B1
Umlayezo WeBhayibheli
UJehova uZimu unelungelo lokubusa. Indlelakhe yokubusa iphuma phambili. Umnqophwakhe ngephasi nangabantu uzokuzaliseka.
Ngemva kwaka-4026 B.C.E. “Inyoka” isola ilungelo lakaJehova lokubusa nendlela abusa ngayo. UJehova uthembisa ukuveza “isizukulwana” emaswapheleni esizokurhayila inyoka enguSathana. (Genesisi 3:1-5, 15, umtlolo wangenzasi) Kodwana uJehova unikela abantu ithuba lokuzibusa ngaphasi kwelawulo lakaSathana. |
1943 B.C.E. UJehova utjela u-Abrahama ukuthi “isizukulwana” esithenjisiwekwesi sizokuba ngesinye seenzukulwana zakhe.—Genesisi 22:18. |
Ngemva kwaka-1070 B.C.E. UJehova uqinisekisa iKosi uDavida, ngokukhamba kwesikhathi uqinisekisa nendodanakhe uSolomoni ukuthi ‘isizukulwaneso’ sizokuvela emndeninabo.—2 Samyela 7:12, 16; 1 AmaKhosi 9:3-5; Isaya 9:6, 7. |
29 C.E. UJehova uveza ukuthi uJesu ‘sizukulwana’ esithenjisiweko esizokuba yiNdlalifa esihlalweni sobukhosi sakaDavida.—Galatiya 3:16; Lukasi 1:31-33; 3:21, 22. |
33 C.E. Inyoka enguSathana ilimaza “isizukulwana” esithenjisiweko isikhatjhana, ngokwenza uJesu abulawe. UJehova uvusela uJesu epilweni yezulwini begodu wamukela inani lokuphila kwakaJesu okupheleleko, ngokwenza lokho usinikela isisekelo sokulitjalelwa izono nokunikela iinzukulwana zaka-Adamu ukuphila okungapheliko.—Genesisi 3:15; IzEnzo 2:32-36; 1 Korinte 15:21, 22. |
Ngabo-1914 C.E. UJesu uphosela inyoka enguSathana ephasini, ayivalele lapho isikhatjhana.—IsAmbulo 12:7-9, 12. |
Ingomuso UJesu uvalela uSathana ngejele iminyaka eyi-1 000, bese uyambhubhisa, okufanekiselwa kutshidlha ihlokwakhe. Umnqopho kaJehova wekuthomeni ngephasi nangabantu uyazaliseka, igama lakhe liyahlanzwa nendlelakhe yokubusa ibonakala ilungile.—IsAmbulo 20:1-3, 10; 21:3, 4. |