INgcenye

Bekungubani UJesu?

Nesifuna ukuthabisa uJehova, kufuze silalele nomunye umuntu oqakathekileko. Isikhathi eside ngaphambi kobana abumbe u-⁠Adamu, uJehova wabumba umuntu womoya onamandla emazulwini.

Ngokukhamba kwesikhathi, uJehova wamthumela bona abelethwe yintombi ibizo layo elinguMariya eBetlehema. Umntwana wathiywa ibizo bona nguJesu.​—⁠Jwanisi 6:⁠38.

Njengomuntu ephasini, uJesu wazitjengisa ngokupheleleko iimfanelo zakaZimu. Bekanomusa, ithando begodu angeneka. Ngokungasabi, wafundisa abanye iqiniso ngoJehova.

UJehova wathumela uJesu ephasini. 1 KaJwanisi 4:9

Abadosiphambili bekolo bamhloya uJesu ngombana watjela abantu ngeemfundiso zabo zamala nangeendlela zabo ezimbi.

Godu uJesu walapha abagulako wavusela abanye egade bafile ekuphileni.

Abadosiphambili bekolo benza bona amaRoma abethe uJesu abe ambulale.

UJesu wenza okuhle, kodwana wahloywa. 1 KaPitrosi 2:​21-⁠24

Kubayini kuqakathekile ukwazi ngoJesu? ​—⁠Jwanisi 17:⁠3.

Khuyini uJesu ayenza ezulwini ngaphambi kobana eze ephasini?​—⁠KwebeKholose 1:​15-⁠17.