.’”+

17 Ilizwi lakaJehova lafika kimi godu, lathi: 18 “Ndodana yomuntu, indlu yakwa-Israyeli seyibe njengesiliva elingasizi ngalitho nelonakeleko kimi. Boke babe yikhopha, isinjana, isimbi nomthofu emlilweni. Babe njengesiliva elingasizi ngalitho.+

19 “Nje-ke nakhu iKosi ePhakemeko uJehova ekutjhoko: ‘Ngombana noke nibe njengento engasizi ngalitho neyonakeleko,+ ngizonibuthelela ndawonye phakathi kweJerusalema. 20 Njengombana isiliva nekhopha, isimbi, umthofu nesinjana zibuthelelwa phakathi komlilo bona zithelwe ngomlilo begodu zincibilike, Yeke ngizonibuthelela ndawonye elakeni lami nekusilingekeni kwami begodu ngizonivuthela bona nginenze nincibilike.+ 21 Ngizonibuthelela ndawonye begodu ngivuthele umlilo welaka lami kini,+ nizokuncibilikiswa phakathi kweJerusalema.+ 22 Njengombana isiliva lincibilikiswa emlilweni, nani nizokuncibilikiswa phakathi kweJerusalema; kuzokufuze nazi ukuthi mina Jehova, ngithululele ilaka lami kini.’”

23 Ilizwi lakaJehova lafika kimi godu, lathi: 24 “Ndodana yomuntu, ithi kilo, ‘Uyinarha engekhe ihlwengeke nengekhe inethwe lizulu ngelanga lokusilingeka kwami. 25 Abaphorofidi balo baluka amano phakathi kwalo,+ njengebhubezi elibhodlako elirathula inyamazana.+ Barhiribidela abantu. Bathatha amagugu nezinto ezikhethekileko. Benze abahlolokazi abanengi phakathi kwalo. 26 Abaphristi balo badelele umthethwami+ begodu bebasolo basilaphaza iindawo zami ezicwengileko.+ Abahlukanisi phakathi kwento ecwengileko nento ejayelekileko,+ abakghoni ukwenza kwaziwe bona khuyini okuhlwengileko+ nokungakahlwengeki, abafuni ukuphetha amasabathami, ngisilaphaziwe hlangana nabo. 27 Amakhosanalo aphakathi kwalo anjengeempisi ezirathula inyamazana; aphalaza iingazi begodu abulala abantu bona enze iinzuzo engakathembeki.+ 28 Kodwana abaphorofidi balo bafihla ukukhohlakala kwabo njengokupenda iboda ngepende emhlophe. Babona imibono emamala, bathukule amala,+ bathi: “Nakhu iKosi ePhakemeko uJehova ekutjhoko, kukulapho uJehova angakatjho litho. 29 Abantu benarha badlelezele, benza ubugebengu,+ baphathe abatlhogako nabatlhagako kumbi, badlelezele isakhamuzi sakwenye inarha basidima ubulungiswa.’

30 Bengifuna umuntu hlangana nabo ozokulungisa iboda lamatje namkha ajamele inarha phambi kwami esikhaleni bona ingatjhatjalaliswa+ kodwana akhenge ngifumane muntu. 31 Ngizokuthululela ilaka lami kibo begodu ngibarhayile ngomlilo welaka lami. Ngizokuletha imiphumela yeendlela zabo eenhlokweni zabo,’ kutjho iKosi ePhakemeko uJehova.”

23 Ilizwi lakaJehova lafika kimi godu, lathi: 2 “Ndodana yomuntu, bekunabafazi ababili egade bamadodakazi womma munye.+ 3 Baba ziingwadla eGibhide;+ kusukela ebutjheni babo bazinikela ebungwadleni. Bazinikela ekufebeni balahlekelwa buntombi babo. 4 Amagamabo bekungu-Ohola,* ongomdala nodadwabo kungu-Oholiba.* Baba ngebami begodu babeletha amadodana namadodakazi. Malungana namagamabo, u-Ohola yiSamariya,+ u-Oholiba yiJerusalema.

5 U-Ohola wathoma ukungwadla+ asesengewami. Wakhanukela iinthandwa zakhe,+ abomakhelwana bakhe ama-Asiriya.+ 6 Bekubabusi abambethe izambatho ezihlaza namasekela wababusi, woke amasokana afiselekako akhwele iinjomani zawo. 7 Waragela phambili angwadla nawo woke amadodana anejamo we-Asiriya begodu wazisilaphaza+ ngeenthombe ezinyenyisako* zalabo ebekabakhanukela. 8 Akhenge alahle ubungwadla ebekabenza eGibhide ngombana kusukela ebutjheni bakhe bebaya emabhayini naye, bazinikela ebufebeni batjhisakalela ukuziphatha kumbi ngokuya emabhayini naye.+ 9 Nje-ke ngamnikela esandleni seenthandwa zakhe, amadodana wama-Asiriya,+ awakhanukelako. 10 Bambula ubuhlubule bakhe,+ bathumba amadodana namadodakazakhe+ begodu bambulala ngesabula. Waduma ngobumbi hlangana nabafazi begodu bakhupha isahlulelo ngokujamelene naye.

11 “Udadwabo u-Oholiba nakabona lokhu, ikanukwakhe yakhohlakala khulu begodu ubungwadla bakhe baba bumbi khulu ukudlula udadwabo.+ 12 Wakhanukela abomakhelwana bakhe amadodana wama-Asiriya,+ ababusi namasekela wababusi ebebambethe izambatho ezihle khulu begodu bakhwele iinjomani, woke amasokana afiselekako. 13 Nakazisilaphazako ngabona ukuthi bobabili balandele indlela efanako.+ 14 Kodwana bekasolo angezelela ezenzweni zakhe zobungwadla. Bekabona amadoda agwale ebodeni, iinthombe zamaKhaledi* ezigwale ngobubomvu, 15 babophe amabhande emadininabo, babophe namatjhila athwalwa ehloko ehlela enzasi, baqaleka njengeengorho, woke afana nabantu beBhabhiloni, ababelethelwe enarheni yamaKhaledi.* 16 Nakababonako wathoma ukubakhanukela begodu wathumela iinthunywa kibo eKhaledi.*+ 17 Nje-ke amadodana weBhabhiloni bewasolo eza embhedenakhe wokuya emabhayini begodu amsilaphaza ngekanukwabo. Ngemva kokusilaphazwa ngiwo, wasuka kiwo ngebanga lokuthi bewamnyenyisa.

18 “Lokha nakazibandakanya ekungwadleni ngokungabi neenhloni begodu wembula ubuhlubule bakhe,+ ngamlahla ngebanga lokumnyenya njengombana ngalahla udadwabo ngebanga lokumnyenya.+ 19 Bekasolo andisa izenzo zakhe zobungwadla,+ akhumbula amalanga wobutjha bakhe lokha nakangwadla nenarha yeGibhide.+ 20 Bekabakhanukela njengamadoda amakhohlo izitho zawo zobudoda zinjengezakadumbana neenjomani. 21 Bewukhanukela ukuziphatha kwakho okukhohlakeleko kobutjha bakho eGibhide+ lokha nawuzinikela ebufebeni nawusesemutjha.+

22 “Nje-ke Oholiba, nakhu iKosi ePhakemeko uJehova ekutjhoko: ‘Qala! Ngivusa iinthandwa zakho+ osuke kizo ngebanga lokuzinyenya, ngizoziletha ngokujamelene nawe zivela kiwo woke amahlangothi,+ 23 amadodana weBhabhiloni+ nawo woke amaKhaledi,*+ amadoda wePekodi,+ eTjhowa neKhowa, kuhlanganise nawo woke amadodana we-Asiriya. Boke bamasokana anejamo, ababusi nabasekeli bababusi, iingorho namadoda akhethekileko akhethiweko, boke bakhwele iinjomani. 24 Bazokusahlela ngetjhada leenkarana zepi namavili, ngesiqubuthu esikhulu samasotja, ngesiviko esikhulu nesincani nangesikoporo. Bazokujama bakuvimbezele yoke indawo, ngizobavumela bona bakwahlulele begodu bazokwahlulela ngendlela ababona ngayo.+ 25 Ngizokubonakalisa ukusilingeka kwami ngokujamelene nawe begodu bazokuba nelaka nabasebenzelana nawe. Bazokusika ipumulwakho neendlebe zakho begodu abaseleko bakho bazokuwa ngesabula. Bazokuthatha amadodana namadodakazakho begodu abaseleko bakho bazokutjhiswa ngomlilo.+ 26 Bazokuhlubulisa izambatho zakho+ begodu bathathe izinto zakho ezihle zokuzihlobisa.+ 27 Ngizokuqeda ukuziphatha kwakho okunyenyisako nobungwadla bakho,+ obuthome enarheni yeGibhide.+ Uzokulisa ukubaqala begodu angekhe usakhumbula iGibhide.’

28 “Ngombana nakhu iKosi ePhakemeko uJehova ekutjhoko: ‘Qala sengizokunikela kilabo abakuhloyako, labo osuke kibo ngebanga lokubanyenya.+ 29 Bazokuphatha ngehloyo begodu bakuthathele zoke izinto ozisebenzele budisi,+ bakutjhiye ungakambathi begodu uhlubule. Ihlazo lobuhlubule bokuziphatha kumbi kwakho, ukuziphatha kwakho okukhohlakeleko nobungwadla bakho kuzokwambulwa.+ 30 Izintwezi zizokwenzeka kuwe ngombana ugijime ngemva kweentjhaba njengengwadla+ ngombana uzisilaphaze ngeenthombe zazo ezinyenyisako.+ 31 Ulandele indlela efana nekadadwenu+ begodu ngizokuthatha ikaphwakhe ngiyibeke esandleni sakho.’+

32 Nakhu iKosi ePhakemeko uJehova ekutjhoko:

“Ngombana mina ngikhulumile,” kutjho iKosi ePhakemeko uJehova.’

35 Nje-ke nakhu iKosi ePhakemeko uJehova ekutjhoko: ‘Ngombana ungilibele begodu akhenge unginake*+ ngokupheleleko, uzokuthwala imiphumela yokuziphatha kwakho okukhohlakeleko nezenzo zakho zobungwadla.’”

36 Nje-ke uJehova wathi kimi: “Ndodana yomuntu, kghani ukulungele ukwenza isimemezelo sesahlulelo ku-Ohola no-Oholiba+ begodu ubatjele ngezenzo zabo ezinyenyisako? 37 Bafebile*+ begodu kuneengazi ezandleni zabo. Abakafebi kwaphela neenthombe zabo ezinyenyisako kodwana benza imihlatjelo* ngamadodanabo bona abe kukudla kweenthombe zabo.+ 38 Ngaphezu kwalokho, ngilokho abakwenze kimi: Basilaphaze indawami ecwengileko ngelangelo, basilaphaza namasabathami. 39 Ngemva kokuhlahlela amadodanabo bona abe mhlatjelo eenthombeni zabo ezinyenyisako,+ bangena endawenami ecwengileko bona bayisilaphaze+ ngelangelo. Ngilokho abakwenzileko endlinami. 40 Baze bathumela isithunywa bona sibize amadoda avela kude.+ Nawezako, wena wahlamba, wazipenda amehlo begodu wazilungisa ngemikghabiso.+ 41 Wena wahlala esihlalweni sezinga eliphezulu+ phambi kwaso bekunetafula,+ lapho ubeke khona ipephwami+ namafuthami.+ 42 Kwazwakala itjhada lesiqubuthu samadoda anganandaba, hlangana nawo kwalethwa iindakwa ezivela emmangweni. Bafaka imihlobiso yezandleni ebafazini neenhlohlo ezihle eenhlokweni zabo.

43 “Nje-ke ngathi kilo oqedwe kufeba: ‘Nje uzokuragela phambili angwadla.’ 44 Yeke bebasolo baya kuye njengalokha umuntu aya engwadleni. Nje-ke baya njalo ku-Ohola no-Oholiba, abafazi ebebaziphatha ngokukhohlakala. 45 Kodwana amadoda alungileko azomnikela isahlulelo esifaneleko sobufebe+ nokuphalaza iingazi;+ ngombana baziimfebe begodu baneengazi ezandleni zabo.+

46 “Ngombana nakhu iKosi ePhakemeko uJehova ekutjhoko: ‘Kuzokulethwa ibutho ngokujamelene nabo bona benziwe into yokusatjwa nento yokudlelezelwa.+ 47 Ibutho lizobaphosa ngamatje,+ libabulale ngesabula. Lizokubulala amadodana namadodakazabo+ begodu litjhise izindlu zabo ngomlilo.+ 48 Ngizokuqeda ukuziphatha okukhohlakeleko enarheni, boke abafazi bazokufunda isifundo begodu bangalandeli ukuziphatha kwenu okukhohlakeleko.+ 49 Bazokuletha kini imiphumela yokuziphatha kwenu okukhohlakeleko nokwezono enizenzileko ngokulotjha iinthombe zenu ezinyenyisako; kuzokufuze nazi ukuthi ngiyiKosi ePhakemeko uJehova.’”+

24 Ilizwi lakaJehova lafika kimi godu ngomnyaka wethoba, ngenyanga yetjhumi, ngelanga letjhumi lenyanga, lithi: 2 “Ndodana yomuntu, tlola phasi ilangeli,* ngelangeli. Ikosi yeBhabhiloni yathoma ukusahlela iJerusalema ngelangeli.+ 3 Yitjho isaga malungana nendlu ehlubukako begodu uthi ngabo:

“‘Nakhu iKosi ePhakemeko uJehova ekutjhoko:

“Beka ipoto yokupheka; uyibeke emlilweni uthele amanzi kiyo.+

 4 Faka iintokana zenyama ngaphakathi kwayo,+ zoke iintokana ezihle.

Inyonga nehlombe; uyizalise ngamathambo akhethekileko.

 5 Thatha imvu enone ukuzidlula zoke emhlanjini,+ ubaselele ngeenkuni phasi kwepoto.

Udlhabhazise iintoki begodu upheke amathambo phakathi kwayo.”’

6 “Nje-ke nakhu iKosi ePhakemeko uJehova ekutjhoko:

‘Maye! Edorobheni eliphalaza iingazi,+ ipoto yokupheka erusileko, ukurusa kwayo okungakasuswa.

Khupha iintoki kancanikancani;+ ungenzi ifumbe ngazo.

 7 Iingazi zalo zikilo;+ zilithululele elitjeni.

Akhenge zilithululele ehlabathini bona ziligubuzese ngethuli.+

9 “Nje-ke nakhu iKosi ePhakemeko uJehova ekutjhoko:

‘Maye! Edorobheni eliphalaza iingazi.+

Ngizokupakelanisa iinkuni zitjhinge phezulu.

Ukungahlwengeki kwayo kuzokuncibilika kiyo+ nokurusa kwayo kuzokutjha.

Lilahlele emlilweni nokurusa kwalo!’

13 “‘Ukusilaphala kwakho kubangelwe zizenzo zakho ezihlazisako.+ Ngilingile ukukuhlwengisa kodwana akhenge uhlwengeke ekusilaphaleni kwakho. Angekhe uhlwengeke bekube kulapho ilaka lami ngokujamelene nawe libohla.+ 14 Mina, Jehova ngikhulumile. Kuzokwenzeka. Ngizokwenza nakanjani, angekhe ngikuzwele angekhe ngizisole.+ Bazokwahlulela ngokweendlela zakho nangezenzo zakho,’ kutjho iKosi ePhakemeko uJehova.”

15 Ilizwi lakaJehova lafika kimi godu, lathi: 16 “Ndodana yomuntu, msinyana ngizokuthathela omthandako.+ Kufuze ungalili; ungarhahlawuli namkha wehle iinyembezi. 17 Lilela ngaphakathi, ungalandeli imithetho yokuzilela abafileko.+ Bopha itjhila elithwalwa ehloko,+ umbathe amapatlagwanakho.+ Kufuze ungazivali iindevu,*+ ungabudli uburotho obulethelwe ngabanye.”+

18 Ngakhuluma nabantu ekuseni, umkami wahlongakala entambama. Nje-ke ekuseni ngenza njengombana ngiyaliwe. 19 Abantu bebathi kimi: “Kghani angekhe wasitjela na ukuthi izinto ozenzakwezi zisithinta njani?” 20 Ngabaphendula ngathi: “Ilizwi lakaJehova lifike kimi lathi, 21 ‘Tjela indlu yakwa-Israyeli uthi: “Nakhu iKosi ephakemeko uJehova ekutjhoko, ‘Ngizokusilaphaza indawami ecwengileko,+ umthombo wokuzikhakhazisa kwenu okukhulu, into ethandekako kini nefiswa yihliziywenu. Amadodana namadodakazenu eniwatjhiyileko azokuwa ngesabula.+ 22 Nje-ke kuzokufuze nenze ngendlela engenze ngayo. Kufuze ningavali iindevu zenu, angekhe nibudle uburotho enibulethelwa ngabanye.+ 23 Amatjhilenu athwalwa ehloko azokuba seenhloko zenu amapatlagwanenu azokuba seenyaweni zenu. Angekhe nilile namkha nirhahlawule. Kunalokho, nizokubolela emitjhaphwenenu+ nizokulila komunye nomunye. 24 UHezekiyeli ube litshwayo kini.+ Njengombana enzile nani nizokwenza njalo. Nakwenzekako, kuzokufuze nazi ukuthi, nginguJehova iKosi ePhakemeko.’”’”

25 “Wena ndodana yomuntu, ngelanga engizobathathela ngalo isiphephelo sabo, into yabo ehle ebathabisako, into ethandekako kibo, efiswa ziinhliziyo zabo, kuhlanganise namadodana namadodakazabo,+ 26 Uzokubikelwa ngayo mumuntu ophunyurhileko.+ 27 Ngelangelo uzokuvula umlomakho ukhulume nophunyurhileko, angekhe usathula+ uzokuba litshwayo kibo, kuzokufuze bazi ukuthi nginguJehova.”

25 Ilizwi lakaJehova lafika kimi godu, lathi: 2 “Ndodana yomuntu, qalisa ubuso bakho kuma-Amoni,+ uphorofide ngokujamelene nawo.+ 3 Kufuze uthi, malungana nama-Amoni, ‘Yizwani ilizwi leKosi ePhakemeko uJehova. Nakhu iKosi ePhakemeko uJehova ekutjhoko: “Ngombana uthe, ‘Arha!’ Ngokujamelene nendawami ecwengileko lokha nayisilaphazwako, ngokujamelene nenarha yakwa-Israyeli nayitjhiywa inganalitho, nangokujamelene nendlu yakwaJuda lokha nayisiwa ekudingisweni, 4 Nje-ke ngininikela ebantwini bePumalanga bona nibe ngebabo. Bazokuhloma amakampabo phakathi kwakho, bajamise amatendabo hlangana nawe. Bazokudla iinthelo zakho bebasele ibisi lakho. 5 Ngizokwenza iRabha+ ibe madlelo wamakamela, inarha yama-Amoni ibe yindawo yokuphumula yomhlambi; kuzokufuze nazi ukuthi nginguJehova.”’”

6 Ngombana nakhu iKosi ePhakemeko uJehova ekutjhoko: ‘Ngebanga lokuthi uwahle izandla+ zakho weqayeqa ngeenyawo zakho bewathaba ngenarha yakwa-Israyeli ngokuyinyefula,+ 7 Nje-ke ngizokululela isandla sami ngokujamelene nawe ngikunikele eentjhabeni bona udlelezelwe. Ngizokususa esitjhabeni ngikutjhabalalise eenarheni.+ Ngizokurhayila begodu kuzokufuze nazi ukuthi nginguJehova.’

