Ingcenye 20

Ukubulawa KwakaJesu Krestu

UJesu uthomisa umnyanya omutjha; uyakghaphelwa begodu uyabethelwa

NGEMVA kweminyaka emithathu yokutjhumayela nokufundisa, uJesu bekazi bona isikhathi sokuphila kwakhe ephasini gade sele sizokuphela. Abadosi phambili bekolo yamaJuda gade benza amano wokumbulala, kodwana bebasaba itjhada egade lenziwa babantu, ebebakholelwa bona umphorofidi. Kusesenjalo, uSathana wabangela omunye wabapostoli bakaJesu abayi-12—uJuda Isikariyodi—bona akghaphele uJesu. Abadosi phambili bekolo banikela uJuda iinthoro zesiliva eziyi-30 bona akghaphele uJesu.

Ngobusuku bakhe bamaswaphela, uJesu wahlangana nabapostoli bakhe bona bagidinge iPhasika. Ngemva kokukhambisa uJuda, wathomisa umnyanya omutjha, Isidlo SeKosi Santambama. Wathatha ilofu yoburotho, wathandaza, begodu wadlulisela uburotho ebapostolini bakhe abayi-11 abaseleko. Wathi: “Lokhu kumzimba wami, onikelwa nina. Yenzani lokhu khona nizangikhumbula.” Wenza okufanako ngekapho yewayini, wathi: “Ikapho le sivumelwano esitjha sakaZimu eengazini zami ezaphalakela nina.”—Luka 22:19, 20.

UJesu waba nokunengi akutjho kubapostoli bakhe ebusukwinobo. Wabanikela umlayo omutjha—bonyana batjengise ithando lamambala komunye nomunye. Wathi: “Nanithandanako boke abantu bazakwazi bona nibafundi bami.” (Jwanisi 13:34, 35) Wabakhuthaza bona bangavumeli iinhliziyo zabo bona zibe namatlhuwo ngebanga lobuhlungu ngezehlakalo egade zizokwenzeka. UJesu wabathandazela ngokusuka ehliziyweni. Bavuma iingoma zokudumisa begodu baphuma baya esimini yeGetsemani ebusuku.

Esimini yeGetsemani, uJesu waguqa begodu wathandaza ngokusuka ehliziyweni. Msinyana kwafika isiqubuthu samasotja ahlomileko, abapristi, nabanye ukuzombamba. UJudasi watjhidela begodu wabatjengisa uJesu ngokummanga. Njengombana amasotja abopha uJesu, abapostoli babaleka.

Ajame phambi kwekhotho ephakamileko, uJesu wathi uyiNdodana kaZimu. Ikhotho yambeka umlandu wokunyefula begodu nokufanelwa kukufa. UJesu wayiswa kuMbusi weRoma uPontiyasi Pilato. Namtjhana afumana uJesu anganamlandu wobulelesi, wanikela uJesu esiqubuthwini esibanga itjhada egade sifuna bona abulawe.

UJesu wayiswa eGolgotha, lapho amasotja weRoma afika khona ambethela epaleni. Emini kwano ha! kwenzeka isimangaliso, kwatjhintja kwaba mnyama. Ngemva kwamadina, uJesu wafa, begodu kwaba nokusikinyeka kwephasi okukhulu. Umzimbakhe wabekwa ethuneni elenziwe entabeni. Ngelanga elilandelako, abapristi bavala ithuna begodu babeka ugadi emnyangwalo. UJesu bekazokuhlala asethunenelo? Awa. Isibonakaliso esikhulu kunazo zoke gade sele sizokwenzeka.

—Isekelwe encwadini kaMatewu izahluko 26 no 27; Markosi izahluko 14 no 15; Luka izahluko 22 no 23; begodu no Jwanisi izahluko 12 ukuya ku 19.

◼ Ngimuphi umnyanya omutjha uJesu awuthomisako?

◼ Ngiziphi izehlakalo ezenzekako ngaphambi kokufa kwakaJesu?

[Ibhoksi elisekhasini 23]

INDIMA KAJESU EQAKATHEKILEKO

Ukufa kwakaJesu kwadlala indima eqakathekileko ekuzalisekeni kweminqopho kaJehova. Ngombana uMariya wazithwala uJesu ngomoya ocwengekileko kaZimu, uJesu wabelethwa anganasono, gade kufanele angafi. Kodwana, wanikela ngokuphila kwakhe khona abantu bazokufumana ithuba lokuphila ngokungapheliko begodu bathabele ipilo ihlongandlebe elingu-Adamu elayilahlekisela inzalo yalo.a—Matewu 20:28; Luka 1:34, 35; Jwanisi 3:16, 36; 2 kaPitrosi 3:13.

[Umtlolo waphasi]

[Itjhadi ekhasini 23]

Genesisi

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

Jeremiya

Isililo

Ezekiyeli

Danyela

Hosiya

Juweli

Amosi

Obadiya

Jona

Mika

Nahumi

Habakuki

Zefaniya

Hagayi

Zakariya

Malaki

Matewu ●

Markosi ●

Luka ●

Jwanisi ●

IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu