Isendlalelo

UZIMU UMNINIMANDLAWOKE nguMlawuli wephezulu nephasi loke. Ukuphila kwethu kwanje nekwesikhathi esizako kweyame kuye. Unamandla wokutlomelisa namandla wokujezisa. Amandla wokupha ukuphila namandla wokuthatha ukuphila. Nasimukelako kuzasikhambela kuhle; kanti nangasimukeliko, kuzasikhambela kumbi. Kuqakatheke kangangani bonyana ukukhulekela kwethu kumukelwe nguye!

Abantu bakhulekela ngeendlela ezinengi. Nengabe ikolo ifana neendlela, zoke iinkolo ziyamukeleka kuZimu na? Awa, akusinjalo. Umporofidi kaZimu, uJesu, watjengisa bonyana kuneendlela eembili kwaphela. Wathi: “Isango eliya [ekubhujisweni] libanzi, nendlela eya khona ibulula, banengi abakhamba ngayo. Kodwana isango eliya ekuphileni lincancani, nendlela eya khona ibukhuni, balilitjhwana abantu abayifumanako.”—Matewu 7:13, 14.

Zimbili kwaphela iinhlobo zekolo: enye iyisa ekuphileni enye iyisa ekubhujisweni. Umnqopho wencwanjana le, kukurhelebha ukereye indlela eyisa ekuphileni okungapheliko.