8 “Nakhu iKosi ePhakemeko uJehova ekutjhoko: ‘Ngombana uMowabi+ neSeyiri+ bathe, “Qala! Indlu yakwaJuda ifana nazo zoke ezinye iintjhaba,” 9 Ngizokulisa uMowabi angakavikeleki kwelinye ihlangothi* lentaba lomkhawulo wamadorobhakhe, ubuhle benarhakhe eBhethe-Jetjhimothi, eBhali-Mewoni ukufikela eKhiriyatayimu.+ 10 Ngizoyinikela kunye nama-Amoni bona ibe lilifa ebantwini bePumalanga,+ ama-Amoni angekhe asakhunjulwa hlangana neentjhaba.+ 11 Ngizokukhupha isahlulelo kuMowabi,+ kuzokufuze bazi ukuthi nginguJehova.’

12 “Nakhu iKosi ePhakemeko uJehova ekutjhoko: ‘U-Edomu uzibuyiselele endlini yakwaJuda bewenza umlandu omkhulu ngokuzibuyiselela kiyo;+ 13 Nje-ke nakhu iKosi ePhakemeko uJehova ekutjhoko: “Ngizokululela isandla sami ngokujamelene no-Edomu ngisuse umuntu nefuyo, ngizoyitjhiya inganalitho.+ Ukusuka eTemani ukufikela eDedani, bazokuwa ngesabula.+ 14 ‘Ngizozibuyiselela ku-Edomu ngesandla sabantu bami u-Israyeli.+ Bazokuletha ilaka nokusilingeka kwami ku-Edomu, ukuthi babone ukuzibuyiselela kwami,’+ kutjho iKosi ePhakemeko uJehova.”’

15 “Nakhu iKosi ePhakemeko uJehova ekutjhoko: ‘Ngebanga lobutha babo obungapheliko, amaFilista azimisela ngokukhohlakala ukuzibuyiselela nokutjhabalalisa.+ 16 Nje-ke nakhu iKosi ePhakemeko uJehova ekutjhoko: “Ngilulela isandla sami ngokujamelene namaFilista,+ ngizowasusa kumaKereti+ bengitjhabalalise izakhamuzi eziseleko ezimagega nelwandle.+ 17 Ngizokukhupha isahlulelo kibo ngezenzo ezikulu zokuziphindiselela ngokubajezisa ngelunya, kuzokufuze bazi ukuthi nginguJehova nangizibuyiselela kibo.”’”

26 Ngomnyaka we-11, ngelanga lokuthoma lenyanga, ilizwi lakaJehova lafika kimi, lathi: 2 “Ndodana yomuntu ngombana iTirosi, ithe ngokujamelene neJerusalema,+ ‘Arha!’ Isango lesitjhaba liphuliwe!+ Yoke into izokuza kimi, nje ngizokunjinga ngombana sekatjhatjalalisiwe’; 3 Nje-ke nakhu iKosi ePhakemeko uJehova ekutjhoko: ‘Qala! Ngijamelene nawe, Maye! Tirosi, ngizokuletha iintjhaba ezinengi ngokujamelene nawe njengalokha ilwandle liletha amagagasalo. 4 Bazokutjhabalalisa amaboda weTirosi bagirize imibhotjhongwayo,+ ngizokuthanyela ihlabathi ngiyenze idwala eliphazimako, elinganalitho. 5 Izokuba yindawo yokomisa iinrhurhulanede phakathi kwelwandle.’+

“Ngombana mina ngikhulumile,’ kutjho iKosi ePhakemeko uJehova, izokudlelezelwa ziintjhaba. 6 Iindawo zakhe zemaphandleni zizokurhayilwa ngesabula, abantu kuzokufuze bazi ukuthi nginguJehova.’

7 “Ngombana nakhu iKosi ePhakemeko uJehova ekutjhoko: ‘Qala ngiletha iKosi yeBhabhiloni uNebukadinetsari* ngokujamelene neTirosi ivela etlhagwini;+ uyikosi yamakhosi,+ ineenjomani,+ iinkarana zepi+ namasotja akhamba ngeenjomani nebutho elinengi lamasotja. 8 Uzokutjhabalalisa iindawo zakho zokuhlala emaphandleni ngesabula, akhe iboda lokuvimbezela bekakhe umbundu wokukuragelela aphakamise isivikelo esikhulu ngokujamelene nawe. 9 Uzokubetha iboda lakho ngeengodo zokutjhabalalisa, ngamazembakhe uzokugiriza imibotjhongwakho. 10 Iinjomani zakhe zizokuba zinengi khulu kangangobana zizokuthela ngethuli, itjhada lamasotja akhwele iinjomani, amavili neenkarana zizokubangela amabodakho asikinyeke nakangena emasangwenakho njengabantu abatheleka edorobheni elinamaboda aphukileko. 11 Iinqatha zeenjomani zakhe zizokugadanga zoke iindlela zakho;+ uzokubulala abantu bakho ngesabula, iinsika zakho eziqinileko zizokuphahlazeka phasi. 12 Bazokudlelezela ipahlakho, bathathe izinto zakho ezithengiswako,+ bagirize amabodakho bazokuwisa izindlu zakho zakanokutjho bese baphosele amatjakho, iinkuni zakho nehlabathakho emanzini.’

13 “‘Ngizokuqeda itjhada leengoma zakho netjhada lamaharibha angekhe lisazwakala.+ 14 Ngizokwenza idwala eliphazimako, elinganalitho uzokuba yinto yokomisa iinrhurhulanede.+ Angekhe usakhiwa kabutjha, ngombana mina, Jehova ngikhulumile,’ kutjho iKosi ePhakemeko uJehova.

15 “Nakhu iKosi ePhakemeko uJehova ekutjhoko eTirosi; ‘nakuzwakala itjhada lokuwa kwakho, lokha abafako nabaqumako, lokha kuba nokurhayilwa hlangana nawe, kghani isihlengele angekhe sihlengezele?+ 16 Woke amakhosana azokwehla eenhlalweni zawo zobukhosi azokuhlubula iinrobho zawo, azokurathula izambatho zawo ezinomthungo ohlotjisiweko begodu azokuthuthumela. Bazokuhlala phasi ehlabathini basolo bathuthumela begodu bazokuqala ngokukumangalela.+ 17 Bazokuvuma ingoma yesililo+ ngawe bathi kuwe:

19 “Ngombana nakhu iKosi ePhakemeko uJehova ekutjhoko: ‘Lokha nangikutjhabalalisako njengamadorobho anganazakhamuzi, lokha nangikuzalisa ngamanzi amanengi begodu amanzi anamandla akugubuzesile,+ 20 Nawe ngizokwehlisa njengombana ngehlisela abanye ethuneni lapho kunabantu abafa kade; ngizokubangela bona uhlale phasi njengeendaweni zakade ezitjhatjalalisiweko, kunye nalabo abehlela ethuneni+ bona ungahlalwa. Ngemva kwalokho, ngizokuphazimulisa inarha yabaphilako.

21 “‘Ngizokulethela ukusaba ungakalindeli, angekhe usaba khona,+ bazokufuna kodwana angekhe basakufumana, kutjho iKosi ePhakemeko uJehova.”

27 Ilizwi lakaJehova lafika kimi godu, lathi: 2 “Wena ndodana yomuntu, vuma ingoma yesililo ngeTirosi,+ 3 ithi eTirosi,

“Maye! Tirosi, wena ngokwakho uthe, ‘Ngimuhle khulu.’+

 8 Izakhamuzi zeTsidoni ne-Arivadi+ bezibagwedli bakho.

Abantu bakho abanekghono, maye! Tirosi, bebabathayisi bakho beenkepe.+

 9 Amadoda anelemuko* nanekghono weGebali+ avala iintunja zomkhumbakho ezivuzako.+

Yoke imikhumbi yelwandle nabanqophisi bemikhumbi beza kuwe bona bazokurhweba.

10 Amadoda wePheresiya, weLudi nePhuthi+ bekasebuthweni lakho, abantu bakho bepi.

Balengisa iimviko zabo neenkoporo zabo kuwe begodu bakulethela iphazimulo.

Balengisa iimviko zabo eziyindulungu kiyo yoke indawo emabodenakho

Bakwenza waba muhle khulu.

12 ITaratjhitjhi+ yenza irhwebo nawe ngebanga lomnothwakho omkhulu.+ Yakunikela isiliva, isimbi, ithini nomthofu bona ithenge izinto zakho.+ 13 IJavani, iTubali+ neMetjheki+ bathengiselana nawe, bakunikela iingqila+ nezinto zekhopha bona bathenge izinto zakho. 14 Indlu yakwaTogarima+ yakunikela iinjomani neemeyila bona ithenge izinto zakho. 15 Abantu beDedani+ bathengiselana nawe; waqatjha abathengisi eenhlengeleni ezinengi; bakunikela amazinyo wendlovu+ neengodo ezinzima bona kube sisipho sakho. 16 I-Edomu yenza irhwebo nawe ngebanga lezinto zakho ezinengi. Bakunikele isimaragidu, iwulu esipiridzana, umkghabiso othungelelweko onemibalabala, itjhila lezinga eliphezulu, amakhorali namarubi* bona athenge izinto zakho.

17 “‘“UJuda nenarha yakwa-Israyeli bathengiselane nawe, bakunikela ikoroyi yeMinithi,+ ukudla kwekhethelo, iliju,+ amafutha nebhalisamu+ bona ithenge izinto zakho.+

18 “‘“IDamaseku+ yenza irhwebo nawe ngebanga lezinto zakho ezinengi nawo woke umnothwakho, ithengiselana nawe iwayini leRhelibhoni newulu yeZahari.* 19 IVedana neJavani ze-Uzali zakunikela isimbi, ikhesiya* nomhlanga* bona ithenge izinto zakho. 20 IDedani+ yathengiselana nawe ngamatjhila weenhlalo zeenjomani. 21 Waqatjha ama-Arabhu nawo woke amakhosana weKedari,+ ebebathengisa iimvana, amaramu neembuzi.+ 22 Abarhwebi beTjheba neRama+ bathengiselana nawe; bakunikela yoke imihlobo yamakha wezinga eliphezulu, amatje aligugu negolide bona bathenge izinto zakho.+ 23 IHarana,+ iKane, i-Edeni,+ abarhwebi beTjheba,+ i-Atjhuri+ neKilimadi bathengiselana nawe. 24 Ematatawinakho wokuthengisela, bathengiselana ngezambatho ezihle, iimphuraphura ezenziwe ngamatjhila ahlaza komkayi nomthungo okghatjisiweko onemibalabala nabomada abanemibalabala, boke babotjhwe baqina ngeentambo.

28 Lokha abathayisi bakho beenkepe nabarhuwelelako, iindawo ezimagega nelwandle zizokuhlengezela.

32 Esililweni sabo bazokuvuma ingoma yesililo, babhine ngawe bathi:

‘Ngubani onjengawe Tirosi, nje osele athulile phakathi kwelwandle?+

33 Lokha izinto zakho ziza zivela elwandle, wanelise abantu abanengi.+

Umnothwakho omnengi nerhwebo lakho linjingise amakhosi wephasi.+

36 Abarhwebi hlangana neentjhaba bazokubetha umlozi ngokwenzeke kuwe.

28 Ilizwi lakaJehova lafika kimi godu, lathi: 2 “Ndodana yomuntu, tjela umdosiphambili weTirosi, uthi, ‘Nakhu iKosi ePhakemeko uJehova ekutjhoko:

“Ngebanga lokuthi uzikhakhazisile+ usolo uthi, ‘Nginguzimu.

Ngihlala esihlalweni sobukhosi sakazimu phakathi kwelwandle.’+

 3 Qala! Uhlakaniphe ukudlula uDanyela.+

Akunazinto ofihlelwe zona.

6 “‘Nje-ke nakhu iKosi ePhakemeko uJehova ekutjhoko:

 9 Kghani usazokutjho na ukuthi, ‘Nginguzimu,’ kiloyo okubulalako?

Uzokuba mumuntu nje kwaphela, ingasi uzimu, esandleni salabo abakusilaphazako.”’

11 Ilizwi lakaJehova lafika kimi godu, lathi: 12 “Ndodana yomuntu, vuma ingoma yesililo malungana nekosi yeTirosi, uthi kiyo, ‘Nakhu iKosi ePhakemeko uJehova ekutjhoko:

13 Bewuse-Edeni, esimini kaZimu.

Zalungiselelwa ngelanga owenziwa ngalo.

14 Ngakwabela bona ube njengekherubhi elizesiweko elisivikelo.

Bewusentabeni ecwengileko kaZimu,+ bewukhambakhamba hlangana namatje avuthako.

17 Ihliziywakho izikhakhazisile ngebanga lobuhle bakho.+

Wonakalise ubuhle bakho ngebanga ledumo lakho eliphazimulako.+

Ngizokuphosela ehlabathini.+

Ngizokwenza ihlekisa phambi kwamakhosi.

18 Ngebanga lomlandwakho omkhulu nokuthengisa kwakho okungakathembeki, usilaphaze iindawo zakho ezicwengileko.

Ngizokubangela umlilo uqubuke phakathi kwakho, uzokurhibidela.+

Ngizokwenza ube mlotha ephasini phambi kwabo boke abakuqalileko.

19 Boke ebebakwazi eentjhabeni bazokuqala ngokukumangalela.+

20 Ilizwi lakaJehova lafika kimi godu, lathi, 21 “Ndodana yomuntu, qala iTsidoni+ bese uphorofide ngokujamelene nayo. 22 Kufuze uthi, ‘Nakhu iKosi ePhakemeko uJehova ekutjhoko:

23 Ngizokuthumela isifo esibulalako kuye, iingazi zizokuphalaka eendleleni zakhe.

24 “‘“Nje-ke indlu ka-Israyeli angekhe isabhodwa zizinto ezilimazako nameva ahlabako,+ labo abadelelako; abantu kuzokufuze bazi ukuthi ngiyiKosi ePhakemeko uJehova.”’

25 Nakhu iKosi ePhakemeko uJehova ekutjhoko: “Lokha nangibuthelela indlu yakwa-Israyeli hlangana nesitjhaba ebeyirhatjhekele kiso,+ ngizokucwengiswa hlangana nayo phambi kwamehlo weentjhaba.+ Bazokuhlala enarhenabo+ engiyinikele incekwami uJakopo.+ 26 Bazokuhlala kiyo ngokuvikeleka,+ bakhe izindlu, batjale amasimu wamadiribe+ begodu bazokuhlala ngokuvikeleka nangikhupha isahlulelo kibo boke labo abababhodileko abahlekisa ngabo;+ kuzokufuze bazi ukuthi nginguJehova uZimabo.”’”

29 Ngomnyaka wetjhumi, ngenyanga yetjhumi, ngelanga letjhumi nambili, ilizwi lakaJehova lafika kimi, lathi: 2 “Ndodana yomuntu, qalisa ubuso bakho kuFaro ikosi yeGibhide, uphorofide ngokujamelene naye nangokujamelene neGibhide.+ 3 Khuluma amezwi la uthi: ‘Nakhu iKosi ePhakemeko uJehova ekutjhoko:

Ngizenzele wona.’+

 4 Ngizokufaka amawugu emhlathinakho, ngibangele iimfesi zeNayilakho zinamathele empepheni zakho.

Ngizokukhupha eNayilakho nazo zoke iimfesi zeNayili ezinamathele eempepheni zakho.

 5 Ngizokutjhiya emmangweni, wena nazo zoke iimfesi zeNayilakho.

Uzokuwela etatawini elivulekileko, iinsalela zakho angekhe zihlanganiswe namkha zibuthelelwe ndawonye.+

Uzokuba kukudla kweembandana zephasi neenyoni zomkayi.+

8 “‘Nje-ke nakhu iKosi ePhakemeko uJehova ekutjhoko: “Ngiletha isabula kuwe,+ ngizokususa kokubili umuntu nesibandana. 9 Inarha yeGibhide ibe yindawo enganalitho netjhatjalalisiweko;+ kuzokufuze bazi bona nginguJehova ngombana wena uthe, ‘UMlambo weNayili ungewami, ngimi owenzileko.’+ 10 Nje-ke ngijamelene nawe neNayilakho, ngizokwenza inarha yeGibhide itjhabalale begodu yome ibe yinarha enganalitho nemarubhi,+ kusukela eMigidoli+ ukuya eSiyene+ ukufikela emkhawulweni weTopiya. 11 Akunamuntu namkha ifuyo ezokudlula lapho ngeenyawo,+ angekhe ihlalwe iminyaka ema-40. 12 Ngizokwenza inarha yeGibhide ibe yinarha etjhabalele khulu eenarheni, amadorobhayo azokuba ngatjhabalele khulu iminyaka ema-40;+ ngizokurhatjhela abantu beGibhide hlangana neentjhaba bengibaphadlhalajele hlangana neenarha.”+

13 “‘Nakhu iKosi ePhakemeko uJehova ekutjhoko: “Ngemva kweminyaka ema-40, ngizokubuthelela abantu beGibhide eentjhabeni ebengibarhatjhele kizo;+ 14 Ngizokubuyisela abathunjiweko beGibhide enarheni yePatrosi,+ enarhenabo, bazokuba mbuso onyazekako. 15 IGibhide izokuba phasi ukudlula eminye imibuso, angekhe isabusa ezinye iintjhaba,+ ngizoyenza ibe yincani khulu, ingasakghoni nokuhlula ezinye iintjhaba.+ 16 Indlu ka-Israyeli angekhe isathembela kiyo,+ kodwana izokuba sikhumbuzo somtjhaphwayo wokufuna isizo ebantwini beGibhide. Kuzokufuze bazi ukuthi ngiyiKosi ePhakemeko uJehova.”’”

17 Nje-ke ngomnyaka wama-27, ngenyanga yokuthoma, ngelanga lokuthoma lenyanga, ilizwi lakaJehova lafika kimi lathi: 18 “Ndodana yomuntu, iKosi yeBhabhiloni uNebukadinetsari*+ yenze ibutho lalo lasebenza budisi bona lilwe neTirosi.+ Zoke iinhloko zirhuniwe, woke amahlombe arhuhlwe avuthwa. Kodwana yena nebutho lakhe akhenge babhadelwe ngebanga lomsebenzi abawenzileko eTirosi.

19 “Nje-ke nakhu iKosi ePhakemeko uJehova ekutjhoko, ‘Qala! Nginikela inarha yeGibhide eKosini yeBhabhiloni uNebukadinetsari,*+ izokuthatha umnothwayo, ithathe nezinto zayo ezinengi; zizokuba mrholo wamabuthwayo.’

20 “‘Ngizomnikela iGibhide njengembuyiselo ngomsebenzakhe obudisi awenze ngokujamelene nalo,* ngombana bathethe igadango ngebanga lami,’+ kutjho iKosi ePhakemeko uJehova.

21 “Ngelangelo ngizokubangela bona iphondo livele endlini ka-Israyeli*+ begodu ngizokunikela ithuba lokuthi ukhulume hlangana nabo; kuzokufuze bazi ukuthi nginguJehova.”

30 Ilizwi lakaJehova lafika kimi godu, lathi: 2 “Ndodana yomuntu, phorofida uthi, ‘Nakhu iKosi ePhakemeko uJehova ekutjhoko:

“Rhahlawula uthi, ‘Maye! Ilanga liyeza.’

 3 Ngombana ilanga litjhidele, iye, ilanga lakaJehova litjhidele.+

Kuzokuba lilanga lamafu,+ isikhathi esibekiweko seentjhaba.+

Boke bazokuwa ngesabula.”’

