Isifundo 4

Indlela Ongafunda Ngayo NgoZimu

Ungafunda ngoJehova ngokufunda iBhayibhili. Esikhathini eside esidlulileko uZimu wakhetha abantu abathileko bonyana batlole imikhumbulo yakhe. Imitlolo le ibizwa bonyana yiBhayibhili. Namhlanje sifunda ngoZimu ngokufunda iBhayibhili. Njengombana iBhayibhili iphethe ilizwi lakaJehova, namtjhana umlayezo, ibizwa nangokobanyana liLizwi lakaZimu. Singakukholelwa lokho iBhayibhili ekutjhoko ngombanyana uJehova akawakhulumi amala. ‘UZimu angekhe athoma amala.’ (KumaHebheru 6:18) ILizwi lakaZimu liphethe iqiniso.—Jwanisi 17:17.

IBhayibhili ngesinye sezipho eziqakatheke khulu uZimu asiphe sona. Injengencwadi evela kubaba onethando eya ebantwaneni bakhe. Isitjela ngesithembiso sakaZimu sokutjhugulula iphasi libe ipharadeyisi elikarisako. Isitjela ngalokho akwenzako esikhathini esidlulileko, nalokho akwenzako njenganje, nangalokho azokwenzela abantwana bakhe abathembekileko esikhathini esizako. Isirhelebha nokurarulula imiraro nokufumana ithabo.—2 kuThimothi 3:16, 17.

AboFakazi bakaJehova bangani bakaZimu; bangakurhelebha uzwisise iimfundiso zeBhayibhili. Batjele bonyana ufuna ukufunda iBhayibhili. Bazakufundisa simahla. (Matewu 10:8) Ngaphezu kwalokho, ungaya emihlanganweni yamaKrestu. Ibanjelwa eendaweni zokukhulekela ezibizwa bonyana maWolo woMbuso. Newubakhona emihlanganweni yamaKrestu le, uzakukhula msinyana ekwazini kwakho uZimu.

Ungafunda ngoZimu eentweni azenzileko. Isibonelo, iBhayibhili ithi: “UZimu wabumba izulu nephasi.” (Genesisi 1:1) Lapho uJehova enza “amazulu,” wenza ilanga. Lokho kusitjelani ngoZimu? Kusitjela bonyana uJehova unamandla amakhulu. Nguye yedwa ongenza into enamandla njengelanga. Lokho kusitjela nokobanyana uJehova uhlakaniphile, njengombana kufuna ukuhlakanipha ukwenza ilanga, elinikela ukufuthumala nokukhanya begodu ngeze laphela.

Indalo kaJehova itjengisa bonyana uyasithanda. Cabanga ngemihlobohlobo yeenthelo ezikhona ephasinapha. UJehova abangasipha umhlobo owodwa kwaphela wesithelo nanyana angasiphi litho. Kunalokho, uJehova wasipha imihlobo eminengi yeenthelo ezakheke ngeendlela ezingafaniko, ubukhulu, imibala, nezinambitheka ngeendlela ezingafaniko. Lokhu kutjengisa bonyana uJehova akusuye uZimu onethando kwaphela kunalokho unesandla esivulekileko, uyacabangela, begodu unomusa.—AmaRhalani 104:24.