 6 Nakhu uJehova akutjhoko:

“‘Kusukela eMigidoli+ ukuya eSiyene+ bazokuwa ngesabula enarheni,’ kutjho iKosi ePhakemeko uJehova. 7 ‘Bazokwenziwa iinarha ezinganalitho begodu amadorobhabo azokwenziwa amadorobho atjhatjalaliswe khulu.+ 8 Kuzokufuze bazi ukuthi nginguJehova nangitjhisa iGibhide ngomlilo, boke abasebenzisana nayo bazokuphahlazwa. 9 Ngelangelo ngizokuthumela iinthunywa ngemikhumbi bona ngenze iTopiya ezithembako ihlengezele; bazokuthukwa ngelanga elizokufikela iGibhide ngombana nakanjani lizokufika.’

10 “Nakhu iKosi ePhakemeko uJehova ekutjhoko: ‘Ngizokuqeda isiqubuthu seGibhide ngesandla seKosi yeBhabhiloni uNebukadinetsari.*+ 11 Yena namasotjhakhe, isitjhaba esinelunya khulu,+ sizokulethwa bona sitjhabalalise inarha. Bazokukhupha iinsabula zabo ngokujamelene neGibhide, bazalise nenarha ngokurhayilwa.+ 12 Ngizokwenza imisele yeNayili+ iphenduke ihlabathi eyomileko begodu ngizokuthengisela abantu abakhohlakeleko inarha. Ngizokutjhiya inarha nakho koke okukiyo kunganalitho ngesandla sabantu abavela kwezinye iinarha.+ Mina Jehova ngikhulumile.’

13 “Nakhu iKosi ePhakemeko uJehova ekutjhoko: ‘Ngizokutjhabalalisa neenthombe ezinyenyisako* ngiqede abozimu abangasizi ngalitho beNofi*+ angekhe kusaba nekosana enarheni yeGibhide begodu ngizokubangela ukusaba enarheni yeGibhide.+ 14 Ngizokutjhabalalisa iPatrosi,+ ngitjhise iTsowani, ngikhuphe nesahlulelo eNo.*+ 15 Ngizokuthululela ilaka lami eSini endaweni esiphephelo yeGibhide, ngitjhabalalise abantu beNo. 16 Ngizokutjhisa iGibhide; iSini izokusaba iNo, izokuphulwa ingenelwe neNofi* izokusahlelwa emini baqalile! 17 Amasokana we-Oni* nePhi-Besethi azokubulawa ngesabula begodu amadorobho azokuya ekuthunjweni. 18 ETarhipanirhesi kuzokuba emini mnyama lokha nangiphula iinsimbi zejogi eGibhidapho.+ Amandlayo wokuzikhakhazisa azokuphela,+ amafu azoyigubuzesa, amadorobhayo azokuya ekuthunjweni.+ 19 Ngizokukhupha isahlulelo eGibhide, kuzokufuze bazi ukuthi nginguJehova.’”

20 Ngomnyaka we-11 ngenyanga yokuthoma, ngelanga lekhomba lenyanga, ilizwi lakaJehova lafika kimi, lathi: 21 “Ndodana yomuntu, ngiphule umkhono kaFaro ikosi yeGibhide; angekhe ubotjhwe bona uphole namkha uphuthelwe ngebhanditjhi ukuthi ube namandla ngokwaneleko bona ukwazi ukubamba isabula.”

22 “Nje-ke nakhu iKosi ePhakemeko uJehova ekutjhoko: ‘Qala ngijamelene noFaro ikosi yeGibhide,+ ngizokuphula imikhonwakhe enamandla nephukileko+ ngizokwenza isabula iziwele esandleni sakhe.+ 23 Ngemva kwalokho, ngizokurhatjhela amaGibhide hlangana neentjhaba bese ngiwaphadlhalaje hlangana neenarha.+ 24 Ngizokuqinisa imikhono yekosi yeBhabhiloni,+ ngifake isabulami esandleni sayo,+ ngizokuphula imikhono* kaFaro, uzokuqumela phezulu njengomuntu ofako phambi kwayo.* 25 Ngizokuqinisa imikhono yekosi yeBhabhiloni kodwana imikhono kaFaro izokulembelela; kuzokufuze bazi ukuthi nginguJehova nangibeka isabulami esandleni sekosi yeBhabhiloni begodu iyisebenzise ngokujamelene nenarha yeGibhide.+ 26 Ngizokurhatjhela amaGibhide hlangana neenarha, ngizokurhatjhela amaGibhide hlangana neentjhaba, ngiwaphadlhalajele hlangana neenarha,+ kuzokufuze bazi ukuthi nginguJehova.’”

 4 Amanzi awenze wakhula waba mkhulu, imithombo edephileko yamanzi iyenze wakhula waba mude.

 5 Kungebangelo wakhula waba mude khulu ukudlula eminye imithi yesimini.

 8 Beyingekho eminye imithi yemisedari esesimini kaZimu+ ebeyifana nawo.

10 “Nje-ke nakhu iKosi ePhakemeko uJehova ekutjhoko: ‘Ngebanga lokuthi waba mude khulu, wafika emafini, ihliziywawo yathoma ukuzikhakhazisa ngebanga lobude bawo, 11 ngizowunikela ezandleni zababusi abanamandla beentjhaba.+ Nakanjani uzokujamelana nawo, ngizowulahla ngebanga lokukhohlakala kwawo. 12 Abantu abavela kwezinye iinarha, abantu abanelunya khulu eentjhabeni, bazowugawula, bazowutjhiya eentabeni begodu amakari wakhona azokuwela kiyo yoke imirhoba neempande zawo zizokuphukela kiyo yoke imilanjana yenarha.+ Zoke iintjhaba zephasi zizokusuka emthunzinawo ziwutjhiye. 13 Zoke iinyoni zomkayi zizokuhlala esidindini sawo esiwileko, nazo zoke iimbandana zemmangweni zizokuhlala eempandeni zawo.+ 14 Bona kungasaba nemithi ehlanu kwamanzi ekhula ibe mide khulu namkha ikhule ibe mide ifike emafini begodu kungasaba nomuthi othelelelwa kuhle ozokuphakama njengawo. Ngombana yoke izokufa, iye enarheni ephasi, kuhlanganise namadodana wabantu, azokuya ethuneni.

15 “Nakhu iKosi ePhakemeko uJehova ekutjhoko: ‘Ngelanga ozokuya ngalo eThuneni,* ngizokubangela ukulila. Nje-ke ngizokugubuzesa amanzi adephileko, ngivimbe imilambawo bona amanzi amanengi avimbezeleke. Ngebanga lawo, iLibhanoni lizokuba mnyama, nemithi yakhona izokutjhwaba. 16 Nakuzwakala itjhada lokuwa kwawo, ngizokubangela iintjhaba zihlengezele nangiwehlisela eThuneni,* nabo boke abaya emgodini, nayo yoke imithi ye-Edeni,+ ekhethekileko nephuma phambili yeLibhanoni, yoke ethelelelwe kuhle, izokududuzwa enarheni ephasi. 17 Baye eThuneni* nawo,* labo abarhayile ngesabula,+ nabasekeli bawo ebebahlala emthunzinawo hlangana neentjhaba.’+

18 “‘Ngimiphi imithi ye-Edeni ebeyifana nawe ngokuphazimula nobukhulu?+ Kodwana wena nakanjani uzokwehliselwa phasi nemithi ye-Edeni bese uye enarheni ephasi. Uzokulala phasi hlangana nabangakasokwa, nalabo abarhayilwe yisabula. Lokhu kuzokwenzeka kuFaro nakiso soke isiqubuthu sakhe,’ kutjho iKosi ePhakemeko uJehova.”

 3 Nakhu iKosi ePhakemeko uJehova ekutjhoko:

 7 ‘Lokha nawucinyiweko, ngizokugubuzesa izulu neenkwekwezi zalo zizokuba mnyama.

11 Ngombana nakhu iKosi ePhakemeko uJehova ekutjhoko:

‘Isabula yekosi yeBhabhiloni izokuza phezu kwakho.+

Zizokwehlisa koke ukuzikhakhazisa kweGibhide, nazo zoke iinqubuthu zayo zizokurhayilwa.+

Azoyibhinela iGibhide nazo zoke iinqubuthu zayo,’ kutjho iKosi ePhakemeko uJehova.”

17 Nje-ke ngomnyaka we-12, ngelanga le-15 lenyanga, ilizwi lakaJehova lafika kimi, lathi: 18 “Ndodana yomuntu, rhahlawula eenqubuthweni zeGibhide begodu uyehlisele enarheni ephasi, yona namadodakazi weentjhaba ezinamandla, nalabo abatjhinga emgodini.*

19 “‘Ngubani omdlulako ngobuhle? Tjhinga ethuneni, uyokulaliswa nabangakasokwa!’

20 “‘Bazokubulawa nalabo ababulewe ngesabula.+ Uzokunikelwa esabuleni; mdoseni neenqubuthu zakhe zoke.

21 “‘Kusukela ekuzikeni kweThuna,* iingorho ezinamandla zizokukhuluma naye nabasizi bakhe. Nakanjani zizokukhamba begodu zizokulaliswa njengabangakasokwa, ababulewe ngesabula. 22 I-Asiriya ilapho nehlanganwayo yoke. Amathunayo ambhodile, boke babulewe ngesabula.+ 23 Amathunakhe asekuzikeni emgodini begodu ihlanganwakhe ibhode ithuna lakhe, boke babulewe ngesabula ngombana babangele ukusaba enarheni yabaphilako.

24 “‘I-Elamu+ ilapho naso soke isiqubuthu sayo sibhode ithuna layo, boke babulewe ngesabula. Behlele phasi nabangakasokwa enarheni ephasi, labo ababangela ukusaba enarheni yabaphilako. Nje, bazokuba neenhloni nalabo abatjhinga emgodini.* 25 Bayenzele umbhede hlangana nababuleweko nazo zoke iinqubuthu zayo magega namathunayo. Boke abakasokwa, babulewe ngesabula ngombana babangele ukusaba enarheni yabaphilako; bazokuthwala ihlazo labo nalabo abatjhinga emgodini.* Ngombana ikosi nayo ibekwe hlangana nabafileko.

26 “‘Kulapho uMetjheki noTubali+ nazo zoke iinqubuthu zakhe zikhona. Amathunabo woke ambhodile. Boke abakasokwa, bahlatjwe ngesabula ngombana babangele ukusaba enarheni yabaphilako. 27 Kghani angekhe na balaliswe emathuneni neengorho ezinamandla ezingakasokwa eziwileko, eziye phasi eThuneni* neenkhali zazo zepi? Zizokubeka iinsabula zazo ngaphasi kweenhloko* zazo nezono zazo emathanjenazo, ngebanga lokuthi iingorhwezi zibangele ivalo enarheni yabaphilako. 28 Kodwana wena uzokuphahlazwa hlangana nabangakasokwa begodu uzokulaliswa nalabo abarhayilwe ngesabula.

29 U-Edomu+ ulapho, amakhosakhe nawo woke amakhosanakhe, naphezu kwamandlabo, balaliswa hlangana nalabo abarhayilwe ngesabula; nabo bazokulaliswa nabangakasokwa+ nalabo abaya phasi ethuneni.

30 “‘Lapho kunawo woke amakhosana wetlhagwini nawo woke weTsidoni,+ abehlele phasi ngehlazo ngokurhayilwa naphezu kwevalo elibangelwe babantu babo abanamandla. Bazokulaliswa nalabo abarhayilwe ngesabula begodu bazokuthwala ihlazo labo nalabo abehlela phasi nabo ethuneni.

31 “‘UFaro uzokubona koke lokhu begodu uzokududuzeka ngakho koke okwenzakalele isiqubuthu sakhe;+ uFaro nalo loke ibutho lakhe bazokurhayilwa ngesabula,’ kutjho iKosi ePhakemeko uJehova.

32 “‘Ngombana ubangele ukusaba enarheni yabaphilako, uFaro naso soke isiqubuthu sakhe bazokulaliswa nabangakasokwa, nalabo abarhayilwe ngesabula,’ kutjho iKosi ePhakemeko uJehova.”

33 Ilizwi lakaJehova lafika kimi, lathi: 2 “Ndodana yomuntu, khuluma namadodana wabantu bakho,+ uthi kiwo,

“‘Akhe sithi ngiletha isabula enarheni+ begodu boke abantu benarha leyo bathathe umuntu bamenze umlindi, 3 abone isabula iza enarheni abethe iphondo bese ayelelise abantu.+ 4 Nangabe othileko uzwa itjhada lephondo kodwana angasilaleli isiyeleliso+ nesabula imfikele imbulale,* iingazi zakhe zizokuba phezu kwehlokwakhe.+ 5 Ulizwile itjhada lephondo kodwana akhenge alalele isiyeleliso. Iingazi zakhe zizokuba phezu kwakhe. Nangabe usilalelile isiyeleliso, ukuphila kwakhe bekuzokusindiswa.

6 “‘Kodwana nangabe umlindi ubona isabula iza begodu angabethi iphondo,+ abantu bangafumani isiyeleliso, isabula ifike ibulale ukuphila komunye wabo, umuntu loyo uzokufela umtjhaphwakhe kodwana iingazi zakhe ngizozifuna kumlindi.’+

7 “Nakunguwe, ndodana yomuntu, ngikubeke bona ube mlindi endlini yakwa-Israyeli; nawuzwa ilizwi eliphuma emlonyenami, kufuze ungiyelelisele bona.+ 8 Lokha nangithi emuntwini okhohlakeleko, ‘Wena okhohlakeleko, uzokufa nakanjani!+ kodwana ungakhulumi naye bona umyelelise okhohlakeleko bona atjhugulule indlelakhe, uzokufa njengomuntu okhohlakeleko ngebanga lemitjhaphwakhe+ kodwana iingazi zakhe ngizozibuza kuwe. 9 Kodwana nawumyelelisako okhohlakeleko bona atjhuguluke endlelenakhe bese angafuni ukutjhugulula indlelakhe, uzokufa ngebanga lomtjhaphwakhe+ kodwana wena ngokuqinisekileko uzokusindisa ukuphila kwakho.+

10 “Wena ndodana yomuntu, ithi endlini yakwa-Israyeli, ‘Nina nithe: “Ukuvukela kwethu nezono zethu kuyasidisibeza kubangela bona sitjhabalale;+ nje-ke sizokuragela phambili njani siphila?”’+ 11 “Nangisaphilako,” kutjho iKosi ePhakemeko uJehova, “Akungithabisi ukufa komuntu okhohlakeleko+ kodwana ngifisa ngasuthi okhohlakeleko angatjhuguluka endlelenakhe+ bese aragele phambili aphila.+ Phendukani, phendukani eendleleni zenu ezimbi+ ngombana kubayini kufuze nife nina ndlu ka-Israyeli?”’+

12 “Wena ndodana yomuntu, tjela amadodana wabantu bekhenu, ‘Ukulunga komuntu olungileko angekhe kumsindise lokha nakavukelako;+ namkha ukukhohlakala komuntu okhohlakeleko kumenze awe ngelanga aphenduka ngalo ekukhohlakaleni kwakhe;+ namkha olungileko aragele phambili aphila ngebanga lokulunga kwakhe ngelanga ona ngalo.+ 13 Lokha nangithi kolungileko; “Nakanjani uzokuragela phambili uphila” bese athembele ekulungeni kwakhe enze okungakalungi,+ izenzo zokulunga kwakhe angeze zikhunjulwe kodwana uzokufa ngebanga lokungalungi akwenzileko.+

14 “‘Nangithi kokhohlakeleko: “Nakanjani uzokufa,” aphenduke esonweni sakhe bese enze okuhle nokulungileko,+ 15 okhohlakeleko abuyisele akuthetheko ebekusibambiso,+ abhadele akudlelezeleko+ begodu akhambe ngendlela yokuphila, ngokuthi angenzi okungakalungi, nakanjani uzokuragela phambili aphila.+ Angekhe afe. 16 Zoke izono azenzileko angekhe zikhunjulwe+ ngebanga lokwenza okuhle nokulungileko, nakanjani uzokuragela phambili aphila.’+

17 “Kodwana abantu bekhenu bathe, ‘Indlela kaJehova ayikalungi,’ kanti yindlelabo engakalungi.

18 “Lokha umuntu olungileko nakatjhiya okulungileko bese enze okumbi, kufuze akufele lokho.+ 19 Nange umuntu okhohlakeleko alisa ukukhohlakala kwakhe bese enze okuhle nokulungileko, uzokuragela phambili aphila ngokwenza njalo.+

20 “Kodwana nina nithe, ‘Indlela kaJehova ayikalungi.’+ Ngizokwahlulela ngamunye wenu ngokweendlela zakhe, maye! Ndlu ka-Israyeli.”

21 Ekupheleni komnyaka we-12, ngenyanga yetjhumi, ngelanga lesihlanu lenyanga lokudingiswa kwethu, umuntu ophunyurhe eJerusalema wafika kimi+ wathi: “Idorobho litjhatjalalisiwe!”+

22 Ngobusuku bangaphambi kokuthi kufike umuntu ophunyurhileko, isandla sakaJehova safika kimi, wavula umlomami ngaphambi kokuthi umuntu loyo afike ekuseni. Nje-ke umlomami wavuleka begodu bengingasese simumu.+

23 Nje-ke ilizwi lakaJehova lafika kimi, lathi: 24 “Ndodana yomuntu, izakhamuzi zamarubhi la+ zithi malungana nenarha yakwa-Israyeli, ‘U-Abrahama bekayedwa nanyana kunjalo wathatha inarha.+ Kodwana thina sibanengi; ngokuqinisekileko inarha inikelwe thina bona ibe lilifa.’

25 “Nje-ke ithi kibo, ‘Nakhu iKosi ePhakemeko uJehova ekutjhoko: “Nidla ukudla okuneengazi,+ nithembela eenthombeni zenu ezinyenyisako* begodu niragela phambili niphalaza iingazi.+ Nje-ke kubayini kufuze nifumane inarha? 26 Nithembele esabulenenu,+ nenza izenzo ezinyenyisako, ngamunye wenu usilaphaze umfazi kamakhelwanakhe.+ Nje-ke kubayini kufuze nifumane inarha?”’+

27 “Nakhu ekufuze ukutjho kibo, ‘Nakhu iKosi ePhakemeko uJehova ekutjhoko: “Nangisaphilako, labo abahlala emarubhini bazokufa ngesabula; labo abasematatawini avulekileko bazokuba kukudla kweembandana; labo abahlala eendaweni ezisiphephelo nemarholweni bazokufa ngokugula.+ 28 Ngizokwenza inarha ibe marubhi,+ ukuzikhakhazisa kwayo kuzokuphela, iintaba zakwa-Israyeli zizokutjhatjalaliswa+ kungabi nomuntu odlulako. 29 Kuzokufuze bazi ukuthi nginguJehova nangenza inarha ibe marubhi,+ ngiyitjhiye inganalitho ngebanga lazo zoke izinto ezinyenyisako abazenzileko.”’+

30 “Nakunguwe ndodana yomuntu, abantu bekhenu bakhuluma komunye nomunye ngawe hlanu kwamaboda, eminyango yezindlu.+ Omunye atjele omunye, omunye atjele umfowabo athi, ‘Izani, asizweni ilizwi elivela kuJehova.’ 31 Nje-ke bazokubuthelelana bahlale phambi kwakho njengabantu bami; bazowezwa amezwakho kodwana angekhe bawenze.+ Ngombana ngemilomabo bayakutshima kodwana iinhliziyo zabo zimarhamaru ngebanga lenzuzo engakathembeki. 32 Qala! Unjengengoma yethando kibo, evunywa ngephimbo elimnandi, edlalwa ngekghono ngeenliliso zesinara. Bazowezwa amezwakho kodwana akekho ozowenza. 33 Nakaba liqiniso, azokuba liqiniso, kuzokufuze bazi ukuthi umphorofidi bekaphakathi kwabo.”+

34 Ilizwi lakaJehova lafika kimi godu, lathi: 2 “Ndodana yomuntu, phorofida ngokujamelene nabelusi bakwa-Israyeli. Phorofida uthi ebelusini, ‘Nakhu iKosi ePhakemeko uJehova ekutjhoko: “Maye! Kubelusi bakwa-Israyeli,+ ebebazondla bona! Kghani akusimhlambi okufuze abelusi bawondle?+ 3 Nidla amafutha, nizimbathise ngewulu, nihlabe isilwana esinonileko+ begodu aniwondli umhlambi.+ 4 Akhenge niqinise ezibuthakathaka, nilaphe ezigulako, nibophe amanceba wezilimeleko, nibuyise eziphambukileko endleleni,+ nifune ezilahlekileko kunalokho niziphathe kabuhlungu nazenza iingqila.+ 5 Yeke zarhatjheka ngebanga lokobana bezinganamelusi;+ zarhatjheka begodu zaba kukudla kwazo zoke iimbandana. 6 Izimvu zami beziphambukela kizo zoke iintaba nakiyo yoke imibundu ephakemeko; izimvu zami bezirhatjhekele kilo loke iphasi, kunganamuntu ozizumako namkha ozifunako.

7 “‘“Nje-ke, nina belusi yizwani ilizwi lakaJehova: 8 ‘“Nangisaphilako,” kutjho iKosi ePhakemeko uJehova, “ngebanga lokuthi izimvu zami zibe ziinyamazana, ukudla kwazo zoke iimbandana, ngombana bezinganamelusi begodu abelusi bami akhenge bazifune izimvu zami, kunalokho bebasolo bazondla bona, akhenge bondle izimvu zami,”’ 9 nje-ke nina belusi, yizwani ilizwi lakaJehova. 10 Nakhu iKosi ePhakemeko uJehova ekutjhoko: ‘Ngijamelene nabelusi, ngizobenza baphendule ngebanga lezimvu zami,* ngizobasusa angekhe basondla izimvu zami+ begodu angekhe basazondla bona. Ngizokusindisa izimvu zami emlonyenabo, angekhe zisaba kukudla kibo.’”

11 “‘Ngombana ngilokhu iKosi ePhakemeko uJehova ekutjhoko: “Qala, mina ngokwami ngizozifuna izimvu zami bese ngizozitlhogomela.+ 12 Ngizokutlhogomela izimvu zami njengomelusi ofumene izimvu zakhe zirhatjhekile begodu azondle.+ Ngizozisindisa kizo zoke iindawo ebezirhatjhekele kizo ngelanga lamafu nobumnyama obukhulu.+ 13 Ngizobakhupha esitjhabeni, ngibabuthelele ndawonye eenarheni ngibalethe enarhenabo, ngibondle eentabeni zakwa-Israyeli,+ eduze nomlanjana nakizo zoke iindawo abahlala kizo enarheni. 14 Ngizozenza zidlele emadlelweni amahle, inarha ezizokudla kiyo izokuba kwa-Israyeli eentabeni eziphezulu.+ Zizokulala lapho phasi, enarheni enamadlelo amahle+ begodu zizokudla emadlelweni aphuma phambili eentabeni zakwa-Israyeli.”

15 “‘“Mina ngokwami ngizokondla izimvu zami,+ mina ngokwami ngizozenza zilale phasi,”+ kutjho iKosi ePhakemeko uJehova. 16 Elahlekileko ngizoyizuma,+ ephambukileko ngizoyibuyisa endleleni, elimeleko ngizoyibopha amanceba, ebuthakathaka ngizoyiqinisa; kodwana enonileko neqinileko ngizoyitjhabalalisa. Ngizoyondla ngesahlulelo.”

17 “‘Nakungini zimvu zami, nakhu iKosi ePhakemeko uJehova ekutjhoko: “Ngizokwahlulela imvu nemvu, ngahlulele hlangana namaramu neempongo.+ 18 Kghani akukaneli ngani bona nidle emadlelweni amahle? Kghani kufuze nigadange woke amadlelwenu ngeenyawo zenu? Ngemva kobana nisele amanzi ahlanzekileko, kghani kufuze niwasilaphaze ngokufaka iinyawo zenu kizo? 19 Kghani izimvu zami kufuze zidle emadlelweni eniwagadange ngeenyawo zenu begodu zisele amanzi eniwasilaphaze ngokufaka iinyawo zenu kiwo?”

20 “‘Nakhu iKosi ePhakemeko uJehova ekutjhoko: “Qala, mina ngokwami ngizokwahlulela hlangana nemvu enonileko neyondileko, 21 ngombana ngehlangothi nangehlombe lenu benisolo nisunduza, ngeempondo zenu boke abagulako bekwaba kulapho nibarhatjhela kude. 22 Ngizokusindisa izimvu zami, angekhe zisaba ziinyamazana,+ ngizokwahlulela phakathi kwemvu nemvu. 23 Ngizokubeka umelusi phezu kwabo,+ incekwami uDavida,+ yena ngokwakhe uzobondla abe ngumelusabo.+ 24 Mina Jehova ngizokuba nguZimabo,+ incekwami uDavida izokuba mdosiphambilabo.+ Mina Jehova ngikhulumile.

25 “‘“Ngizokwenza isivumelwano sokuthula nabo,+ ngizokuqotha enarheni iimbandana eziyingozi+ bona bahlale ngokuvikeleka emmangweni, balale nemahlathini.+ 26 Ngizokwenza ukuthi bona nendawo ebhode umbundwami ibe sibusiso,+ ngizokubangela izulu line ngesikhathi esifaneleko. Iimbusiso zizokuna njengezulu.+ 27 Imithi yesimu izokuveza iinthelo zayo nehlabathi izokuveza umkhiqizwayo,+ bazokuhlala ngokuvikeleka enarheni begodu kuzokufuze bazi ukuthi nginguJehova nangiphula iinsimbi zabo zejogi,+ ngibasindise kilabo ababagqilazako. 28 Angekhe basaba ziinyamazana zeenarha, iimbandana zephasi angekhe zisabarhiribidela, bazokuhlala ngokuvikeleka kungabi nomuntu obathusako.+

29 “‘“Ngizobenzela isitjalo sedumo, angekhe basabulawa yindlala enarheni+ begodu angekhe basahlaziswa ziintjhaba.+ 30 ‘Nje-ke kuzokufuze bazi ukuthi mina Jehova uZimabo nginabo nokuthi bona, indlu yakwa-Israyeli bababantu bami,’+ kutjho iKosi ePhakemeko uJehova.”’

31 “‘Nakungini zimvu zami,+ izimvu engizitlhogomelako, nibabantu kwaphela begodu mina nginguZimenu,’ kutjho iKosi ePhakemeko uJehova.”

35 Ilizwi lakaJehova lafika kimi godu, lathi: 2 “Ndodana yomuntu, qalisa ubuso bakho esifundeni seentaba seSeyiri,+ uphorofide ngokujamelene naso.+ 3 Ithi kiso, ‘Nakhu iKosi ePhakemeko uJehova ekutjhoko: “ Maye! Sifunda seentaba zeSeyiri, qala! Ngijamelene nawe, ngizokululela isandla sami ngokujamelene nawe, ngikwenze inarha enganalitho, emarubhi.+ 4 Ngizokwenza amadorobhakho abe marubhi, uzokuba yinarha enganalitho emarubhi+ begodu kuzokufuze wazi ukuthi nginguJehova. 5 Ngombana wena utjengise ubutha obungapheliko,+ wanikela ama-Israyeli esabuleni ngesikhathi sehlekelelabo, ngesikhathi sokujeziswa kwabo kokugcina.”’+

6 “‘Nje-ke nangisaphilako,’ kutjho iKosi ePhakemeko uJehova, ‘Ngizokulungiselela ukuphalaka kweengazi, ukuphalaka kweengazi kuzokugijimisa.+ Ngombana bekuziingazi ozihloyileko, ukuphalaka kweengazi kuzokugijimisa.+ 7 Ngizokwenza isifunda seentaba seSeyiri inarha enganalitho emarubhi,+ ngizokususa kiyo nanyana ngubani odlulako nobuyela kiyo. 8 Ngizokuzalisa iintaba zayo ngababuleweko; ababulewe ngesabula bazokuwela ngemibundwinakho, emirhobenakho nakiyo yoke imilanjanakho. 9 Ngizokutjhabalalisa ngokupheleleko, amadorobhakho angekhe asaba nezakhamuzi+ begodu kuzokufuze wazi ukuthi nginguJehova.’

10 “Ngombana uthe, ‘Iintjhabezi zombili neenarhezi zombili zizokuba ngezami begodu sizozithatha zombili,’+ ngitjho nanyana uJehova ngokwakhe bekalapho, 11 ‘nje-ke nangisaphilako,’ kutjho iKosi ePhakemeko uJehova, ‘Ngizokuphatha ngendlela efana nelaka, umona nehloyo obe nayo kibo;+ ngizozenza ngaziwe phakathi kwabo nangikwahlulelako. 12 Kuzokufuze nazi ukuthi mina, Jehova, ngizizwe zoke izinto enizikhulume ngokudelela eentabeni zakwa-Israyeli nanithi, “Batjhatjalalisiwe begodu banikelwe kithi bona sibarhiribidele.”* 13 Ukhulume ngokuzikhakhazisa ngokujamelene nami begodu wandisa amezwakho ngokujamelene nami.+ Ngiwezwe woke.’

14 “Nakhu iKosi ePhakemeko uJehova ekutjhoko: ‘Iphasi loke lizokuthaba nangikwenza inarha enganalitho, emarubhi. 15 Njengombana bewuthabile lokha ilifa lakwa-Israyeli nalitjhatjalaliswako, ngizokwenza ngendlela efanako nangawe.+ Uzokuba lirubhi elinganalitho, maye! Sifunda seentaba seSeyiri, iye, woke u-Edomu;+ kuzokufuze azi ukuthi nginguJehova.’”

36 “Nakunguwe, ndodana yomuntu, phorofida malungana neentaba zakwa-Israyeli uthi, ‘Maye! Ntaba yakwa-Israyeli lalela ilizwi lakaJehova. 2 Nakhu iKosi ePhakemeko uJehova ekutjhoko: “Inaba lithe ngokujamelene nawe, ‘Arha! Ngitjho neendawo eziphakemeko zekadeni zibe lilifa lethu!’”’+

3 Nje-ke phorofida uthi, ‘Nakhu iKosi ePhakemeko uJehova ekutjhoko: “Ngombana bakutjhabalalisile begodu bakusahlela mahlangothi woke, nje-ke bazokuba lilifa labasindileko hlangana neentjhaba nabantu abasolo bakhuluma ngawe begodu bakuhleba,+ 4 nje-ke, maye! Ntaba zakwa-Israyeli, lalelani ilizwi leKosi ePhakemeko uJehova. Nakhu iKosi ePhakemeko uJehova ekutjhoko eentabeni nemibundwini, emilanjaneni nemirhobeni, emarubhini atjhatjalalisiweko+ nemadorobheni atjhiyiweko, adlelezelweko begodu ahlekwa babantu abasindileko beentjhaba ezibabhodileko;+ 5 kizo iKosi ePhakemeko uJehova ithi: ‘Ngobukhali bami+ ngizokukhuluma nabasindileko beentjhaba nangokujamelene nayo yoke i-Edomu, labo ngokuthaba okukhulu nangokuhleka+ bathe inarhami ililifa labo, bazokuthatha amadlelwayo bese bayidlelezele.’”’+

6 Nje-ke phorofida malungana nenarha yakwa-Israyeli, uthi eentabeni nemibundwini, emilanjaneni nemirhobeni, ‘Nakhu iKosi ePhakemeko uJehova ekutjhoko: ‘Qalani! Ngizokukhuluma ngetjisekwami nangelaka lami ngombana nithwele ihlazo leentjhaba.”’+

7 Nje-ke nakhu iKosi ePhakemeko uJehova ekutjhoko: ‘Mina ngokwami ngizokuphakamisa isandla sami ngifunge ngeentjhaba ezinibhodileko, ukuthi zona ngokwazo zizokuthwala ihlazo lazo.+ 8 Kodwana nina, maye! Ntaba zakwa-Israyeli, nizokukhiqiza iimpande, nithwale neenthelo zenu, nithwalele abantu bami u-Israyeli,+ ngombana kungasikade bazokubuya. 9 Ngombana nginani, ngizokuqala kini begodu nizokuhlakulwa, nitjalwe ngembewu. 10 Ngizokwandisa abantu benu, yoke indlu yakwa-Israyeli, iye yoke begodu amadorobho azokuhlalwa+ namarubhi azokwakhiwa kabutjha.+ 11 Ngizokwandisa abantu benu nefuywenu;+ bazokwanda babe banengi. Ngizonenza nihlalwe njengaphambilini+ begodu nizokuphumelela ukudlula ngaphambilini,+ kuzokufuze nazi ukuthi nginguJehova.+ 12 Ngizokwenza abantu, iye abantu bami u-Israyeli bona bakhambe phezu kwenu, bazonithatha.+ Nizokuba lilifa labo, angekhe nisabenza bangasaba nabantwana.’”+

13 Nakhu iKosi ePhakemeko uJehova ekutjhoko: ‘Ngombana bathi kini, “Niyinarha erhiribidela abantu nethathela iintjhaba zenu abantwana,”’ 14 ‘nje-ke angekhe usarhiribidela abantu namkha ubenze isitjhaba esinganabantwana,’ kutjho iKosi ePhakemeko uJehova. 15 ‘Angekhe ngisakwenza ube yinto yokuthukwa ziintjhaba namkha ngikwenze uthwale ukudelelwa babantu,+ angekhe usabangela iintjhaba zakho ukuthi ziwe,’ kutjho iKosi ePhakemeko uJehova.”

16 Ilizwi lakaJehova lafika kimi godu, lathi: 17 “Ndodana yomuntu, lokha abantu bendlu ka-Israyeli nabahlala enarhenabo, bazisilaphaza ngeendlela zabo nangokuziphatha kwabo.+ Iindlela zabo bezinjengokusilaphala kokuya esikhathini kimi.+ 18 Nje-ke ngathululela ilaka lami kibo ngebanga leengazi abaziphalaze enarheni+ begodu ngombana benze inarha yasilaphala ngeenthombe zabo ezinyenyisako.*+ 19 Nje-ke ngabarhatjhela hlangana neentjhaba, ngabaphadlhalaja hlangana neenarha.+ Ngabahlulela ngendlelabo nangokuziphatha kwabo. 20 Kodwana nabafika eentjhabenezo, abantu basilaphaza igama lami elicwengileko+ ngokuthi ngabo, ‘Laba babantu bakaJehova kodwana kwafuze batjhiye inarhakhe.’ 21 Nje-ke ngizokutjengisa ukutshwenyeka ngegama lami elicwengileko indlu ka-Israyeli elisilaphazileko hlangana neentjhaba eye kizo.”+

22 “Nje-ke ithi endlini yakwa-Israyeli. ‘Nakhu iKosi ePhakemeko uJehova ekutjhoko: “Akusingebanga lenu ngenza lokhu, maye! Ndlu ka-Israyeli kodwana kungebanga legama lami elicwengileko, enilisilaphazileko hlangana neentjhaba eniye kizo.”’+ 23 ‘Nakanjani ngizokucwengisa igama lami elikhulu,+ elasilaphazwa hlangana neentjhaba, enilisilaphaze hlangana nazo; iintjhaba kuzokufuze zazi ukuthi nginguJehova,’+ kutjho iKosi ePhakemeko uJehova, ‘Nangizicwengisako phakathi kwenu phambi kwamehlwabo. 24 Ngizonithatha eentjhabeni nginibuthelele, nginibuyise kizo zoke iinarha benginibuyise enarhenenu.+ 25 Ngizonifafaza ngamanzi ahlwengileko begodu nizokuhlwengeka;+ ngizonihlanza kikho koke ukusilaphala kwenu+ nakizo zoke iinthombe zenu ezinyenyisako.+ 26 Ngizokunikela ihliziyo etja,+ ngifake ummoya omutjha phakathi kwakho.+ Ngizokususa ihliziyo yelitje+ emzimbenakho ngikunikele ihliziyo yenyama.* 27 Ngizokufaka ummoyami phakathi kwenu, ngizonibangela bona nikhambe ngeenqophiso zami,+ nizokwenza beniphethe iinqunto zami zokwahlulela. 28 Ngemva kwalokho, nizokuhlala enarheni engayinikela abokhokho benu, nizokuba babantu bami, ngizokuba nguZimenu.’+

29 “‘Ngizonisindisa kikho koke ukusilaphala kwenu, ngenze ikoroyi ibe yinengi begodu angekhe ngilethe indlala kini.+ 30 Ngizokwenza isithelo somuthi nomkhiqizo wesimu kube kunengi bona ungasatlhagiswa lihlazo lendlala hlangana neentjhaba.+ 31 Ngemva kwalokho, uzokukhumbula iindlela zakho ezikhohlakeleko nezenzo zakho ebezingakalungi, uzozinyenya ngebanga lomlandwakho nangezenzo zakho ezinyenyisako.+ 32 Kodwana yazini lokhu: Angenzi lokhu ngebanga lenu,’+ kutjho iKosi ePhakemeko uJehova. ‘Kunalokho, yibani neenhloni nizizwe nihlazisekile ngebanga leendlela zenu, maye! Ndlu ka-Israyeli.’

33 “Nakhu iKosi ePhakemeko uJehova ekutjhoko: ‘Ngelangelo ngizonihlanza kiwo woke umlandwenu, ngizokubangela amadorobho abe nezakhamuzi+ namarubhi akhiwe kabutjha.+ 34 Inarha etjhatjalalisiweko, eyatjhiywa imarubhi bona woke umuntu odlulako ayibone, izokuhlakulwa. 35 Nabantu bazokuthi: “Inarha etjhatjalalisiweko seyifana nesimu ye-Edeni,+ namadorobho ebekamarubhi, atjhatjalaliswa, agirizwa sewavikelekile anezakhamuzi.”+ 36 Iintjhaba eziseleko ezinibhodileko kuzokufuze zazi ukuthi mina, Jehova, ngakhe ebekugiriziwe, ngitjale ebekungasekho. Mina Jehova ngikhulumile begodu ngikwenzile.’+

37 “Nakhu iKosi ePhakemeko uJehova ekutjhoko: ‘Ngizokuvumela indlu yakwa-Israyeli ingibawe bona ngandise abantu babo njengomhlambi. 38 Njengomhlambi wabacwengileko, njengomhlambi weJerusalema* hlangana nomnyanyayo,+ amadorobho ebewamarubhi azokugcwala umhlambi wabantu+ begodu kuzokufuze bazi ukuthi nginguJehova.’”

37 Isandla sakaJehova besiphezu kwami begodu ngommoyakhe uJehova wangithatha, wangihlalisa phasi phakathi komrhoba othabaleleko+ begodu bekuzele amathambo. 2 Wangenza ngadlula magega nawo woke, ngabona amathambo amanengi alele lapho emrhobeni othabaleleko begodu bekome kere.+ 3 Wangibuza wathi: “Ndodana yomuntu, kghani amathambo la angaphila godu?” Ngathi: “Kosi ePhakemeko Jehova, nguwe owaziko.”+ 4 Yeke wathi kimi: “Phorofida emathanjeni la uthi kiwo, ‘Nina mathambo ome kere yizwani ilizwi lakaJehova:

5 “Nakhu iKosi ePhakemeko uJehova ekutjhoko emathanjeni la: “Ngizokwenza umphefumulo ungene kini bese nizokuphila.+ 6 Ngizokufaka imisipha nenyama kini begodu ngizonivala ngesikhumba, ngifake nomphefumulo kini, nizokuphila; kuzokufuze nazi ukuthi nginguJehova.”’”

7 Nje-ke ngaphorofida njengombana ngiyaliwe. Msinyana ngemva kobana ngiphorofidile, bekunetjhada, itjhada lobukhehlekhehle, amathambo athoma ukuhlangana, ithambo nethambo. 8 Yeke ngabona imisipha nenyama kiwo begodu isikhumba besiwavalile kodwana bekunganamphefumulo kiwo.

9 Nje-ke wathi kimi: “Phorofida emoyeni, phorofida ndodana yomuntu, uthi emoyeni, ‘Nakhu iKosi ePhakemeko uJehova ekutjhoko: “Yizani nivela emimoyeni emine, maye! Mmoya,* nivuthele ebantwinaba ababuleweko bona baphile.”’”

10 Yeke ngaphorofida njengombana ngiyaliwe, umphefumulo* wangena kiwo, athoma ukuphila bewajama ngeenyawo zawo,+ aba libutho elikhulu khulu.

11 Nje-ke wathi kimi: “Ndodana yomuntu, amathambo la ayindlu yoke yakwa-Israyeli.+ Athi, ‘Amathambethu omile, ithemba lethu litjhabalele.+ Sitjhabalele ngokupheleleko.’ 12 Nje-ke phorofida uthi kibo, ‘Nakhu iKosi ePhakemeko uJehova ekutjhoko: “Ngizokuvula amathunenu+ nginivuse emathunenenu, bantu bami begodu nginilethe enarheni yakwa-Israyeli.+ 13 Kuzokufuze nazi ukuthi nginguJehova nangivula amathunenu begodu nginivusa emathunenenu, maye! Bantu bami.”’+ 14 ‘Ngizokufaka ummoyami kini begodu nizokuphila,+ ngizonihlalisa enarhenenu, kuzokufuze nazi bona mina Jehova, ngikhulumile begodu ngikwenzile,’ kutjho uJehova.”

15 Ilizwi lakaJehova lafika kimi godu, lathi: 16 Nje-ke, wena ndodana yomuntu, thatha isigodo utlole kiso, ‘Utlolele uJuda nabantu bakwa-Israyeli abanaye.’+ Ngemva kwalokho, thatha esinye isigodo utlole kiso, ‘Utlolele uJosefa isigodo sakwa-Efrayimu nayo yoke indlu yakwa-Israyeli enaye.’+ 17 Nje-ke zihlanganise bona zibe sigodo sinye esandleni sakho.+ 18 Abantu bekhenu nabathi, ‘Kghani angekhe usitjele bona zitjho ukuthini izintwezi?’ 19 batjele ukuthi, ‘Nakhu iKosi ePhakemeko uJehova ekutjhoko: “Ngizokuthatha isigodo sakaJosefa esisesandleni saka-Efrayimu neenkoro zakwa-Israyeli ezinaye, ngizobahlanganisa nesigodo sakwaJuda begodu ngizobenza isigodo sinye,+ bazokuba munye esandleni sami.”’ 20 Iingodo otlole kizo kufuze zibe sesandleni sakho ukuthi babone.

21 Batjele ukuthi, ‘Nakhu iKosi ePhakemeko uJehova ekutjhoko: “Ngizokuthatha ama-Israyeli eentjhabeni aye kizo, ngiwabuthelele ndawonye kiwo woke amahlangothi, ngiwase enarhenawo.+ 22 Ngizobenza isitjhaba sinye enarheni,+ eentabeni zakwa-Israyeli boke bazokubuswa yikosi yinye,+ angekhe basaba ziintjhaba ezimbili namkha bahlukane babe mibuso emibili.+ 23 Angekhe basazisilaphaza ngeenthombe zabo ezinyenyisako,* ngezenzo zabo ezinyenyisako namkha ngayo yoke imitjhaphwabo.+ Ngizobasindisa kikho koke ukungathembeki kwabo abone ngakho, ngizobahlanza. Bazokuba babantu bami, mina ngokwami ngizokuba nguZimabo.+

24 “‘“Incekwami uDavida izokuba yikosabo,+ boke bazokuba nomalusi munye.+ Bazokukhamba ngeenqunto zami zokwahlulela begodu bazokuqinisekisa bona bakhamba ngemithethwami.+ 25 Bazokuhlala enarheni engayinikela incekwami uJakopo, lapha abokhokho babo ebebahlala khona,+ bazokuhlala khona ngokungapheliko,+ bona nabantwana* babo nabantwana babantwababo;+ uDavida incekwami, izokuba yikosanabo ngokungapheliko.+

26 “‘“Ngizokwenza isivumelwano sokuthula nabo,+ kuzokuba sivumelwano esingapheliko. Ngizobabeka ngibenze babe banengi,+ ngibeke indawami ecwengileko hlangana nabo ngokungapheliko. 27 Itende lami* lizokuba nabo, ngizokuba nguZimabo, bazokuba babantu bami.+ 28 Iintjhaba kuzokufuze zazi ukuthi mina Jehova, ngicwengisa u-Israyeli lokha indawami ecwengileko nayihlangana nabo ngokungapheliko.”’”+

38 Ilizwi lakaJehova lafika kimi godu, lathi: 2 “Ndodana yomuntu, qalisa ubuso bakho ngokujamelene noGogi enarheni yakwaMagogi,+ ikosana eyihloko yeMetjheki neTubali,+ uphorofide ngokujamelene nayo.+ 3 Uthi, ‘Nakhu iKosi ePhakemeko uJehova ekutjhoko: “Qala ngijamelene nawe, maye! Gogi kosana eyihloko yeMetjheki neTubali. 4 Ngizokuphendula ngifake amawugu emihlathinakho+ ngikukhuphe nawo woke amabuthwakho,+ iinjomani nabakhweli beenjomani boke bambethe izambatho eziphazimulako, ibandla elikhulu liphethe iimviko ezikulu nezincani* nabo boke abaphatha iinsabula; 5 IPheresiya, iTopiya nePhuthi+ banabo, boke banesiviko esincani nesikoporo; 6 IGomere nawo woke amasotjayo, indlu yeTogarima+ evela eengcenyeni ezikude zetlhagwini kuhlanganise nawo woke amasotjayo nesitjhaba esinengi esinabo.+

7 “‘“Zilungiseleleni ukusahlela, zilungiseleleni ipi nina nawo woke amabuthwenu ahlangene nani begodu nizokuba balawuli babo.

8 “‘“Nizokutjhejwa ngemva kwamalanga amanengi. Emihleni yokuphela yeminyaka, nizokusahlela inarha abantu bakhona ababuyiswa ekulinyazweni yisabula, babuthelelwe ndawonye eentjhabeni ezinengi eentabeni zakwa-Israyeli ezatjhatjalaliswa kade. Izakhamuzi zenarha le zabuyiswa esitjhabeni begodu zoke zizokuhlala ngokuvikeleka.+ 9 Uzokuza njengesiwuruwuru, uzokugubuzesa inarha njengamafu, wena nawo woke amasotjakho nesitjhaba esinengi esinawe.”’

10 “Nakhu iKosi ePhakemeko uJehova ekutjhoko: ‘Ngelangelo imicabango izokungena ehliziywenakho begodu uzokuluka amano akhohlakeleko. 11 Uzokuthi: “Ngizokusahlela inarha neendawo ezingakavikeleki.+ Ngizokuza ngokujamelene nalabo abahlala ngokuvikeleka, ngaphandle kokuthikaziswa, nabo boke abahlala eendaweni ezingakavikelwa maboda, ziinsimbi namkha amasango.” 12 Umnqophwayo uzokuba kuthatha izinto ezinengi begodu idlelezele, isahlele iindawo ezitjhatjalalisiweko esele zinezakhamuzi+ nabantu ababuthelelweko eentjhabeni,+ ababuthelela umnotho nepahla,+ labo abahlala ekabeni yephasi.

13 “‘ITjheba+ neDedani+ nabathengisi beTaratjhitjhi+ nazo zoke iingorho zayo zizokuthi kuwe: “Inga-kghani usahlela bona ufumane izinto ezinengi begodu udlelezele? Kghani uhlanganise amabuthwakho bona athathe isiliva negolide, athathe umnotho nepahla, athathe izinto ezinengi khulu?”’

14 “Nje-ke phorofida ndodana yomuntu, uthi kuGogi, ‘Nakhu iKosi ePhakemeko uJehova ekutjhoko: “Kghani angekhe wazi na, lokha abantu bami u-Israyeli nabahlala ngokuvikeleka?+ 15 Uzokuza uvela endawenakho, eengcenyeni ezikude zetlhagwini,+ wena unesitjhaba sakho esinengi, soke sikhwele iinjomani, ihlangano ekulu, ibutho elinengi.+ 16 Njengamafu agubuzese inarha, uzokuza ngokujamelene nabantu bami, u-Israyeli. Emihleni yokuphela, ngizokuletha bona ujamelane nenarhami+ ukuthi iintjhaba zazi mina, nangizicwengisako ngawe phambi kwamehlwazo, maye! Gogi.”’+

17 “Nakhu iKosi ePhakemeko uJehova ekutjhoko: ‘Kghani akusinguwe engakhuluma ngaye emalangeni wakade ngeenceku zami abaphorofidi bakwa-Israyeli zaphorofida eminyakeni eminengi bona wena uzokulethwa ngokujamelene nama-Israyeli?’

18 “‘Ngelangelo, ngelanga uGogi asahlela inarha yakwa-Israyeli,’ kutjho iKosi ePhakemeko uJehova, ‘ilaka lami lizokuvutha.+ 19 Ngobukhali bami, ngomlilo welaka lami ngizokukhuluma; ngelangelo kuzokuba nokusikinyeka okukhulu kwephasi enarheni yakwa-Israyeli. 20 Ngebanga lami, iimfesi zelwandle, iinyoni zomkayi, iimbandana, zoke iinlwana ezirhurhuba phasi, boke abantu bephasini bazokuhlengezela neentaba zizokuwa,+ amawa azokuwa nawo woke amaboda azokugirikela phasi.’

21 “Ngizokubiza isabula ngokujamelene naye kizo zoke iintaba zami,’ kutjho iKosi ePhakemeko uJehova. ‘Isabula yawo woke umuntu izokujamelana nomfowabo.+ 22 Ngizokuletha isahlulelo ngokujamelene naye ngokugula,+ ngokuphalaka kweengazi; ngizokunisa izulu elikhulu, isinanja,+ umlilo+ nangesibabuli+ kuye nemasotjenakhe nesitjhabeni esinengi esinaye.+ 23 Nakanjani ngizozikhulisa, ngizicwengise, ngizenze ngaziwe phambi kwamehlo weentjhaba, kuzokufuze zazi ukuthi nginguJehova.’

39 “Nakunguwe ndodana yomuntu, phorofida ngokujamelene noGogi+ bese uthi kuye, ‘Nakhu iKosi ePhakemeko uJehova ekutjhoko: “Ngijamelene nawe Gogi, kosana eyihloko yeMetjheki neTubali.+ 2 Ngizokuphendula, ngikunqophise, ngikwenze uvele eengcenyeni ezikude zetlhagwini,+ ngikulethe eentabeni zakwa-Israyeli. 3 Ngizokubetha umsubelakho osesandleni sakho sesincele begodu ngenze imicibitjholwakho iwe esandleni sakho sokudla. 4 Uzokuwela eentabeni zakwa-Israyeli,+ wena nawo woke amasotjakho nesitjhaba esizabe sinawe. Ngizokunikela bona ube kukudla kiyo yoke imihlobo yeenyoni zamadlanga neembandaneni.”’+

5 “‘Uzokuwela esimini evulekileko+ ngombana mina ngikhulumile,’ kutjho iKosi ePhakemeko uJehova.

6 “‘Ngizokuthumela umlilo ngokujamelene noMagogi nangokujamelene nalabo abahlala ngokuvikeleka eenhlengeleni,+ kuzokufuze bazi ukuthi nginguJehova. 7 Ngizokwenza igama lami elicwengileko laziwe hlangana nabantu bami u-Israyeli, angekhe ngisavumela bona igama lami elicwengileko lisilaphazwe godu; iintjhaba kuzokufuze zazi ukuthi nginguJehova,+ oCwengileko ka-Israyeli.’+

8 “‘Iye, lokhu kuyeza, kuzokwenzeka,’ kutjho iKosi ePhakemeko uJehova. ‘Leli lilanga engikhulume ngalo. 9 Izakhamuzi zemadorobheni wakwa-Israyeli zizokuphuma zenze umlilo ngeenkhali, ngeemviko ezincani* neenhlangu, ngemisubela nemicibitjholo, iinondo* zepi nemikhonto. Zizozisebenzisa bona zenze umlilo+ iminyaka elikhomba. 10 Angekhe kutlhogeke ukuthi zithathe iingodo esimini namkha zibuthelele iingodo zomlilo emahlathini ngombana zizokusebenzisa iinkhali bona zivuthise umlilo.’

“‘Zizokuthatha izinto zalabo ababathathela izinto begodu zizokudlelezela labo ebebabadlelezela,’ kutjho iKosi ePhakemeko uJehova.

11 “‘Ngelangelo ngizokwenzela uGogi+ indawo yokubulungela kwa-Israyeli, emrhobeni walabo abakhamba epumalanga yelwandle, indlela yalabo abadlulako izokuvalwa. Kulapho abazokubulungela khona uGogi naso soke isiqubuthu sakhe begodu bazoyibiza ngokuthi mRhoba weHamoni-Gogi.*+ 12 Indlu ka-Israyeli izokuthatha iinyanga ezilikhomba ibabulunga bona kuhlwengiswe inarha.+ 13 Boke abantu benarha bazokusebenza bona bababulunge, lokho kuzobalethela idumo ngelanga engiziphazimulisa ngalo,’+ kutjho iKosi ePhakemeko uJehova.

14 “‘Kuzokwabelwa ukuthi kuhlale kudlula amadoda enarheni abulunge iindumbu eziseleko ephasini bona lihlwengiswe. Azokuragela phambili azifuna iinyanga ezilikhomba. 15 Labo abadlula enarheni nababona ithambo lomuntu, bazokubeka itshwayo hlanu kwalo. Ngemva kwalokho, labo ababelwe bona babulunge bazolibulungela emRhobeni weHamoni-Gogi.+ 16 Kuzokuba nedorobho elizokubizwa ngokuthi yiHamona.* Bazokuhlwengisa inarha.’+

17 “Nakunguwe ndodana yomuntu, nakhu iKosi ePhakemeko uJehova ekutjhoko: ‘Ithi kiyo yoke imihlobo yeenyoni nakizo zoke iimbandana, “Hlanganani ndawonye bese nize. Buthelelani yoke imihlatjelwami enginilungiselele yona, umhlatjelo omkhulu eentabeni zakwa-Israyeli.+ Nizokudla inyama benisele neengazi.+ 18 Nizokudla inyama yabanamandla, nisele iingazi zamakhosana wephasi, zamaramu, zeemvana, zeembuzi, zeenkunzi nazo zoke iinlwana ezinonileko* zeBhatjhani. 19 Nizozanelisa ngamafutha, nisele iingazi benidakwe mhlatjelo enginilungiselela wona.”’

20 “‘Etafuleni lami nizokunoniswa ziinjomani nabatjhayeli beenkarana, abantu abanamandla nayo yoke imihlobo yeengorho,’+ kutjho iKosi ePhakemeko uJehova.

21 “‘Ngizokutjengisa amandlami hlangana neentjhaba, zoke iintjhaba zizokubona isahlulelo engisikhuphileko namandla* engiwatjengise hlangana nazo.+ 22 Kusukela ngelangelo indlu ka-Israyeli izokwazi ukuthi nginguJehova uZimabo. 23 Iintjhaba kuzokufuze zazi ukuthi indlu yakwa-Israyeli yaya ekudingisweni ngebanga lemitjhaphwayo, ngombana beyingakathembeki kimi.+ Nje-ke ngayifihlela ubuso bami+ ngayinikela emanabenayo+ begodu yoke yawa ngesabula. 24 Ngayiphatha ngokuvumelana nokungahlanzeki kwayo nemitjhaphwayo begodu ngayifihlela ubuso bami.’

25 “Nje-ke nakhu iKosi ePhakemeko uJehova ekutjhoko: ‘Ngizokubuyisela abathunjiweko bakaJakopo+ bengibe nomusa kiyo yoke indlu yakwa-Israyeli;+ ngetjiseko ngizokulwela igama lami elicwengileko.+ 26 Ngemva kokuthi bahlazisekile ngebanga lakho koke ukungathembeki kwabo kimi,+ bazokuhlala ngokuvikeleka enarhenabo, kungabi nomuntu obathusako.+ 27 Lokha nangibabuyisako eentjhabeni begodu ngibabuthelele ndawonye bavela eenarheni zamanababo,+ ngizozicwengisa hlangana nabo phambi kwamehlo weentjhaba ezinengi.’+

28 “‘Kuzokufuze bazi ukuthi nginguJehova uZimabo lokha nangibathumela ekudingisweni hlangana neentjhaba, ngemva kwalokho ngibabuthelele ngibabuyisele enarhenabo, ngingatjhiyi namunye emva.+ 29 Angekhe ngisabafihlela ubuso bami,+ ngombana ngizokuthululela ummoyami endlini yakwa-Israyeli,’+ kutjho iKosi ePhakemeko uJehova.”

40 Ngomnyaka wama-25 wokudingiswa kwethu,+ ekuthomeni komnyaka, ngelanga letjhumi lenyanga, ngomnyaka we-14 ngemva kobana idorobho liwile,+ ngalo ilangelo isandla sakaJehova besiphezu kwami begodu sangithatha sangisa edorobheni.+ 2 Ngemibono, uZimu wangiletha enarheni yakwa-Israyeli, wangihlalisa phasi entabeni ephakeme khulu+ lapho bekunomakhiwo onjengedorobho lesewula.

3 Nakangiletha lapho, ngabona indoda ukuqaleka kwayo obekunjengekhopha.+ Beyiphethe intambo yelineni nomhlanga wokulinganisa* esandleni sayo+ begodu beyijame esangweni. 4 Indoda yathi: “Qalisisa, lalelisisa begodu utjheje* koke engikutjengisa khona, kungebangelo ulethwe lapha. Tjela indlu yakwa-Israyeli koke okubonako.”+

5 Ngibone iboda libhode ingaphandle lethempeli.* Esandleni sendoda le bekunomhlanga wokulinganisa omakhubhithi asithandathu ubude ukulinganisa (kukhubhithi ngalinye bekungezelelwa ububanzi besandla).* Yathoma ukulinganisa iboda, ubudege balo bekumhlanga munye ukuphakama kwalo kumhlanga munye.

6 Ngemva kwalokho, weza esangweni eliqale epumalanga+ begodu wakhwela iintepisi zalo. Lokha nakalinganisa ubungeno bomnyango esangweni, ububanzi bebulingana nomhlanga munye begodu ububanzi bobunye ubungeno bomnyango nabo bulingane nomhlanga munye. 7 Ikumba kanogada ngayinye beyimhlanga munye ubude, imhlanga munye ububanzi, bekumakhubhithi amahlanu hlangana neenkumba zabonogada.+ Ubungeno besango elihlanu kwethuri lesango eliqale phakathi bebulingana nomhlanga munye.

8 Yalinganisa ithuri lesango eliqale ngaphakathi begodu belimhlanga munye. 9 Ngemva kwalokho, yalinganisa ithuri lesango ebelimakhubhithi abunane; yalinganisa neensika zalo ezingeqadi, bezimakhubhithi amabili begodu ithuri lesango belingeqadi liqale ngaphakathi.

10 Bekuneenkumba ezintathu zabonogada kiwo woke amahlangothi wesango elisepumalanga. Zontathu bezilingana, iinsika ezisemahlangothini woke nazo bezilingana.

11 Ngemva kwalokho, yalinganisa ububanzi bobungeno besango obebumakhubhithi alitjhumi, ubude besango bebumakhubhithi ali-13.

12 Indawo ehlukaniswe maboda phambi kwekumba yabonogada beyilikhubhithi linye mahlangothi woke. Iinkumba zabonogada emahlangothini womabili bezimakhubhithi asithandathu ngayinye.

13 Ngemva kwalokho, yalinganisa isango kusukela kwelinye iphahla lekumba yabonogada* ukufikela kwelinye iphahla begodu belimakhubhithi ama-25 ububanzi; obunye ubungeno bebuqalene nobunye ubungeno.+ 14 Ngemva kwalokho, yalinganisa iinsika eziseqadi, ebezimakhubhithi ama-60 ubude, kuhlanganise neensika ebezisemasangweni woke ezibhode isirhodlo. 15 Ukusuka phambili ebungenweni besango ukufikela phambi kwethuri ngaphakathi eqadi kwesango, bekumakhubhithi ama-50.

16 Bekunamafesidere amatsikana+ weenkumba zabonogada begodu neensika zawo ezisemahlangothini ngaphakathi kwesango ehlangothini ngalinye. Ingaphakathi lamathuri nalo belinamafesidere ihlangothi ngalinye, bekukghatjiswe ngemithi yesundu+ emahlangothini weensika.

17 Ngemva kwalokho, yangiletha esirhodlweni esingaphandle, ngabona iinkumba* zokudlela+ nomgangadelo obhode isirhodlo. Bekuneenkumba zokudlela ezima-30 emgangadelweni. 18 Umgangadelo osehlangothini lamasango bewulingana nobude bamasango, lo bekumgangadelo ophasi.

19 Nje-ke yalinganisa ubude ukusukela phambi kwesango eliphasi ukufikela ekupheleni wesirhodlo esingaphakathi. Bekumakhubhithi ali-100 epumalanga netlhagwini.

20 Isirhodlo esingaphandle besinesango eliqale etlhagwini, yalinganisa ubude balo nobubanzi balo. 21 Bekuneenkumba zabonogada ezintathu ehlangothini ngalinye. Iinsika zawo ezisemahlangothini nethuri bezinesilinganiso esifanako nesango lokuthoma. Bekumakhubhithi ama-50 ubude namakhubhithi ama-25 ububanzi. 22 Amafesiderazo, ithuri lazo nemikghabiswazo yemithi yesundu+ beyilingana naleyo esesangweni elisepumalanga. Abantu bebangafika kizo ngokukhwela iintepisi ezilikhomba begodu ithuri lazo beliphambi kwabo.

23 Bekunesango phakathi kwesirhodlo liqalene nesango elingetlhagwini, elinye liqalene nesango elisepumalanga. Yalinganisa ubude ukusuka kwelinye isango ukufikela kwelinye begodu bekumakhubhithi ali-100.

24 Ngemva kwalokho, yangiletha nca ngesewula, ngabona isango ehlangothini lesewula.+ Yalinganisa iinsika zalo ezisemahlangothini nethuri lalo, bezilingana nezinye. 25 Lapho bekunamafesidere ehlangothini ngalinye lalo nethuri lalo, afana namanye amafesidere. Bekumakhubhithi ama-50 ubude namakhubhithi ama-25 ububanzi. 26 Bekuneentepisi ezilikhomba ezikhuphukela lapho,+ ithuri lalo beliphambi kwazo. Belikghatjiswe ngemigwalo yemithi yesundu emahlangothini weensika zalo, ehlangothini ngalinye.

27 Isirhodlo esingaphakathi besinesango eliqale esewula; yalilinganisa ukuya esewula ukusukela esangweni ukufikela kwelinye isango begodu ubude bebumakhubhithi ali-100. 28 Ngemva kwalokho, yangiletha esirhodlweni esingaphakathi ngesango lesewula; nayilinganisa isango lesewula belilingana namanye. 29 Iinkumba zabonogada, iinsika zalo ezisemahlangothini nethuri lazo bezilingana nezinye. Bekunamafesidere ehlangothini ngalinye lalo nethuri lalo. Bekumakhubhithi ama-50 ubude namakhubhithi ama-25 ububanzi.+ 30 Bekunamathuri kiwo woke amahlangothi; bekamakhubhithi ama 25 ubude begodu amakhubhithi ama-5 ububanzi. 31 Ithuri lalo beliqale isirhodlo esingaphandle, bekunemikghabiso yomuthi wesundu ehlangothini leensika zalo+ begodu bekuneentepisi ezibunane ezikhuphukela lapho.+

32 Nayingiletha esirhodlweni esingaphakathi, yalinganisa isango ukusuka epumalanga begodu belilingana namanye. 33 Iinkumba zabonogada zalo, iinsika zalo ebezisemahlangothini walo nethuri lalo bezilingana namanye begodu bekunamafesidere ehlangothini ngalinye lalo nethuri lalo. Bekumakhubhithi ama-50 ubude namakhubhithi ama-25 ububanzi. 34 Ithuri lalo beliqale isirhodlo esingaphandle, bekunomkghabiso womuthi wesundu emahlangothini womabili weensika, neentepisi ezibunane ezikhuphukela kilo.

35 Ngemva kwalokho, yangiletha esangweni elisetlhagwini+ yalilinganisa; belilingana namanye. 36 Iinkumba zabonogada zalo, iinsika zalo ebezisemahlangothini walo nethuri lalo bezilingana namanye. Bekunamafesidere ehlangothini ngalinye. Bekumakhubhithi ama-50 ubude namakhubhithi ama-25 ububanzi. 37 Ithuri lalo beliqale isirhodlo esingaphandle, bekunomkghabiso womuthi wesundu emahlangothini womabili weensika neentepisi ezibunane ezikhuphukela kilo.

38 Ikumba yokudlela nobungeno bayo beyihlanu kweensika ezisemahlangothini wamasango, lapho iminikelo etjhiswako epheleleko ebeyihlanzwa khona.+

39 Bekunamatafula amabili ehlangothini ngalinye lethuri lesango lapho ebekuhlahlelwa khona iminikelo epheleleko etjhiswako,+ iminikelo yesono+ neminikelo yomlandu.+ 40 Endleleni ekhuphukela esangweni letlhagwini, bekunamatafula amabili angaphandle nawungenako. Bekunamanye amatafula kwelinye ihlangothi lethuri lesango. 41 Bekunamatafula amane ehlangothini ngalinye lesango, abunane nasele aphelele woke lapho bekuhlahlelwa khona imihlatjelo. 42 Amatafula amane womnikelo opheleleko otjhiswako bekungewelitje elisikiweko. Bekalikhubhithi linye nesiquntu ubude, elinye ikhubhithi nesiquntu ububanzi nekhubhithi linye ukuphakama. Kiwo bekubekwa izinto ezisetjenziselwa ukuhlahlela iminikelo etjhiswako nemihlatjelo. 43 Ububanzi bamapherho bebulingana nesandla, bekamagega nawo woke amaboda angaphakathi begodu inyama yeminikelo yesipho beyibekwa ematafuleni.

44 Ngaphandle kwesango elingaphakathi, bekuneenkumba zokudlela zabavumi;+ bezingaphakathi kwesirhodlo esihlanu kwesango letlhagwini, ziqale esewula. Enye ikumba yokudlela beyihlanu kwesango lepumalanga, iqale etlhagwini.

45 Ngemva kwalokho, yathi kimi: “Ikumba le yokudlela eqale esewula ngeyabaphristi abanomthwalo wokwenza imisebenzi ethempelini.+ 46 Ikumba yokudlela eqale etlhagwini ngeyabaphristi abanomthwalo wokwenza umsebenzi we-aldara.+ Madodana kaTsadokhi,+ avela kumaLevi abelwe ukuya kuJehova bona amlotjhe.”+

47 Ngemva kwalokho, yalinganisa isirhodlo esingaphakathi. Besimakhubhithi ali-100 ubude namakhubhithi ali-100 ububanzi, silingana mahlangothi woke. I-aldara beliphambi kwethempeli.

48 Ngemva kwalokho, yangiletha ethurini lethempeli,+ yalinganisa isika esehlangothini lethuri, belimakhubhithi amahlanu kwelinye ihlangothi, imakhubhithi amahlanu kwelinye ihlangothi. Ububanzi besango bebumakhubhithi amathathu ngakwelinye ihlangothi begodu kumakhubhithi amathathu ngakwelinye ihlangothi.

49 Ithuri belimakhubhithi ama-20 ubude namakhubhithi ali-11* ububanzi. Abantu bebafika kilo ngokukhuphuka iintepisi. Bekuneensika emahlangothini wamagoseni, linye ehlangothini ngalinye.+

41 Ngemva kwalokho, yangiletha endaweni ecwengileko* engaphandle, yalinganisa iinsika zemahlangothini; bezimakhubhithi* asithandathu ububanzi kwelinye ihlangothi, zimakhubhithi asithandathu ububanzi ngakwelinye ihlangothi. 2 Ubungeno bebumakhubhithi alitjhumi ububanzi, amaboda angeqadi kobungeno bewamakhubhithi amahlanu kwelinye ihlangothi, amakhubhithi amahlanu ngakwelinye ihlangothi. Yalinganisa ubude babo, ebebumakhubhithi ama-40 namakhubhithi ama-20 ububanzi babo.

3 Yangena ngaphakathi,* yalinganisa isika elingehlangothini lobungeno, belimakhubhithi amabili ubudege begodu ubungeno bebumakhubhithi asithandathu ububanzi. Amaboda angeqadi kobungeno bewamakhubhithi alikhomba. 4 Ngemva kwalokho, yalinganisa ikumba eqale ingaphandle lendawo ecwengileko, beyimakhubhithi ama-20 ubude imakhubhithi ama-20 ububanzi.+ Yathi kimi: “Le yindawo eCwengeke Khulu.”+

5 Nje-ke yalinganisa iboda lethempeli, belimakhubhithi asithandathu ubudege. Iinkumba ezingeqadi ezibhode ithempeli bezimakhubhithi amane ububanzi.+ 6 Iinkumba ezingeqadi beziziintezi ezintathu ukuphakama, enye iphezu kwenye, bekuneenkumba ezima-30 esitezini ngasinye. Bekunemiphetho magega neboda lethempeli ebeyisetjenziselwa ukusekela iinkumba ezingeqadi bona iinsekelo zingangeni ebodeni lethempeli ngokwalo.+ 7 Emahlangothini amabili wethempeli bekunephaseji* elizombelezako, liba likhulu njengombana likhuphukela eenkumbeni eziphezulu.+ Ububanzi buyakhula ukusuka esitezini ukuya kwesinye njengombana sikhuphuka ukusuka esitezini esiphasi khulu ukuya kwesiphezulu khulu ngokudlula esitezini esingaphakathi.

8 Ngabona lapho ukuthi bekunendawo yesikhulumi ephezulu magega nalo loke ithempeli, iinsekelo zeenkumba ezingemaqadi bezilingana nomhlanga opheleleko wamakhubhithi asithandathu ukufika ekhoneni. 9 Ububanzi beboda elingaphandle leenkumba ezisemahlangothini bebumakhubhithi amahlanu. Bekunesikhala esivulekileko* magega nomakhiwo weenkumba ezingehlangothini ebeziyingcenye yethempeli.

10 Phakathi kwethempeli neenkumba zokudlela,*+ bekunendawo emakhubhithi ama-20 ububanzi ehlangothini ngalinye. 11 Bekunobungeno phakathi kweenkumba ezisehlangothini nesikhala esivulekileko ehlangothini letlhagwini nobunye ubungeno ehlangothini lesewula. Ububanzi besikhala esivulekileko bebumakhubhithi amahlanu kiyo yoke indawo.

12 Umakhiwo ebewusetjingalanga uqale indawo evulekileko bewumakhubhithi ama-70 ububanzi, umakhubhithi ama-90 ubude; iboda lomakhiwo belimakhubhithi amahlanu ubudege kiyo yoke indawo.

13 Yalinganisa ithempeli, belimakhubhithi ali-100 ubude. Indawo evulekileko, umakhiwo* namabodalo nazo bezimakhubhithi ali-100 ubude. 14 Ububanzi obungaphambili kwethempeli obuqale epumalanga nendawo evulekileko bekumakhubhithi alikhulu.

15 Yalinganisa ubude bomakhiwo ebebuqale indawo evulekileko engemuva, kuhlanganise namaphaseji emahlangothini womabili, bekumakhubhithi ali-100.

Yabuye yalinganisa ilingaphandle lendawo ecwengileko nelingaphakathi lendawo ecwengileko+ namathuri wesirhodlo, 16 kuhlanganise neendawo zokungena, amafesidere amatsikana+ namaphaseji ebekaseendawenezo ezintathu. Hlanu kwendawo yokungena, bekunamekwe iinkuni+ kusukela phasi kufikela phezulu emafesidereni begodu amafesidere bekagubuzesiwe. 17 Iinlinganiso zenziwe phezu kobungeno nangaphakathi kwethempeli, ngaphandle nakiwo woke amaboda. 18 Belinamakherubhi abaziweko,+ likghatjiswe ngemithi yesundu,+ ngalinye linomuthi wesundu phakathi kwamakherubhi amabili begodu ikherubhi ngalinye belinobuso obubili. 19 Ubuso bomuntu bebuhlanu komuthi wesundu ehlangothini linye+ begodu ubuso bebhubezi* bebuhlanu komuthi wesundu kwelinye ihlangothi. Bezibazwe njalo kilo loke ithempeli. 20 Kusukela phasi kufikela endaweni ephezulu yobungeno, bekunamakherubhi abaziweko nemikghabiso yomuthi wesundu ebodeni lendawo ecwengileko.

21 Amagoseni* wendawo ecwengileko bewasikwere.+ Phambi kwendawo ecwengileko bekunento efana 22 ne-aldara lekhuni+ belimakhubhithi amathathu ukuphakama, limakhubhithi amabili ubude. Beyineensika emakhoneni, ubude bayo bebenziwe ngeengodo. Nje-ke yathi kimi: “Leli litafula eliphambi kwakaJehova.”+

23 Ingaphandle lendawo ecwengileko nendawo ecwengileko, ngayinye beyineminyango emibili.+ 24 Iminyango beyinamabadi amabili aya ngapha nangapha, amabadi amabili emnyangweni ngamunye. 25 Bekunamakherubhi abaziweko nemikghabiso yemithi yesundu eminyango yendawo ecwengileko, efana nale esemabodeni.+ Bekubuye kube nomfulelo weengodo phambi kwethuri ngaphandle. 26 Bekunamafesidere aba matsikana+ nemikghabiso yomuthi wesundu hlanu kwamahlangothi womabili wethuri, kuhlanganise neenkumba ezisemahlangothini wethempeli nemifulelo.

42 Ngemva kwalokho, wangisa esirhodlweni esingaphandle hlanu kwetlhagwini.+ Wangiletha ekumbeni yokudlela ehlanu kwendawo evulekileko,+ etlhagwini lesakhiwo esiseqadi.+ 2 Ubude baso ebungenweni betlhagwini bebumakhubhithi* ali-100 begodu bumakhubhithi ama-50 ububanzi. 3 Beyihlangana nesirhodlo esingaphakathi esimakhubhithi ama-20 ububanzi,+ nomgangadelo wesirhodlo esingaphandle. Amaphasejayo bekaqalene begodu bekaziintezi ezintathu ukuphakama. 4 Ngaphambi kweenkumba zokudlela, bekunendlela yokukhamba ngaphakathi+ emakhubhithi alitjhumi ububanzi namakhubhithi ali-100 ubude,* begodu ubungeno bazo nca ngetlhagwini. 5 Iinkumba zokudlela zesakhiwo bezizincani kunalezo eziseentezini ezingaphasi nezingaphakathi ngombana amaphaseji bekathatha iinkhala zawo ezinengi. 6 Ngombana bekuneentezi ezintathu ukuphakama kodwana bekunganansika ezifana neensika zesirhodlweni. Kungebangelo isikhala esiphasi esinengi sathathwa kizo ukudlula iintezi eziphasi nezingaphakathi.

7 Iboda lelitje elingaphandle elihlanu kweenkumba zokudlela elihlanu kwesirhodlo esingaphandle eliqale ezinye iinkumba zokudlela belimakhubhithi ama-50 ubude. 8 Ubude beenkumba zokudlela ebeziseduze kwesirhodlo esingaphandle bebumakhubhithi ama-50 kodwana lezo eziqale indawo ecwengileko, bezimakhubhithi ali-100. 9 Iinkumba zokudlela bezinobungeno nca ngepumalanga obukusa kizo ukusukela esirhodlweni esingaphandle.

10 Bekubuye kube neenkumba zokudlela ngaphakathi kweboda lelitje lesirhodlo nca ngepumalanga, hlanu kwendawo evulekileko nomakhiwo.+ 11 Bekunendlela phambi kwazo enjengaleyo eseenkumbeni zokudlela ezingetlhagwini.+ Bezilingana ngobude nangobubanzi, iindawo zokuphuma nokwakheka kwazo bekufana. Ubungeno bazo 12 bebufana nobungeno beenkumba zokudlela obuhlanu kwesewula. Bekunobungeno ekuthomeni kwendlela yokukhamba, phambi kweboda lelitje elinca ngepumalanga, lapho umuntu angangena khona.+

13 Ngemva kwalokho, yathi kimi: “Iinkumba zokudlela ezisetlhagwini neenkumba zokudlela ezisesewula ezihlanu kwendawo evulekileko,+ ziinkumba zokudlela ezicwengileko lapho abaphristi abatjhidela kuJehova khona badle iminikelo ecwengeke khulu.+ Lapho babeka khona iminikelo ecwengeke khulu, umnikelo wekoroyi, umnikelo wesono nomnikelo womlandu ngombana indawo icwengile.+ 14 Abaphristi nabangenako akukafuzi baphume endaweni ecwengileko baye esirhodlweni esingaphandle, ngaphandle kokuthi bahlubule qangi izambatho ebebasebenza ngazo+ ngombana zicwengekile. Bazokumbatha ezinye izambatho bona baye endaweni abantu abavumeleke kizo.”

15 Nakaqeda ukulinganisa indawo engaphakathi yethempeli, wangikhupha ngendlela yesango eliqale epumalanga+ walinganisa yoke indawo.

16 Yalinganisa ihlangothi elingepumalanga ngomhlanga wokulinganisa.* Ngokuya ngomhlanga wokulinganisa, belibubude bemihlanga ema-500 ukusuka kwelinye ihlangothi ukuya kwelinye.

17 Yalinganisa ihlangothi letlhagwini ngomhlanga wokulinganisa ngokuya ngomhlanga wokulinganisa belibubude bemihlanga ema-500.

18 Yalinganisa ihlangothi lesewula ngokuya ngomhlanga wokulinganisa belibubude bemihlanga ema-500.

19 Yabhodela ngehlangothini letjingalanga. Yalinganisa ubude bemihlanga ema-500 ngomhlanga wokulinganisa.

20 Walilinganisa emahlangothini amane. Belineboda kiyo yoke indawo+ ebelimihlanga ema-500 ubude nemihlanga ema-500 ububanzi,+ bona kuhlukaniswe hlangana nokucwengileko nokujayelekileko.+

43 Ngemva kwalokho, yangisa esangweni eliqale epumalanga.+ 2 Lapho ngabona iphazimulo kaZimu ka-Israyeli ivela epumalanga,+ iphimbo lakhe belinjengetjhada lamanzi agijimako+ begodu iphasi belikhanyiswe ngephazimulwakhe.+ 3 Engakubonako bekunjengombono engawubona lokha nangitjhabalalisa idorobho, engakubonako bekungasuthi ngilokho engakubona emlanjeni iKebari;+ ngawa ngakhothamisela ubuso phasi.

4 Nje-ke, iphazimulo kaJehova yangena ethempelini ngesango eliqale epumalanga.+ 5 Ummoya wangiphakamisa, wangiletha ngaphakathi kwesirhodlo esingaphakathi begodu ngabona ukuthi ithempeli lizaliswe ngephazimulo kaJehova.+ 6 Ngemva kwalokho, ngezwa umuntu akhuluma nami asethempelini begodu indoda leyo yeza yajama hlanu kwami.+ 7 Yathi kimi:

“Ndodana yomuntu, le yindawo yesihlalo sami sobukhosi+ nendawo engibeka kiyo iinyawo zami,+ lapho ngizokuhlala hlangana nabantu bakwa-Israyeli ngokungapheliko.+ Indlu ka-Israyeli angekhe isasilaphaza igama lami elicwengileko,+ yona namakhosanayo, ngokungwadla nabanye abozimu,* ngeendumbu zamakhosanayo afileko.* 8 Ngokubeka ubungeno babo hlanu kobungeno bami namagosenabo hlanu kwamagosenami, kuhlukaniswe ngeboda nje kwaphela phakathi kwami nabo,+ basilaphaze igama lami elicwengileko ngokwenza izinto ezinyenyisako, nje-ke ngabarhayila ngelaka lami.+ 9 Nje-ke abalahlele kude ubungwadla babo nabanye abozimu neendumbu zamakhosanabo, ngizokuhlala hlangana nabo ngokungapheliko.+

10 “Nakunguwe, ndodana yomuntu, hlathulula ithempeli endlini ka-Israyeli+ bona baphathwe ziinhloni ngebanga lemitjhaphwabo+ begodu kufuze bafunde ukwakheka kwalo.* 11 Nangabe baphathwa ziinhloni ngakho koke abakwenzileko, kufuze ubazise ngokwakheka kwethempeli, ukuhleleka kwalo, ubuphumo balo nobungeno balo.+ Batjengise koke ukwakheka kwalo, imiyalwalo, ukwakheka kwalo nemithethwalo, uyitlole phasi phambi kwamehlwabo bona babone koke ukwakheka kwalo, balandele imiyalwalo.+ 12 Lo, mthetho wethempeli. Yoke indawo ebhode phezu kwentaba yindawo ecwengeke khulu.+ Qala! Lo, mthetho wethempeli.

13 “Lezi ziinlinganiso ze-aldara ngamakhubhithi+ (ekhubhithini ngalinye kwangezelelwa ubudege besandla).* Isisekelo salo besilikhubhithi nekhubhithi linye ububanzi. Belinomphetho koke, ongaba masentimitha ama-22* ububanzi. Lesi sisekelo se-aldara. 14 Ukusukela esisekelweni esiphasi ukufikela emiphethweni ebhode phasi, makhubhithi amabili, ububanzi baso likhubhithi linye. Ukusukela emzombelezweni womphetho omncani ukufikela emzombelezweni omkhulu womphetho, makhubhithi amane begodu ububanzi baso likhubhithi. 15 Iziko le-aldara makhubhithi amane ukuphakama, kuneempondo ezine+ eziphuma eziko le-aldara eziqale phezulu. 16 Iziko le-aldara belisikwere, makhubhithi ali-12 ubude namakhubhithi ali-12 ububanzi.+ 17 Amahlangothi amane abhode umphetho makhubhithi ali-14 ubude namakhubhithi ali-14 ububanzi; umkhawulo owabhodileko bewusiquntu sekhubhithi begodu isisekelo salo bekulikhubhithi linye emahlangothini woke.

“Begodu iintepisi zalo ziqale epumalanga.”

18 Nje-ke wathi kimi, “Ndodana yomuntu, nakhu iKosi ePhakemeko uJehova ekutjhoko: ‘Lezi ziinqophiso ekufuze zilandelwe nakwenziwa i-aldara bona iminikelo etjhiswako epheleleko inganikelwa neengazi zingafafazwa kilo.’+

19 “‘Kufuze unikele ngekunzana yomhlambi njengomnikelo wesono+ kubaphristi abamaLevi besizukulwana sakaTsadokhi,+ abatjhidela kimi bona bangisebenzele,’ kutjho iKosi ePhakemeko uJehova. 20 ‘Kufuze uthathe ezinye zeengazi zayo uzitjhatjhe eempondweni ezine ze-aldara, emakhoneni amane abhode umphetho nemikhawulweni yoke eyibhodileko bona iyihlanze esonweni begodu kwenziwe imihlatjelo yokulitjalelwa ngayo.+ 21 Ngemva kwalokho, thatha ikunzana, umnikelo wesono bona uwutjhise endaweni ebekiweko ethempelini, ngaphandle kwendawo ecwengileko.+ 22 Ngelanga lesibili uzokunikela ngepongo ephile kuhle bona ibe mnikelo wesono; bazokuhlanza i-aldara esonweni njengombana balihlanzile esonweni ngekunzana.’

23 “‘Nawuqeda ukulihlanza esonweni, uzokunikela ngekunzana ephile kuhle yomhlambi neramu eliphile kuhle elivela emhlambini wezimvu. 24 Kufuze uzinikele kuJehova, abaphristi kufuze bathele itswayi kizo,+ bazinikele njengomnikelo wokutjhiswa opheleleko kuJehova. 25 Amalanga alikhomba uzokunikela ngepongo njengomnikelo wesono waqobe langa+ kuhlanganise nekunzana yomhlambi neramu lomhlambi wezimvu; uzokunikela ngeenlwana eziphile kuhle. 26 Amalanga alikhomba kufuze benze umnikelo wokulitjalelwa kwezono we-aldara, kufuze balihlanze ngemva kwalokho bangalisebenzisa. 27 Amalanga lawo nasele aphelile, ngelanga lobunane+ nangemva kwalokho, abaphristi bazokunikela ngeminikelwenu* epheleleko etjhiswako nangemihlatjelo yetjhebiswano e-aldareni begodu ngizokuthaba ngani,’+ kutjho iKosi ePhakemeko uJehova.”

44 Wangibuyisa ngemuva kwesango lendawo ecwengileko eliqale epumalanga+ begodu belivaliwe.+ 2 Ngemva kwalokho, uJehova wathi kimi: “Isangweli kufuze lihlale livaliwe. Kufuze lingavulwa, akunamuntu ozokungena ngalo ngombana uJehova, uZimu ka-Israyeli ungene ngalo,+ nje-ke kufuze lihlale livaliwe. 3 Nanyana kunjalo, ikosana izokuhlala kilo bona idle uburotho phambi kwakaJehova+ ngombana iyikosana. Izokungena ngendlela yethuri lesango bese iphume ngalo.”+

4 Ngemva kwalokho, wangiletha esangweni letlhagwini phambi kwethempeli. Nangiqalako, ngabona iphazimulo kaJehova izele ethempelini lakaJehova.+ Nje-ke ngakhothama ngobuso bami phasi.+ 5 Ngemva kwalokho, uJehova wathi kimi: “Ndodana yomuntu, tjheja, uqale, ulalelisise koke engizokutjela khona ngemiyalo nangemithetho yethempeli lakaJehova. Utjhejisise ubungeno bethempeli nabo boke ubuphumo bendawo ecwengileko.+ 6 Kufuze uthi endlini ehlubukako yakwa-Israyeli, ‘Nakhu iKosi ePhakemeko uJehova ekutjhoko: “Sekwanele ngezenzo zenu ezinyenyisako, maye! Ndlu ka-Israyeli. 7 Naniletha abantu abavela kwezinye iinarha abangakasokwa ehliziyweni nenyameni endawenami ecwengileko, basilaphaza ithempeli lami. Niletha uburotho bami, amafutha neengazi kukulapho isivumelwano sami siphulwa ngebanga lazo zoke izenzo zenu ezinyenyisako. 8 Akhenge nitlhogomele izinto zami ezicwengileko.+ Kunalokho, nabela abanye bona batlhogomele imisebenzi endawenami ecwengileko.”’

9 “‘Nakhu iKosi ePhakemeko uJehova ekutjhoko: “Akunamuntu wakwenye inarha ozokuhlala kwa-Israyeli angakasokwa ehliziyweni nenyameni ozokungena endawenami ecwengileko.”’

10 “‘Kodwana amaLevi aphambukela kude nami+ lokha u-Israyeli nakaphambuka kimi bona alandele iinthombe zawo ezinyenyisako* azokuthwala imiphumela yemitjhaphwawo. 11 Azokuba ziinsebenzi endawenami ecwengileko, atlhogomele amasango wethempeli,+ asebenze ethempelini. Azokuhlahlela iminikelo etjhiswako epheleleko nemihlatjelo evela ebantwini begodu azokujama phambi kwabantu bona abasebenzele. 12 Ngebanga lokuthi abasebenzele phambi kweenthombe zabo ezinyenyisako, aba siqabo esibangela bona indlu yakwa-Israyeli yone,+ kungebangelo ngiphakamise isandla sami ngokujamelene nawo ngesifungo,’ kutjho iKosi ePhakemeko uJehova ‘begodu azokuthwala imiphumela yemitjhaphwabo. 13 Angekhe atjhidele kimi bona angisebenzele njengabaphristi namkha atjhidele kinanyana ngiziphi izinto zami ezicwengileko namkha ezicwengeke khulu begodu azokuthwala ihlazo lawo ngebanga lezinto ezinyenyisako azenzileko. 14 Ngizowenza abatlhogomeli bemisebenzi yethempeli bona atlhogomele imisebenzi yalo nazo zoke izinto okufuze zenziwe kilo.’+

15 “‘Nakubaphristi abamaLevi, amadodana kaTsadokhi+ ebebatlhogomela imisebenzi yendawami ecwengileko lokha ama-Israyeli nakaphambukako kimi,+ bazokutjhidela kimi bona bangisebenzele, bazokujama phambi kwami bona banikele kimi amafutha+ neengazi,’+ kutjho iKosi ePhakemeko uJehova. 16 ‘Ngibo abazokungena endawenami ecwengileko, bazokutjhidela etafulenami bona bangisebenzele,+ bazokutlhogomela imisebenzabo kimi.+

17 “‘Nabeza emasangweni wesirhodlo esingaphakathi, kufuze bambathe izambatho zelineni.+ Kufuze bangambathi nanyana yini eyenziwe ngewulu nabangisebenzelako emasangweni wesirhodlo esingaphakathi namkha ngaphakathi kwaso. 18 Kufuze bambathe amatjhila welineni athwalwa ehloko, namabhrugu amafitjhani welineni bona bavale iinyonga zabo.+ Kufuze bangambathi nanyana yini ebenza bajuluke. 19 Ngaphambi kokuthi baphumele esirhodlweni esingaphandle, isirhodlo esingaphandle lapho kunabantu khona, kufuze bahlubule izambatho ebebasebenza ngazo,+ bazibeke eenkumbeni zokudlela ezicwengileko.+ Ngemva kwalokho, bazokumbatha ezinye izambatho bona bangadluliseli ukucwengeka ebantwini ngezambatho zabo. 20 Kufuze bangagudi iinhloko zabo+ namkha balise iinhluthu zeenhloko zabo zikhule zibe zide. Kufuze baziphungule iinhluthu zeenhloko zabo. 21 Abaphristi kufuze bangaseli iwayini nabangena esirhodlweni esingaphakathi.+ 22 Kufuze bangathathi umhlolokazi namkha umma otlhaliweko bona abe mfazi+ kodwana bangatjhada intombi esizukulwana sakwa-Israyeli namkha umhlolokazi womphristi.’+

23 “‘Kufuze bafundise abantu bami umahluko phakathi kokucwengileko nokungakacwengeki begodu kufuze babafundise ngomahluko hlangana nokungakacwengeki nokucwengileko.+ 24 Kufuze basebenze njengabahluleli emlandwini ongokomthetho,+ kufuze bahlulele ngokuvumelana neenqunto zami ezingokomthetho.+ Kufuze baphethe imithethwami nemiyalwami malungana nayo yoke iminyanya+ begodu bacwengise amasabathami. 25 Kufuze bangatjhideli kinanyana ngimuphi umuntu ofileko, nakungasinjalo bazokuba ngabangakahlwengeki. Nanyana kunjalo, bangazisilaphaza lokha nakuhlongakele ubaba, umma, indodana, indodakazi, umfowabo namkha udadwabo ongakatjhadi.+ 26 Ngemva kokuhlanjululwa komphristi, kufuze bambalele amalanga alikhomba. 27 Ngelanga angena ngalo endaweni ecwengileko, esirhodlweni esingaphakathi bona asebenze endaweni ecwengileko, kufuze alethe umnikelwakhe wesono,’+ kutjho iKosi ePhakemeko uJehova.

28 “‘Lokho kuzokuba lilifa labo: Ngililifa labo.+ Kufuze ungabanikeli nanyana ngisiphi isabelo kwa-Israyeli ngombana mina ngisisabelo sabo. 29 Ngibo abazokudla umnikelo weenthoro,+ umnikelo wesono nomnikelo womlandu+ nayo yoke into enikelwe kwa-Israyeli izokuba ngeyabo.+ 30 Iinthelo zoke zekhethelo zokuthoma ezivuthiweko nayo yoke imihlobo yeminikelo izokuba ngeyabaphristi.+ Kufuze ninikele ngeflowuru evela esivunweni senu sokuthoma kumphristi.+ Lokhu kuzokubangela bona isibusiso sihlale emindeninenu.+ 31 Abaphristi kufuze bangadli nanyana ngiyiphi inyoni namkha isilwana esifumaneke sifile namkha sirathulwe saba ziintokana.’+

45 “‘Nanaba inarha njengelifa,+ kufuze ninikele kuJehova ingcenye ecwengileko yenarha njengomnikelo.+ Ubude bayo kufuze bube makhubhithi* azii-25 000, ububanzi bayo bube makhubhithi azii-10 000.+ Yoke indawayo* izokuba yingcenye ecwengileko. 2 Kilokhu izokuba mahlangothi alinganako wendawo ecwengileko elinganisela emakhubhithini ama-500 ehlangothini ngalinye,+ izokuba namakhubhithi ama-50 njengamadlelo ehlangothini ngalinye.+ 3 Esilinganiswenesi, kufuze ulinganise ubude obuzii-25 000 nobubanzi obuzii-10 000, phakathi kwaso kuzokuba yindawo ecwengileko, into ecwengeke khulu. 4 Kuzokuba yingcenye ecwengileko yenarha yabaphristi+ abasebenza endaweni ecwengileko, abatjhidela kuJehova bona bamsebenzele.+ Izokuba yindawo yezindlu zabo nendawo ecwengileko yendawo ecwengileko.

5 “‘AmaLevi, iinsebenzi zethempelini kuzokuba nengcenye emakhubhithi azii-25 000 ubude namakhubhithi azii-10 000 ububanzi,+ azokuba neenkumba zokudlela ezima-20+ njengesabelo.

6 “‘Kufuze unikele njengesabelo sedorobho indawo emakhubhithi azii-25 000 ubude (ngokulingana nomnikelo ocwengileko) namakhubhithi azii-5 000 ububanzi.+ Yoke izokuba ngeyendlu yakwa-Israyeli.

7 “‘Ekosaneni kuzokuba nenarha emahlangothini womabili womnikelo ocwengileko endaweni yedorobheni. Izokuba hlanu komnikelo ocwengileko nesabelo sedorobho. Izokuba sehlangothini letjingalanga nelepumalanga. Ubude bayo ukusukela emkhawulweni wetjingalanga ukufikela emkhawulweni wepumalanga buzokulingana nengcenye yinye yeenkoro.+ 8 Inarha le izokuba sisabelo kwa-Israyeli. Amakhosanami angeze asahlunguphaza abantu bami,+ bazokunikela indlu ka-Israyeli inarha ngokuya ngokweenkoro zayo.’+

9 “Nakhu iKosi ePhakemeko uJehova ekutjhoko: ‘Nenze izinto ezimbi khulu, makhosana wakwa-Israyeli!’

“‘Qedani iinturhu nokugandelela kwenu, nenze okuhle nokulungileko.+ Lisani ukuthatha izinto zabantu bami,’+ kutjho iKosi ePhakemeko uJehova. 10 ‘Kufuze nisebenzise iinkala ezinembileko, isilinganiso* se-efa esinembileko nesilinganiso* sebhada esinembileko.+ 11 Kufuze kube silinganiso esilinganako, isilinganiso se-efa nesilinganiso sebhada. Isilinganiso sebhada kufuze sithwale kwetjhumi kwehomere* nesilinganiso se-efa kufuze sithwale kwetjhumi kwehomere. Ihomere kuzokuba yinto okulinganiswa ngayo. 12 Itjhekeli*+ lizokuba magera* ama-20. Amatjhekeli ama-20 namatjhekeli ama-25 kuhlanganise namatjhekeli ali-15 azokuba limane* lenu elilodwa.’

13 “‘Lo, mnikelo okufuze unikelwe: linye lama-efa asithandathu ehomereni ngalinye lekoroyi, linye lama-efa asithandathu ehomereni ngalinye lebhali. 14 Isilinganiso samafutha sizokuya ngesilinganiso sebhada. Isilinganiso sebhada litjhumi lekhori,* iimbhada ezilitjhumi lihomere ngombana iimbhada ezilitjhumi zilingana nehomere. 15 Emhlambini wefuyo yakwa-Israyeli kufuze kunikelwe imvu yinye kwezima-200. Lokhu kuzokuba mnikelo wekoroyi,+ umnikelo opheleleko otjhiswako+ nemihlatjelo yetjhebiswano,+ bona kwenziwe imihlatjelo yokulitjalelwa kwezono zabantu,’+ kutjho iKosi ePhakemeko uJehova.

16 “‘Boke abantu benarheni bazokwenza umnikelo lo+ ekosaneni kwa-Israyeli. 17 Izokwenza iminikelo etjhiswako epheleleko,+ umnikelo weenthoro+ nomnikelo oselwako ngeenkhathi zeminyanya,+ ngokuthwasa kweenyanga, ngamaSabatha+ nayo yoke iminyanya ehleliweko yendlu yakwa-Israyeli.+ Ngiyo ezokulungiselela umnikelo wesono, umnikelo wekoroyi nomnikelo opheleleko otjhiswako nemihlatjelo yetjhebiswano bona yenzele indlu yakwa-Israyeli umhlatjelo wokulitjalelwa kwezono.’

18 “Nakhu iKosi ePhakemeko uJehova ekutjhoko: ‘Ngenyanga yokuthoma, ngelanga lokuthoma lenyanga, kufuze uthathe ikunzana emhlambini begodu kufuze uhlwengise indawo ecwengileko esonweni.+ 19 Umphristi kufuze athathe ezinye zeengazi zomnikelo wesono azitjhatjhe emagosenini wethempeli,+ emakhoneni amane womphetho abhode i-aldara negosenini lesango lesirhodlo esingaphakathi. 20 Ngilokhu ozokwenza ngelanga lekhomba lenyanga ngebanga lananyana ngubani owenza isono ngomtjhapho namkha ngokungatjheji+ begodu kufuze wenzele ithempeli umnikelo wokulitjalelwa kwezono.+

21 “‘Ngenyanga yokuthoma, ngelanga le-14 lenyanga, nizokugidinga umnyanya wePhasika.+ Kufuze kudliwe uburotho obunganasibiliso amalanga alikhomba.+ 22 Ngelangelo ikosana izokulungiselela ikunzana ezokuba mnikelwayo wesono newabo boke abantu benarheni.+ 23 Amalanga alikhomba izokulungiselela uJehova umnyanya womnikelo otjhiswako opheleleko, iinkunzana eziphile kuhle ezilikhomba namaramu aphile kuhle alikhomba, linye amalanga alikhomba+ kuhlanganise nepongo yinye qobe langa bona ibe mnikelo wesono. 24 Kufuze ilungiselele umnikelo wekoroyi ne-efa bona ibe ngeyekunzana yinye ne-efa bona ibe ngeyeramu linye kuhlanganise nehini* yamafutha ukuthi ibe ngeye-efa yinye.

25 “‘Ngenyanga yekhomba, ngelanga le-15 lenyanga, amalanga alikhomba hlangana nomnyanya,+ kufuze ilungiselele umnikelo wesono ofanako, umnikelo opheleleko otjhiswako, umnikelo wekoroyi namafutha.’”

46 “Nakhu iKosi ePhakemeko uJehova ekutjhoko: ‘Isango lesirhodlo esingaphakathi eliqale epumalanga+ kufuze lihlale livaliwe+ amalanga wokusebenza asithandathu+ kodwana ngelanga leSabatha nangelanga lenyanga etja, kufuze livulwe. 2 Ikosana izokungena ngendlela evela ngaphandle yethurini lesango,+ izokujama hlanu kwegoseni lesango. Abaphristi bazokunikela umnikelwayo opheleleko otjhiswako nemihlatjelwayo yetjhebiswano, izokukhothama ebungenweni besango bese iyaphuma. Kodwana isango kufuze lingavalwa bekube sebusuku. 3 Abantu benarha nabo bazokukhothama phambi kwakaJehova ebungenweni besangwelo ngamaSabatha nangeenyanga ezitja.+

4 “‘Umnikelo opheleleko otjhiswako ikosana ezowuletha kuJehova ngelanga leSabatha kufuze, ube ziimvana eziduna eziphile kuhle ezisithandathu neramu eliphile kuhle.+ 5 Umnikelo wekoroyi uzokuba yi-efa* yeramu begodu nanyana yini akghona ukuyinikela yeemvana eziduna kuhlanganise ihini* yamafutha ne-efa ngayinye.+ 6 Ngelanga lenyanga etja, umnikelo uzokuba yikunzana ephile kuhle yemhlambini, iimvana eziduna ezisithandathu neramu; kufuze kube ngeziphile kuhle.+ 7 Kufuze inikele njengomnikelo wekoroyi i-efa yekunzana, i-efa yeramu nanyana yini akghona ukuyinikela yeemvana eziduna. Kufuze inikele ihini yamafutha ye-efa ngayinye.

8 “‘Ikosana nayingenako, kufuze ingene ngendlela ehlanu kwethuri lesango begodu kufuze iphume ngayo.+ 9 Lokha abantu benarha nabangenako phambi kwakaJehova ngesikhathi seminyanya,+ labo abangenako bona bazokulotjha ngesango letlhagwini+ kufuze baphume ngesango lesewula,+ nalabo abangena ngesango lesewula kufuze baphume ngesango letlhagwini. Akunamuntu okufuze aphume ngendlela yesango angene ngalo ngombana kufuze baphume ngesango eliphambi kwabo. 10 Ikosana ehlangana nabo kufuze ingene nabangenako begodu kufuze iphume nabaphumako. 11 Ngeenkhathi zeminyanya nangeenkhathi zangaphambi kokufika kweminyanya, umnikelo weenthoro kufuze ube yi-efa bona ibe ngeyekunzana, i-efa bona ibe ngeyeramu begodu nanyana yini akghona ukuyinikela yeenkunzana eziduna kuhlanganise nehini yamafutha ne-efa ngayinye.+

12 “‘Nangabe ikosana inikela ngomnikelo opheleleko otjhiswako+ namkha imihlatjelo yetjhebiswano njengomnikelo osuka ehliziyweni kuJehova, izokuvulelwa isango eliqale epumalanga, izokunikela ngomnikelwayo opheleleko otjhiswako nangemihlatjelwayo yetjhebiswano njengombana yenza ngelanga leSabatha.+ Ngemva kokuthi seyiphumile, isango kuzokufuze livalwe.+

13 “‘Qobe langa kuzokufuze unikele ngemvana eduna ephile kuhle, esemnyakeni wokuthoma njengomnikelo opheleleko otjhiswako kuJehova.+ Lokhu kufuze ukwenze qobe ekuseni. 14 Kunye nayo, qobe ekuseni kufuze unikele okusithandathu kwe-efa njengomnikelo weenthoro, kuhlanganise kwesithathu kwehini yamafutha bona kufafazwe eflowurwini yezinga eliphezulu njengomnikelo weenthoro waqobe kuJehova. Lo, mthetho ozokuhlala usebenza. 15 Kufuze banikele ngemvana eduna, umnikelo weenthoro namafutha qobe ekuseni njengomnikelo opheleleko waqobe otjhiswako.’

16 “Nakhu iKosi ePhakemeko uJehova ekutjhoko: ‘Nangabe ikosana ipha ngayinye yamadodanayo isipho njengelifa, sizokuba yipahla yamadodanayo. Sisabelo sabo ngelifa labo. 17 Kodwana nangabe inikela isipho selifa layo kwenye yeenceku zayo, kuzokuba ngesayo bekube mnyaka wetjhaphuluko;+ ngemva kwalokho sizokubuyela ekosaneni. Lilifa lamadodanayo kwaphela elizokuba ngelazo unomphela. 18 Ikosana akukafuzi ithathe nanyana ngiliphi ilifa labantu ngokubakatelela bona bakhambe endawenabo. Kufuze inikele amadodanayo ilifa elivela endawenayo bona kungabi namuntu hlangana nabantu bami obaqotha endawenayo.’”

19 Ngemva kwalokho, yangiletha ebungenweni+ obuhlanu kwesango eliya eenkumbeni zokudlela ezicwengileko zabaphristi, eziqale etlhagwini+ begodu lapho ngabona indawo engemuva nca ngetjingalanga. 20 Yathi kimi: “Le yindawo lapho abaphristi bazokubilisa khona umnikelo womlandu, umnikelo wesono nendawo lapho bazokubhagela khona umnikelo weenthoro,+ bona bangaphumi nalitho esirhodlweni esingaphandle begodu badlulisele ukucwengeka ebantwini.”+

21 Yangikhuphela esirhodlweni esingaphandle, yangidlulisa emakhoneni amane wesirhodlo, ekhoneni ngalinye lesirhodlo ngabona isirhodlo esingaphandle. 22 Emakhoneni amane wesirhodlo bekuneenrhodlo ezincani, amakhubhithi* ama-40 ubude namakhubhithi ama-30 ububanzi. Woke womane bekalingana. 23 Lapho bekunemiphetho koke magega namane wawo begodu ngaphasi bekunemiphetho eyakhiweko yeendawo zokubilisa iminikelo. 24 Nje-ke yathi kimi: “Lezi zizindlu lapho iinsebenzi zethempelini ezibilisela khona umhlatjelo wabantu.”+

47 Wangibuyisa ngobungeno bethempeli+ begodu lapho ngabona amanzi agelezela ngepumalanga avela ngaphasi kobungeno bethempeli+ ngombana ingaphambili lethempeli beliqale epumalanga. Amanzi ebewagelezela phasi avela ngaphasi ngehlangothini lesidleni lethempeli, esewula ye-aldara.

2 Ngemva kwalokho, wangisa ngaphandle ngendlela yesango letlhagwini,+ wangisa ngaphandle magega nesango elingaphandle eliqale epumalanga,+ ngabona amanzi athontako avela ehlangothini langesidleni.

3 Lokha indoda le nayiphumako hlanu kwepumalanga nentambo yokulinganisa esandleni sayo,+ yalinganisa amakhubhithi* ayi-1 000, yangidlulisa ngemanzini; amanzi bekafika engogoriyaneni.*

4 Ngemva kwalokho, yalinganisa enye i-1 000 yangidlulisa emanzini, bekafika emadolweni.

Yalinganisa enye i-1 000 yangidlulisa begodu amanzi bekafika eenyongeni.

5 Nayilinganisa enye i-1 000, bekumlanjana engingakghoni ukudlula kiwo ngombana amanzi bekazike kangangokuthi umuntu bekufuze adude, umlanjana wamanzi ongekhe wadlula kiwo ngeenyawo.

6 Yangibuza: “Ukhe wakubona lokhu, ndodana yomuntu?”

Ngemva kwalokho, yangikhambisa yangibuyisela magega nomlanjana. 7 Nangibuyelako, ngabona ukuthi magega nomlanjana bekunemithi eminengi mahlangothi womabili.+ 8 Nje-ke yathi kimi: “Amanzi la agelezela hlanu kwesifunda sepumalanga ehlele nge-Araba,+ angene elwandle. Nakangena elwandle,+ amanzi azokulapheka. 9 Iinlwana eziphilako zizokukghona ukuphila nanyana kukuphi lapho amanzi ageleza khona. Kuzokuba neemfesi ezinengi ngebanga lokuthi amanzi la azokugelezela khona. Amanzi welwandle azokulapheka begodu koke kuzokuphila nanyana kukuphi lapho umlambo uya khona.

10 “Abathiyi beemfesi bazokujama hlanu kwawo ukusuka e-Eni-Gedi+ ukufikela e-Eni-Egilayimu lapho kuzokuba nendawo yokomisa iinrhurhulanede. Kuzokuba nemihlobo eminengi yeemfesi, njengeemfesi zeLwandle eliKhulu.+

11 “Lizokuba neendawo ezinamanzi nezinedaka begodu angekhe zilatjhwe. Zizokuhlala zinetswayi.+

12 “Yoke imihlobo yemithi yokudla izokukhula mahlangothi womabili hlanu kwemilanjana. Amakarayo angekhe atjhwabe namkha iinthelo zayo ziphele. Qobe ngenyanga zizokuthela iinthelo ezitja ngombana amanzawo ageleza avela endaweni ecwengileko.+ Iinthelo zawo zizokuba kukudla begodu amakarawo azokuba ngewokulapha.”+

13 Nakhu iKosi ePhakemeko uJehova ekutjhoko: “Le, yindawo ozoyaba njengenarha elilifa yeenkoro ezili-12 zakwa-Israyeli begodu uJosefa uzokuba neengcenye ezimbili.+ 14 Izokuba lilifa lenu, nizokufumana izabelo ezilinganako. Ngafunga ukunikela inarha le kibokhokhwenu+ begodu nje inikelwe nina njengelifa.

15 “Lo, mkhawulo wenarha esehlangothini letlhagwini: Ukhamba usuka eLwandle eliKhulu ngendlela eya eRhetiloni+ eduze neTsedadi,+ 16 eRhamathi,+ eBherothayi,+ neSibrayimu ehlangana nendawo yeDamaseku nendawo yeRhamathi ukufika eRhateri-Hatikoni hlanu komkhawulo weRhawurana.+ 17 Nje-ke umkhawulo uzokusuka elwandle ukufikela eRhatseri-Enoni+ hlanu komkhawulo weDamaseku ukufikela etlhagwini nemkhawulweni weRhamathi.+ Lo mkhawulo wetlhagwini.

18 “Ihlangothi elisepumalanga lisuka hlangana neRhawurana neDamaseku hlanu kweJordani hlangana neGiliyadi+ nenarha yakwa-Israyeli. Kufuze ulinganise ukusuka emkhawulweni welwandle* elisepumalanga. Lo mkhawulo wepumalanga.

19 “Umkhawulo wesewula uzokusuka eTamari ufike emanzini weMeriba-Khadetjhi,+ ukhambe ufike emRhobeni* neLwandle eliKhulu.+ Lo mkhawulo wesewula.

20 “Ehlangothini elisetjingalanga liLwandle eliKhulu, ukusukela emkhawulweni ukufikela endaweni ephambi kweLebo-Rhamathi.*+ Lo mkhawulo wetjingalanga.”

21 “Kufuze nihlukaniselane inarha le hlangana neenkoro ezili-12 zakwa-Israyeli. 22 Kufuze nihlukaniselane yona phakathi kwenu bona ibe lilifa, nabantu abavela kwezinye iinarha abanani ababe nabantwana ngesikhathi bahlangana nani bazokuba njengama-Israyeli kini. Bazokufumana ilifa hlangana neenkoro zakwa-Israyeli kunye nani. 23 Kufuze ninikele umuntu ovela kwenye inarha ohlala nani ilifa endaweni yekoro yalapho ahlala khona,” kutjho iKosi ePhakemeko uJehova.

48 “La, magama weenkoro kusukela emkhawulweni wetlhagwini: Ingcenye yakwaDani+ beyikhamba ukusukela eRhetiloni ukufikela eLebo-Rhamathi*+ ukufikela eRhatseri-Enani, hlanu komkhawulo weDamaseku ngetlhagwini, hlanu kweRhamathi+ begodu beyisuka epumalanga ifikele emkhawulweni wetjingalanga. 2 Ingcenye ka-Atjheri+ isuka emkhawulweni wakwaDani, kusukela emkhawulweni wepumalanga kufikela emkhawulweni wetjingalanga. 3 Ingcenye kaNafitali+ isemkhawulweni wakwa-Atjheri, kusukela emkhawulweni wepumalanga kufikela emkhawulweni wetjingalanga. 4 Ingcenye kaManase+ isemkhawulweni wakwaNafitali, kusukela emkhawulweni wepumalanga kufikela emkhawulweni wetjingalanga. 5 Ingcenye ka-Efrayimu isemkhawulweni kaManase,+ kusukela emkhawulweni wepumalanga kufikela emkhawulweni wetjingalanga. 6 Ingcenye kaRubeni isemkhawulweni ka-Efrayimu,+ kusukela emkhawulweni wepumalanga kufikela emkhawulweni wetjingalanga. 7 Ingcenye kaJuda isemkhawulweni kaRubeni,+ kusukela emkhawulweni wepumalanga kufikela emkhawulweni wetjingalanga. 8 Emkhawulweni kaJuda, kusukela emkhawulweni wepumalanga kufikela emkhawulweni wetjingalanga, umnikelo enizowubekela ngeqadi kufuze ube makhubhithi azii-25 000 ububanzi+ ilingane nobude beengcenye zenye ikoro kusukela emkhawulweni wepumalanga kufikela emkhawulweni wetjingalanga. Indawo ecwengileko izokuba phakathi kwawo.

9 “Umnikelo kaJehova ekufuze niwubekele ngeqadi uzokuba makhubhithi azii-25 000 ubude nazii-10 000 ububanzi. 10 Lo, kuzokuba mnikelo ocwengileko wabaphristi.+ Izokuba makhubhithi azii-25 000 ehlangothini letlhagwini, azii-10 000 etjingalanga, azii-10 000 epumalanga nazii-25 000 esewula. Indawo ecwengileko kaJehova izokuba phakathi kwawo. 11 Izokuba ngeyabaphristi abacwengisiweko ukusukela emadodaneni kaTsadokhi,+ lawo atlhogomela umsebenzawo kimi nangakhenge angitjhiye ama-Israyeli namaLevi nakaphambukako.+ 12 Azokuba nengcenye yomnikelo wenarha ebekelwe eqadi njengento ecwengeke khulu emkhawulweni wamaLevi.

13 “Hlanu kwendawo yabaphristi, amaLevi azokuba nengcenye yamakhubhithi azii-25 000 ubude nazii-10 000 ububanzi. (Ubude benarha seyiyoke buzokuba zii-25 000 ubude nezii-10 000 ububanzi.) 14 Akukafuzi bathengise, barweyile namkha badlulise nanyana ngiyiphi ingcenye ekhethekileko le yenarha ngombana iyinto ecwengileko kuJehova.

15 “Indawo eseleko emakhubhithi azii-5 000 ububanzi eseduze nomkhawulo omakhubhithi azii-25 000 izokusetjenziswa nanyana ngubani edorobheni+ bona kube yindawo yokuhlala namadlelo. Idorobho lizokuba phakathi kwayo.+ 16 Lezi ziinlinganiso zedorobho: Umkhawulo wetlhagwini umakhubhithi azii-4 500, umkhawulo wesewula azii-4 500, umkhawulo wepumalanga azii-4 500 nomkhawulo wetjingalanga azii-4 500. 17 Amadlelo wedorobho azokuba makhubhithi ama-250 ukuya etlhagwini, ama-250 ukuya esewula, ama-250 ukuya epumalanga nama-250 ukuya etjingalanga.

18 “Ubude bengcenye eseleko buzokulingana nomnikelo ocwengileko,+ amakhubhithi azii-10 000 ukuya epumalanga namakhubhithi azii-10 000 ukuya etjingalanga. Izokulingana nomnikelo ocwengileko begodu umkhiqizwayo uzokunikela abasebenza edorobheni ukudla. 19 Labo abasebenza edorobheni abavela kizo zoke iinkoro zakwa-Israyeli bazoyilima.+

20 “Umnikelo opheleleko kufuze ube makhubhithi asikwere azii-25 000. Kufuze niwubekele ngeqadi njengomnikelo ocwengileko kuhlanganise nesabelo sedorobho.

21 “Okuseleko emahlangothini amabili womnikelo ocwengileko nesabelo sedorobho kuzokuba ngekwekosana.+ Kuzokuba eduze nomkhawulo omakhubhithi azii-25 000 asepumalanga netjingalanga yomnikelo. Kuzokulingana neengcenye ezihlangeneko begodu izokuba ngeyekosana. Umnikelo ocwengileko nendawo ecwengileko yethempeli izokuba phakathi kwalo.

22 Isabelo samaLevi nesabelo sedorobho sizokuba hlangana nalokho okungokwekosana. Indawo yekosana izokuba hlangana nomkhawulo wakwaJuda+ nomkhawulo wakwaBhenjamini.

23 “Iingcenye eziseleko, ingcenye kaBhenjamini isuka emkhawulweni wepumalanga ifike emkhawulweni wetjingalanga.+ 24 Ingcenye kaSimiyoni iseduze nomkhawulo kaBhenjamini,+ kusukela emkhawulweni wepumalanga kufikela emkhawulweni wetjingalanga. 25 Ingcenye ka-Isakari+ iseduze nomkhawulo kaSimiyoni, kusukela emkhawulweni wepumalanga kufikela emkhawulweni wetjingalanga. 26 Ingcenye kaZebuloni iseduze nomkhawulo ka-Isakari,+ kusukela emkhawulweni wepumalanga kufikela emkhawulweni wetjingalanga.+ 27 Ingcenye kaGadi iseduze nomkhawulo kaZebuloni,+ kusukela emkhawulweni wepumalanga kufikela emkhawulweni wetjingalanga. 28 Umkhawulo wesewula oseduze nomkhawulo kaGadi uzokusuka eTamari+ uye emanzini weMeriba-Khadetjhi+ kufika emRhobeni*+ neLwandle eliKhulu.*

29 “Le, yinarha ekufuze niyihlukanise njengelifa leenkoro zakwa-Israyeli+ begodu lezi kuzokuba ziingcenye zazo,”+ kutjho iKosi ePhakemeko uJehova.

30 “Lokhu kuzokuba buphumo bedorobho: Ihlangothi langetlhagwini lizokuba silinganiso samakhubhithi azii-4 500.+

31 “Amasango wedorobho azokubizwa ngokweenkoro zakwa-Israyeli. Amasango amathathu angetlhagwini, kuzokuba nesango linye lakwaRubeni, kube nesango linye lakaJuda nesango linye lakaLevi.

32 “Ehlangothini lepumalanga kuzokuba makhubhithi azii-4 500 ubude begodu kunamasango amathathu: isango linye lakaJosefa, isango linye lakaBhenjamini nesango linye lakaDani.

33 Ihlangothi lesewula lizokuba silinganiso esimakhubhithi azii-4 500 namasango amathathu: isango linye lakaSimiyoni, isango linye laka-Isakari nesango linye lakaZebuloni.

34 “Ihlangothi letjingalanga lizokuba makhubhithi azii-4 500 ubude namasango amathathu: isango linye lakaGadi, isango linye laka-Atjheri nesango linye lakaNafitali.

35 “Indawo seyiyoke izokuba makhubhithi azii-18 000, igama ledorobho kusukela ngelangelo lizokuthi uJehova Ulapho.”+